لاحول ولا قوه الا بالله
—
اليوم التالي بالمزرعه الظهر
بمجلس الرجال
سالم : يبه قومو تعالو عندنا لين يخلص المطبخ
كسار : يمكن منيره ماتبي
سالم: انا بكلمها واحسن لكم هناك وحصه وعايشه ومحسن وزوجته كلهم بيجون البيت واسع
تدخل محسن : انا مانيب جاي
كسار باستغراب : علامك
محسن بشده : مابي صدقته
سالم بانفعال : اي صدقه تتكلم عنها ابوي كفايه انه مخلينا عنده اسبوع هذا اقل شي اقدر اسويه لهم وانت يالسلقه اذا ماتبي انطق هنا تسوي خير اشرف عالعمال ولا اسمع حسك
جا محسن بيرد ووقفه كسار بعصبيه : لايكون بترد على اخوك وانت الغلطان اص بس
سالم : وانت ياعبدالله تعالي انت وعيالك الغدا عندي
عبدالله: والله ماضني بنجي اكيد تعابا
سالم : عشاء مايضر خلهم يتونسون
عبدالله : ان شاء الله
دخل كسار عند منيره والبنات
كسار موجه كلامه لمنيره : سالم يقول تعالو عندي لين يخلص المطبخ
منيره : والله مدري والعمال لاجو محد ببشرف عليه
كسار : محسن ماهو رايح بيقعد عندهم
هنوف بهمس للبنات : احسن
تدخلت لطيفه : اي والله ياعمه تعالو عندنا منها نتونس بكم بيمر الوقت بسرعه ويصلح المطبخ ومابنحس فيه
منيره بسؤال لحصه وعايشه : ها شرايكم نروح
عايشه : الشور شورك يمه
حصه : والله اشوف هناك ازين و منها نكون زرنا سالم ببيته
نوره برجا : تكفين ياجده للحين ماشبعت من البنات انا طالبتك
منيره بضحكه : ههههههههه خلاص عشانك
نوره تقدمت تبوس راسها : اغلى ضيفه والله
كسار : مافيه الا ثلاث سيارات الجيب والوانيت والكامري انا وعبدالله وهادي بالوانيت وانتو يالحريم مع سالم وفراس بالكامري
والبنات مع بدر وعبد العزيز بالجيب عشانهم كثار
منيره : توكلنا على الله
بعد ساعتين الكل تقسم بالسيارات
بالجيب عند بدر وعبد العزيز والبنات
عبد العزيز : انا بسوق
بدر : تستهبل شعرفك ببيتنا انت مالي خلق اوصف الطريق لك اقعد بس
عبد العزيز : هالمره بمشيها
بدر بضحكه : اقعد اقعد خل نسولف
عبد العزيز : سولف انت ماعندي شي
بدر : والله اني مستانس ان عمي محسن مب معنا
عبد العزيز : اول مره يعجبني زين انه مسوي راعي كرامه محد يبيه
—
بدر : والله ياعليه تصعيد مواضيع
بدر بسؤال: سلمى شقالت عمتي حتى انتو جايين عندنا
سلمى : اي وافقت
عند البنات ورا
نوره بلقافه : بدر وقف بالبقاله
بدر : ابشرو بسعدكم
وقف بدر عند البقاله ونزلو البنات
هنوف بخجل : تبون نجيب لكم شي ؟
عبد العزيز : لا تسلمين
توجهت هنوف تلحق البنات
بالسياره
بدر مات ضحك : لا سلامتك كان قلت ابيك
عبد العزيز تعدل يرفس بدر : انقلع يالبزر شعليك
بدر : والله ياخوي انا اقول لاتصير واضح كذا
عبد العزيز باستغراب : ماني واضح اصلا
بدر بتذكر : اي والي دخل امس شالها ولا درا عالباقيين مب واضح
عبد العزيز بتغيير موضوع : طبيعي بشيلها مغمى عليها البنت ، وين بيتكم مطولين
بدر : اي صرف صرف
عند عبدالله بالوانيت
هادي الي كان منحشر بينهم
عبدالله : ومتى قالو لك بيخلص المطبخ
كسار : والله قالو اربع ايام اسبوع
عبدالله : الله يصلح البنات بس
هادي بكتمه : ياخال متى نوصل طولنا
عبدالله : شفيك مستعجل
هادي بتصريف : ابنام
عبدالله : خلك تغد بعد نم
هادي : ابشر
