لاحول ولا قوه الا بالله
__
عبدالعزيز اللي لف على فراس سبقه فراس: انس مارح اتحرك لين يصحى رجلي على رجلك
عبدالعزيز: خالي بس دقيقه بقول لك شي
جا سالم عند عبدالعزيز: عسى ماشر بدر فيه شي وماقلت لي؟
عبدالعزيز:لا ابد مافيه شي
سالم:اجل وش
عبدالعزيز: خالي رح ينسكت على الموضوع ؟ مو هين انه يطلق على احد كذا وما يصير له شي
سالم تنهد: الله يكسر يدك يا محسن، اي وممكن وش يصير له
عبدالعزيز: والله مدري هم بيجون و يحققون معه بكرا بس ممكن يطلع منها على انه يحسب حرامي في بيته و اطلق دفاع عن النفس لكن مدري ذي كلها تخمينات
سالم: خلاص انا برجع اطمن ام بدر و انت دق علي يا وليدي اول ما يصير شي
عبدالعزيز: ابشر لا تشيل هم
في بيت سالم بعد مارجعو
سالم الي راح للبنات الي كانت جالسه معهم لطيفه و منيره
لطيفه وقفت: كيف بدر
سالم:ماعليك مافيه شي و الرصاصه ما جات في مكان خطير و الحمدالله هو بخير وكم ساعه و يصحى ان شاءالله
الكل: الحمدالله
منيره: الله يطمنك
لطيفه: بروح له
سالم: وين تروحين له ذا الوقت
نوره: بكرا بنروح له انا و امي و جدتي
سالم: ان شاءالله
—
عند العيال:
الي كان معهم عبدالله و كسار و يزيد و هادي و دخل عليهم سالم
عبدالله الي اول ما شافه قام عشان يكلمه برا
عبدالله: وش بيصير على محسن
سالم بعصبيه: ما اعرف بكرا بيحققون معه و اي شي يجيه يستاهله انا ما ادري كيف توصل عليه يطلق على احد وين عقله وهو يسوي كذا ارواح الناس لعبه!!
عبدالله: والله مدري وش اقولك ياخوي اخوك ذا هو كذا من يومه
سالم: من يومه يطلق على خلق ربي؟ لا تبرر له بكرا يجون و يحققون و يصير فيه الي يصير
سالم الي دخل عند ابوه و عبدالله وقف في مكانه يدري ان امه و ابوه مارح يستحملون يصير شي بمحسن ومحسن مو مقدر كبر احد يحسب نفسه محسن المراهق تنهد و دخل عند ابوه
كسار الي ضرب يدينه في بعض: وين اخوك ذا وينه ليه منخش
يزيد: اتوقع لين الحين هو بالمزرعه ولا هو مهتم اصلا
بس هو لما ينسجن بيعرف كيف يهتم
هادي بهمس: ولد! جدي مو ناقص ذا الكلام
يزيد بصوت مرتفع : وش ذي الحقيقه عمي محسن مطلق على بدر و اقل شي يصير فيه ينسجن
عبدالله: احنا بنحل الموضوع انت لا تتدخل
يزيد بانفعال: وش الي ما ادخل نفسي! عمي مطلق عليه لو مات كنتو قلتو كذا بعد ؟ ما ادخل نفسي ذي المره بس اطلق عليه و ستر ربي المره الجايه ايش بيخلص علينا واحد واحد!
يزيد اللي وقف و كمل كلامه: اذا انتو كذا كل مره بتسكتون لعمي و تمشون له محد فينا بيعيش بخير
و طلع يزيد هادي الي وقف يلحقه: لازم خالي يتعلم من الي سواه مايصير تعدي السالفه كذا
وراح لي يزيد
كسار الي نزل راسه: والله تعبت منه
عبدالله الي مسح على كتف ابوه: بتعدي السالفه
كسار:واخوك بعد السالفه ذي رح يتعدل؟و لا رح يتمرد اكثر و يشوف ان ذي المره سكتنا يعني خلاص عادي
عبدالله:ما نقول غير الله يهديه
عند يزيد الي خرج و لحقه هادي
هادي:ولد شفيك انت
يزيد بعصبيه: بنفجر ودي امسك الرشا*ش و افرغه في راسه
هادي الي اخذ جواله: بكلم عبدالعزيز اشوف نقدر نجي ولا
يزيد:دق على فراس احسن عبدالعزيز رح يقول لك انه بخير و ماله داعي تجون
في المستشفى:
عبدالعزيز الي كان برا و جنبه فراس
فراس:لين الحين احس اسمع صوت الطلقه و جسمي يقشعر
عبدالعزيز: فيني كمية حقد عليه لاني ادري انه مو ندمان
فراس:والله جاني تانيب ضمير انا الي جبت الفكره
—
