لايك لطفاً ✨ !
بلعت ريقها مشاعل التفتت للبنات اللي على شفتهم ابتسامة والواضح انهم ماسكين الضحكة ، كشرت تلتفت لشريفة الي تكلمت : كل وحدة تروح لغرفتها ترقد ولا بقوم انا ارقدها والدموع ع خدها
كشروا البنات وهم يقومون بسرعه ياخذون اغراضهم وكل وحده تتجه ناحية بيت اهلهم وتحديداً غرفتها .
- صباح يوم جديد
فتحت عيونها من حست ب الشمس تزعج عينها كشرت بس تلقائياً ابتسمت من ادركت اليوم بيكون فيه فعاليات كثير
بيروحون ل السوق يتجهزون لزواجها وتجهز هي
التفتت لناحية الطلبيات اللي مالية الغرفة كشرت من تذكرت لازم تفكهم وتفرز اللي مناسبها واللي مو مناسبها ترجعه تنهدت بس ابتسمت وهي تردف لنفسها : أن شاء الله اذا جات هيامي تساعدني
اتجهت ناحية الحمام تاخذ لها شور يصحصحها
بعد دقايق طلعت لبست فستان صيفي يهفهف لونه اصفر بعد م رطبت جسدها مشطت شعرها القصير وهي تخليه ينشف ع راحته
وحطت خمريتها وعطرها ، واتجهت تفرش سجادتها وتصلي صلاة الفجر ، بعد م انتهت من صلاة الفجر اتجهت تشغل التلفزيون بعد ثواني انتشر صوت ذكرى في ارجاء الغرفة ، اتجهت ناحية آلة القهوة تسوي لها قهوة وهي تردف مع ذكرى بعد مانتهت اخذت كوب قهوتها تفتح الايباد تشيك على اغراض الزواج الباقية تنهدت بخفة تردف : ذهب الكثير وبقي القليل الله يساعدني
اتجهت ناحية الباب اطلع برا الغرفة من شيكت على طلبياتها اللي جات واللي م جات وشيكت على اغراض زواجها الباقية وتواصلت مع مصممة فستان زواجها وأكدت لها بأن تم تجهيزه بقي تجي تقيس وتشوفه بس ذي الفقرة بتنتظر هيام تجي عشان تروح معها
ابتسمت من شافت أهلها جالسين في الصالة : صباح الخير
التفتوا ناحيتها تملىء وجيهم بالابتسامة
اردفت امها : كويس صحيتي بدري بنروح نفطر عند جدانك
هزت راسها ب الايجاب وهي تلتفت ناحية ابوها توجهه له الكلام : بابا اليوم بروح الشرقية اكمل اغراضي واذا م لقيت شي في الشرقية بروح الدمام ويمكن بعد البحرين تمام؟
هز رأسه ب الايجاب : من بيوديكم؟
رفعت اكتافها رِهام وهي ترتشف من قهوتها المُره : ما أعرف بشوف البنات
اكملت ترتشف قهوتها وتسمع سوالف أمها وأبوها اللي كانت البعض منها عن زواجها وتجهيزاتهم ويطرحون بعض الأفكار عليها
رفعت ساعتها تعقد حاجبها بأن الوقت مامر التفتت لهم : الوقت صاير مره طويل
اردفت أمها : أي هو كذا الصيف ، بس قومي الحين خلينا نروح عند جدتك ونساعد البنات في الفطور
اتجهت رِهام ناحية باب غرفتها بعد م اردفت بالأيجاب اخذت شال طويل يغطيها ب الكامل احتياطاً لو احد صادفها
-بيت الجد
مشاعل وهي تهبد مها ب المخدة عشان تقوم لأن لو جات جدتها وشافت مها نايمه للحين تعرف أنه بيصير شي م يتمنونه
اردفت مشاعل وهي ترمي عليها المخده وتردف بغضب : الله حسيبك ي مهاوي نص ساعه اصحي فيك
اكملت بعد ما سمعت رد من مها وهي غاطة بنومها : انا أوريك
التفتت تدور بأنظارها على علبة موية ابتسمت بخيث من شافت علبة موية مليانه لنص وباردة نوعاً ما
اتجهت ناحيتها وهي تقول اذكارها ومعوذاتها لأنها تعرف لا محالة بتذبحها اليوم بس مها تذبحها ولا شريفة
بعدت عنها بسرعه من كبت عليها الموية كلها وقامت مها تصرخ عليها : خير بزر انتِ بزر!
رمت عليها القاروره وهي تتصنع القوة : تستاهلين عشان ثاني مره ترقدين بدري وأمس كله م خليتيني انام انتي والثور اللي تكلمينه اقرفتوا عيشتي
ابتسمت مها تلقائياً من تذكرت امس وهي تكلم خالد
ضحكت من تذكرت ..
أنت تقرأ
وأشوف الود في عيونك ولكن يرد الود خوف فيك مني.
عاطفيةقصة خيالية لاتمد بالواقع صلة فيها ابطال مختلفين الافكار بتكون عن الزواج الاجباري والبر ومشاعر مختلفه للابطال💙 لا أبيح النقل أو الاقتباس
