《طفوله منسيه》
للكاتبه :✍🏻 《🌹هنوش🌹》
🌹الحلقه الثالثه 🌹
🌹قراءه ممتعه 🌹
__________________
في مدرسة ورد :
في الحصه الأولى ...
ورد مقعمزه هي و اسيل صاحبتها وكانت مدرستهم غير مختلطه بنات بس .
ورد : امتى تكمل هل الحصه التقيله .
اسيل : مافيش ثقيل و ابلة العربي قاعده .
ورد : اففففف تزيد عليا والله .
اسيل : احسن من قعدتك في الحوش .
ورد : شن قصدك ؟!
اسيل : باتك يضرب فيك .
ورد كانت كتومه وما تحكيش اسرار الحوش في المدرسه .
ورد : شن دخلك انتِ توا .
اسيل : صوت عياط طالع من حوشكم في انصاص اليالي و الشارع كله يعرف ان باتك يشرب و ..
ورد قاطعتها : اسيل مدخلكش في الأول والاخير بابا هذا معش تجيبي سيتره بالسوء احترمي نفسك .
اسيل : براحتك .
______________
في المستشفى :
ماما : وين عطيه .
اسكندر : وسعي بالك قاعد مع عمر .
ماما : عموره وين وين ولدي وين عيالي وين وووين وداد و ورد يا نعلي بناتي نبي تلفوني نبي نرن عليهن .
اسكندر : ما تخافيش وداد مع مروه و ...
ماما قاطعته : و ورد؟؟
اسكندر : خليني نكمل كلامي قاعده مع بنت الجيران شن اسم امها هي اسيل ايوه .
ماما : باهي .
الباب دق .
اسكندر خش .
خش عطيه معاه خالاته .
خالتي امينه : يا نعلي يا بنت امي وبويي يا عليك يوم اسود لما خذيتي الكلب هذا .
خالتي سعاد : الله يلعن اليوم الي شفناه فيه عنوبك ساعه سودا عليبوك معيشا .
خالتي هنيه : يا بوووي يا ريتك حي وشفت معانات بناتك .
خالتي امينه : وحدي ربي يا خيتي وحدي آلله يا فطومه يا خيتي .
ماما : لا اله الا الله وين فتحيه ؟؟
خالتي سعاد : هيييه بنتها الكبيره .
ماما : ليلى كنها !!
خالتي هنيه : دايرة العار .
ماما مصدومه : كييييف كيييف ليلى معقوله لالا مستحيل نصدق .
أنت تقرأ
《طفولة منسيه 》
Romanceالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
