《طفوله منسيه》 .
الكاتبه : ✍🏻《🌹هنوش🌹》.
🌹الحــلقـه الأولى 🌹.
🌹قـــراء مــمتـــعه 🌹.
__________________
في سنة 2018 ..
كنا في امان الله نتفرج على مسلسل عروس بيروت 😂🌹.
ماما : هيا يا هو تعالو عصيده .
انا : وووه جت في وقتها .
عطيه : يمي كم مره قتلك متحطيش الرّوب في عصيده مانحبش .
ورد شهقت بقوا : كيف لا انت ما تعرفش تاكل .
عطيه ضربها بكرعه وهزبها هزيبه لا تحسد عليها .
ماما : لا حول ولا قوة الا بالله ابدو هيا عركه تانيه ونتوا رايحين زي قطوس و فار .
انا ناكل : زعمه نخش معاهم .
عطيه : تعالي شرفي💪🏻 .
انا خفت : معنى عارفه اللمه ماتحلى الا بيا بس خليكم انتم نبي ناكل .
عطيه : كان عارفه تفضلي .
انا فمي معبى عصيده : اللهه الله يزيد من فضلك مش فاضيه ناكل بارك الله فيك .
عطيه : كولي الي في فمك مافهمت منك حاجه .
ماما : وووه من ضنوة العازه خطوني يا خروات كني انا شن دايرة من ذنب بيش ابتليت بيكم .
ورد وعطيه في نفس الوقت : ذنبك انك سمحه وجميله يما .
ماما بنص عين : هزوه هذه صح !!
عطيه قرب منها : والله ما هزوه هذا ذنبك انك جميله وباسها على راسها .
ورد باست يدها : ويخليك لنا .
انا : خاينيييين . وجيت بست ماما على راسها و رقدت على كرعها .
ماما : كنكم بسم الله الكريم من امتى نزل عليكم الغلا هذا .
عطيه ضحك : من زماان ... و رقد في حضنها .
ماما : نجيكم ويحفظكم .
بعدها ماما جت في وذني وقالت : صبي أغسلي موعين 🙂💔
انا : تمام وانتم ما تحسسونا بشعور العائلة ولا بطعمة العصيده يي مغير يجي يزيد علينا بوي .
جيت بنرفع السفره الا ونسمع صوت الباب ينفتح وصوت عياط عمر !!!
_________________
بنت خالتي ( ليلى ) : قاعده راده من المدرسه ،، كانت ثالثه ثانوي .
الا وتشوف ولد عمها سالم في الطريق .
ليلى خافت منه و خشت في شارع ع اساس ما يشوفهاش ،، لانه من لما صارت بينهم علاقه وسيباته وهو مش مسيبها في حالها .
أنت تقرأ
《طفولة منسيه 》
Romansaالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
