《طفوله منسيه 》.
للكاتبه : 🌹 هنوش 🌹.
‼🌹الحـــــلـقـه الاخـــيـره 🌹‼
تنبيه ‼: احـــداث حقيقـيه انا كتبت الســيناريو و الحـــوار فقــط اما الاحــداث حقيـــقيه ‼..
۔🌹قــــراءة ممتـــعة للجــــميــع🌹۔
.🌹ما تنسوش التصويت و اكتبولي رأيكم بالروايه و انشروها خلوا اصحابكم يقروها حتى هما علاش البخل🌹.
______________
كلهم درسوا سياراتهم قدام الحوش ....
رائد : يمي دار الغوله هذا حوش ولا براكه ؟
مؤيد : لا هذه دار وحمام .
امير : لنقنكم خفيفين انزلوا هيا .
مؤيد : نخشوا على حوشهم دفعه وحده ؟
رائد : بسلامتنا واجد اكيده جماعة مصطفى قبل بعدين نخشو نحنا عاد جو ال . ..
مؤيد قاطعه : اسكت اسسسس ريت راكان اشرلنا ننزلوا ..
رائد : يستر الله من خوتك هذما مش ناوين خير والله .
مؤيد : كان خاطري نرد عليك بس خايف مصطفى يعطيني طريحه نولي نبكي لصبح بعد بكرا من قوتها .
رائد : كلام زايد انزل يا فرخ انزل .
نزلوا كلهم و قعدوا مصبيين كل واحد قدام سيارته بعدين اشر مصطفى لي جماعته يخشوا ع الحوش ....
بوي : بسم الله من يدق في اليل ؟
مرات بوي : مش عارفه عدي شوف .
بوي : خشي جوا انا توا نمشي نفتح ...
عصام طلع من الدار : شن في ؟
بوي : تعال معايا تي الساعه كم توا ليل من الي جاي زعمك ؟
عصام مشا للباب : منو .
الراجل : افتح الباب خير ما نكسروه عليك .
عصام خاف : منو انتو شن تبو في الليل .
الراجل : قلنااا افتحح هذنا اوااامر .
عصام : اوامر من من ؟
بوي جا يجري : شن في .
عصام : مدرعن .
الراجل : اوامر وخلاص افتح قلنالك .
عصام : مش فاتح لين تقولولي اوامر من من ؟
مصطفى : كسرو الباب فيش تراجو .
الراجل : حاضر هيا ...
وقعدوا يخبطوا في الباب بقوا لين انكسر ..
عصام طاح على الوطا .
جماعة مصطفى كلها خشت جوا و مسكوا بوي و خلو عصام طايح ، يراجو في اوامر من مصطفى ..
أنت تقرأ
《طفولة منسيه 》
Romansaالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
