《طفولة منسيه 》

الحـ(17)ــلقه السابعه عشر

《طفوله منسيه》

للكاتبه✍🏻:《🔥هنوش🔥》

الحــــ(17)ــــلقه السابعه عشر 😍🔥.

قراءه ممتعه 😘😍🔥🔥.

حلقة اليوم تتكلم عن حياة امجد فقط اما انا والعيله مش راح ننذكر في هذه الحلقه 😘❤️...

لما كان عمر امجد 5 سنين في بداية سنة 1999 ..

مبروكه : يا مجودي تعالا يا امي تغدا .

امجد : هيا يما و ضرب الكورة و بعدها خش للحوش ..

كانت حالتهم الماديه عاديه صح في حاجات تنقصهم بس الحمد الله كانوا عايشين بدون مشاكل ...

في يوم من الايام ...

ابراهيم (بات امجد) : انتِ كنك الشرع حلل اربع ..

مبروكه : عارفه بس اذا كنتوا تقدروا تعدلوا بس توا بالله نحن كيف بناكل ونشرب نحن صح حالتنا كانت كويسه بس لما طلع عندك حتى ولد منها وااجد هكي يا باتي .

ابراهيم مسك مبروكه ضرب وكان امجد خاش للحوش وينادي : يما يماا . . . وجت في عينه بوه يضرب في امه وامه غارقه في دمها .

تخيل لما تقعد طفل صغير فجأ تخش لحوشكم وتشوف امك او بوك غارق في دمه هذا هيأثر في حياته واجد ..

امجد واقف قدام الباب مصدوم .

ابراهيم شد امجد وصار يضرب فيه ...

امجد مسك الحديده و خبط راس بوه و غرق باته في دمه ..

امجد انصدم و خاف وصار يعيط ...

خشوا الجيران على عياط امجد وشافوا امه و باته غارقين ...

قدروا يلحقوا مبروكه بس ابراهيم لا ..

الدكتورة : الحمد الله الجنين مزال حي ..

مبروكه انصدمت لما عرفت روحها كانت حامل ..

مبروكه تدير في روحها قويه : خلاص يا وليدي نحن من توا ما عندناش بابا مسافر و توا يجي .

امجد كان صغير يس كان فاهم ان باته معش راد يضربه وكان فرحان .

بعدها خشت مراه في ثلاثينات وكانت ماسكه ولد عمره تقريبا 3 سنين ..

المراه : انتِ مبروكه ضرتي .

مبروكه : حميده !!

حميده : اي انا حميده وهدا ولدي سالم !!

مبروكه : شن تبي مني يا خنابة الرجاله اطلعي نبيش نشوف وجك .

حميده : انتِ الخنابه انتِ خنبتيه مني انا متزوجته قبلك حملت مرتين بس ماتوا وهدا ولده الوريث .

مبروكه مصدومه : تي اين وريث هوا خلا حاجه غير الهموم و المشاكل .

حميده : والله وراه كنز كبير بس انا نعرفه ونعرف مكانه وهوا عمره ما قال لي واحد عنه الكنز غيري يا سراقة الرجاله ...