《طفوله منسيه》.
للكاتبه : 《🌹هنوش🌹》.
🌹الحلقه الخامسه عشر 🌹.
🌹قراءه ممتعه 🌹.
___________________
كنت في الدار بروحي نساوي في محرمتي شويه تلفوني رن ع الساعه 8:10 ..
انا : الو يا عمري .
اسكندر : صباحو يا دودي وين وصلتوا وشن صار فيك .
انا ضحكت : يسعد صباحك يا سوكا اء لا قريب تقريبا على الظهر نوصلوا طرابلس اصلا امس رقدنا في فندق كان هذا من الفجر واصلين .
اسكندر : اها ان شاء الله توصلوا بالسلامه ...
انا : ان شاء الله يا عيوني .
اسكندر : وين انت توا مزلتوا في الفندق .
انا : اي مزلنا في الفندق قاعده بروحي نرتب في المكان قبل ما نطلعوا .
اسكندر : طيب نحس فيك مش على بعضك يا دودي وينهم خالك و التاني شن كان أسمه .
انا أذكرت الي أمس : اء كني ما فيا شي و ..
اسكندر بجديه : ردبالك على روحك ردبالك حد يلمس شعره منك ولله لما نقتله .
انا : ان شاء الله .. حبيبي توا نبي ننزل لي السياره توا باي نحبك .
اسكندر : باي يا عيون حبيبي نموت فيك انا .
انا : باي ،،، و سكرت الخط و رنيت على مروه ..
انا : ايوه مريوه .
مروه : قولي صباح الخير .
انا ضحكت : هههه صباح الخير .. قتلك افتحي النت نبيك ضروري .
مروه : باهي هيا .
انا سكرت وطلعت وكنت نبحت في التلفون ونكتب و خبطت في مصطفى بدون قصد .
مصطفى : بسم الله؟ دريه و ما تباني بكل احمدي ربك ما هرستك بكرعيا .
انا توترة و ضحكت بعباطه : اءءءء اش الشرقاوي خايل عليك اكثر من الغرباوي ريت هه اسفه ،،،، و عديت للباب و نزلت من الدروج و قعدت مصبيه قدام الباب نراجي فيه يفتحلي الباب ....
مصطفى نزل ماسك شنطه و فتحلي الباب : اركبي .
انا ركبت في الكرسي الي ورا خالي و فتحت النت وقلت لمروه كلل حاجه ...
_______________
احمد : خلاص انا رضيت عليها ليلى جيبها ليا وبعدها توا نسكر فم كل واحد يقول عليها دايره العار ..
خ فتحيه تبكي : كنت عارفه ان بنتي شريفه كنت عارفه ..
لين : الصراحه ما صدقت حاجه من الي أسمه امجد ..
محسن : سكريلي فمك انتِ .
لين : سكرت .
احمد : توا ان شاء الله بكرا ماشي نجيبها ليلى من حوش العرب والله كفو وفو العرب بارك الله فيهم ماسكين البنت عندهم قريب سنه ..
أنت تقرأ
《طفولة منسيه 》
Romanceالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
