《طفوله منسيه》.
للكاتبه :《🌹هنوش🌹》 .
🌹الحلقه الرابعه عشر 🌹.
🌹قراءه ممتعه🌹.
__________________
مصطفى بطرف عين : خالي يصلي شوي و نكملوا الطريق .
انا بحتت فيه ونا مستغربه .
كان مصطفى يدوي مع راجل من ع الروشن طويل و عريض و عضلات و بشرته سمره .
الراجل : بس يا مص .
مصطفى قاطعه : الراجل يصلي شن فيها من بس يا حمدي لا نتأخرو لا شي خليك في سيارتك بس .
انا بحتت في الراجل و مصطفى وكنت مستغربه .
الراجل : امرك سيدي و ركب في السياره الي تلحق فينا .
انا : منو هذا ؟
مصطفى بحت فيا بطرف عينه : ما تدخليش .
انا لويت فمي و كملت هدرزه مع مروه ...
خالي ركب : ااه يا كرعيا .
مصطفى ضحك على جنب : خيرهم .
خالي : تكسرن لقيت صاحبي قعدت نهدرز معاه نحسابه يسكن في اجدابيا ثاريته يسكن هنا .
مصطفى : اي ،، جعانين؟
خالي : لنقني جيعان .
مصطفى : وانتِ؟
انا : لالا .
مصطفى : نجيبلكم غدا تتغدوا؟
خالي : لالا جايبين غدا عندنا يا وليدي ما عندك عليش تخسر في روحك في فلوس .
مصطفى : اكيده سقع من الجو .
خالي : يا ما ليالي و يما ونحنا ناكلوا في غداوات مسقعات ما فيش داعي ،، اكل البيت ولا اطيب يا بوني .
مصطفى تنهد : وين قاعد .
خالي : في السله القهويه .
مصطفى بهمس : سلّه ،، عليك جو هايدي وخلاص .
و نزل من السياره و طلع السله و ركب ..
مصطفى : هذي.
خالي : ايييوه هذي ،، و قعد يمدلنا ،، هاكي يا بنيتي ،، هاك يا وليدي خودها بلا حشم .
مصطفى ماسك الضحكه : هدا شني .
خالي : خيره شكلك تقول تبي تضحك ياودي .
مصطفى مزال ماسك ضحكته : لا بالله شني هدا .
خالي : هدا كسكسي😑😑،، فيش تشوف كباب .
مصطفى : اييه لا ما ناكلش فيه .
خالي : وعلااش يا ودي .
مصطفى ضحك : هكي ما نقبلاشي .
خالي : اي اي باهي احسن توا ناكلهم انيي .
انا ضحكت على خالي طريقة دوته تضحك .
أنت تقرأ
《طفولة منسيه 》
Romanceالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
