《طفوله منسيه》.
للكاتبه : 《🌹هنوش🌹》.
🌹الحلقه السادس عشر 🌹.
🌹قراءةة ممتعةة 🌹.
__________________
راكان : هيا انزلوا .
مروه تحكي من التلفون في وحده من ديار الي في الدور الاول : والله مش خايفه منك .
المتصل : وربي لما نوريك دايره فيها قويه و انت حقيره انت نهايتك يا في حوشي يا في القبر .
مروه خافت بس ما بتش تبين : اعلى مافي خيلك اركبه ما نخافش منك شن تبي تدير مثلا يعني تبي تقول لخوتي مش خايفه منهم كف كفين هزيبه بعدها نردوا طبيعي .
المتصل : نخطفك ونعذبك .
مروه : ابلع يما خفت منك ورايا رجاله وتاني حاجه انا مش في بنغاسيتا انا برا منها خود في معلومك .
المتصل : كيف امتى سافرتي برا ليبيا ؟؟
مروه : والله ايامات حياة جدي الله يرحمه كان عنده قصر و مزرعه في الأسكندريه و نقلنا هنا لما عرفنا ان عندنا ورث عرفت تيي شن الغباء هذا مش شورك .
راكان يسمع في الكلام وقتله الفضول وقرب من الدار وخش فيها ..
المتصل : اسمعي انا نحبك ونبيك تقعدي معايا مش لغيري وعندي نخطفك احسن من انك تسيبيني .
مروه : حي علي امه قال نحبك حبتك حيطه ومش لغيري و نقدر نخطفك وانا كمان نقدر ندير بلوك بلوك بلوك ونكسر ام شفرتي و نحذف حساباتي كلهم اوكي توا يا وهمي .
راكان خدا التلفون منها .
المتصل : كان ما تبينيش من الاول را قلتي يا حمزه ما نبيكش .
راكان : اوكي يا حمزه ما تبيكش ... وسكر عليه راكان ..
مروه واقفه مصدومه .
مروه : ك ك كيف خشيت؟
راكان : من هذا؟
مروه تدف فيه وتبي تطلع : ما دخلككش الله يلعنكم كل واحد اشر من الثاني نبي نطلع .
راكان دف مروه على الحيط وحاصرها بيديه وقرب وجه منها : توا تقوليلي من هذا؟
مروه ماعش تقدر تتنفس : بعد را والله يشوفنا حد ويفهم غلط .
راكان لصق في مروه اكتر : من هذا الي تكلمي فيه .
مروه لسانها راح : ب ب بعد الله يبليك بي دا .
راكان : اقسم بالله كان ما تقولي والله نقتلك انت وياه .
مروه خافت لاول مره : خلاص بعد توا نقولك .
راكان بعد من مروه ورفع حاجب ونزل التاني وكانوا عيونه في عيون مروه : اختصري .
مروه : واحد يدره الكبد خدا رقمي مش عارفه من وين وبعدها قعد يراسل فيا .
أنت تقرأ
《طفولة منسيه 》
Romanceالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
