《طفوله منسيه 》.
للكاتبه : 🌹 هنوش 🌹.
تابع الحلقه السادسه والعشرين "🌹ماقبل الاخيره🌹"
. 🌹 قراءة ممتعةة 🌹.
_________________♡
سمير ناض خذا شمعه و ولعها و حطها قدامنا .
انا رقدة في حضن ورد و قعدت نبكي : الحمد آلله انك عايشه حسبتكم متو كلكم و خليتوني .
ورد باست راسي : الحمد لله الي شفتك يا عمري احكيلنا منو هذا مصطفى ؟ مش كنتِ تحبي اسكندر ؟ كيف تزوجتي غيره؟
انا : مصطفى عوضي و نصيبي و حياتي وقلبي اما اسكندر يعني شاف حياته و تزوج .
ورد : كيف و شن صار فيك .
انا حكيتلها كل حاجه من اليوم الي ماتت فيه ماما و عمر لي ليلة امس .
ورد : خالي وليد هو الي مره جانا في عزا عطيه و وراه عرم سيارات تقول ماشي لحرب ؟
انا : اها على فكره يشبه لماما شبه غريب .
ورد : ما نذكرش وجه واجد كم عياله و شن يشتغل .
انا : عنده بنتين و تلات ولاد و يشتغل في السلاح .
ورد : وك سلاح مره وحده؟
انا : ههه اي وانت احكيلي شن صار فيك .
ورد : تذكري لما عديتي مع مروه هكي ساعه ساعتين والباب يدق ....
.
.
ورد : خااالي الباب يدق .
ماما : خالك طلع بس واخد معاه المفتاح .
ورد : حي علينا كان ما يطلع باتي .
ماما : توا نشوف من الروشن .
ماما طلعت راسها من الروشن وفعلا طلع بوي ماما خششت ورد و عمر في دار و سكرت عليهم وهي ماسكه حديده تلف و تدور و بعدها سمعت زجاج يتكسر ماما قلبها يدق قريب يطلع ...
بوي خش هو وعصام و فوزي .
بوي : تي انت شن تحسابي روحك ؟
ماما : اااطلع الله يلعنك اطلع .
بوي : وين بنتك الكلبه وداد ؟
ماما : مش معطيتها لكم و اعلى مافي خيلك اركبه .
بوي : عارفه كان ما اطلعيها نحرق عليكم الحوش .
ماما خافت : ااا مش مطلعتها لكم .
بوي يقرب منها و كان ماسك عصا : تي عليش تكابري البنت بنتي .
ماما تبعد منه و تعيط : بنتك عينك مش بنتك بنتي اناا وما نعطيهاش لكلب زيك و زي عصااام "وخبطت في الطاوله و طاحت " .
بوي قعد يضرب فيها : طلعيهااا و طلعي الفرخه الاخره .
ماما : على جثتي .
أنت تقرأ
《طفولة منسيه 》
Romanceالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
