《طفوله منسيه》.
للكاتبه 《🌹هنووش🌹》.
🌹الحلقه السادسه 🌹.
🌹 قراءه ممتعه 🌹.
_________________
الساعه 4:30 م
كانت عيلة نور الدين كلها في الحاجر .
مروه : تعالو يا اسكندر و بن يامين و يوسف تعالوا تعالي يا ورد .
طبعا انا كنت جنبها .
كلهم جو ما عدا اسكندر .
مروه بأعلى ما عندها : تي تعال يا خراا .
جا اسكندر و قاللها : شن تبي .
مروه : اقعد معانا .
اسكندر قعمز قدامي .
بن يامين : هييي نذكر واحنا صغار كنا نلعب في هذا الحاجر الي كان ترااب كله مش توا عشب وجو سمح .
يوسف : اي اي تذكر لما كنا نحطوا في الشبشب متاع الحمام ع اساس مرمه😂.
اسكندر ضحك : اي اي .
انا كنت ساكته و ورد تضحك .
اسكندر شافني ساكته وقال : كنك ؟
شفت لي مروه و فنصت فيا و شفتله و كان يبحت فيا بتركيز .
سقمت قعميزتي : كني .
اسكندر : زعلانه .
ورد و يوسف وبن يامين يحكوا ويضحكوا و كانوا يحكوا على طفولتهم ... بس لحظه شن كانت طفولتي انا اصلا ؟؟.....
انا نحاول نذكر حاجه من طفولتي طلعت لي صورة خالي لما ضرباته سيارة .. عصرت عقلي واذكرت صورة بوي يضرب في ماما بي سلك الضي ... اخره بوي ضرب عطيه على راسه خلا الدم يسيل في كل مكان💔💔.
نبي نبكي و دموعي ع الحديد يبوا ينزلوا وطلعت للحوش ع اساس ما يشوفوش دموعي .
مروه : وين يا طير .
شاده الدموع : الحمام .
مروه عرفتني نكذب لانه نحن تربينا مع بعضنا وحافظين
تصرفات و حركات و كلام و ظروف بعضنا كانت نعمه الصديقه والله ❤️ .
انا طلعت الدار و قعدت نبكي نبكي بالعبره و دموعي شلاال ونذكر في كل حرف قاله ليا بابا وكل ضربه وكل لقطه صارت في صغري ...
في دوامة الذكرايات :
بوي : حقيره يا مش متربيه مش بنتي انتِ يا بنت الكلبه يا بنت ال ....
.
.
.
خالي ماسك في يدي وشالني : دودي حبيبت خالو خشي السيارة انا نمشي للدكان بعد الطريق ونجيك .
انا : باهي .
خالي مشا وجا بيقطع الطريق و سيارة سودا تجري ضرباته و الدم متاعه قعد في كل مكان وانا نشوفله ونعيط .
أنت تقرأ
《طفولة منسيه 》
Romanceالحياة قديش شينا بدون اب هذا الأنسان المفروض يكون السند لي بناته و اولاده بس باتي كان شخص بخيل ويحشش وكان يضربنا انا و اخواني 💔💔
