هاوية الغيهب

Part52

الكاتبة دُره .

التعليق بين الفقرات+ التصويت

هاوية_الغيهب ..

==========
ياقوت ...

يااا فرحتي ويا دنيتي يوم دخلت للعراق ،
سألت سما وكالت شالو اهلج وانطتني العنوان ورحتلهم اركض ودموعي ما وكفت لحضه ،
شكل حسين وهو فتحلي الباب يباوعلي ما مصدك ،صوت ضحكتي الي ما عرفت اوكفها ،
ركضة ماريانه
ابتسامة غفران
وشهكة علي من شافني ،
حضن ابوي الي رجعني طفله وذبيت بحضنه كل قوه امتلكها ،
صوت علي الي خلاني اعيش من جديد ،
همساته بأذني الي حركن كللبي حرك ،
حط خشمه على خدي يتنفس عطري واردف بخيبه ...
علي:كسرتيني من شمرتيني وره ضهرج ورحتي كملتي طريقج

عيون لهيب الي يريد يحضن بس خايف من علي ،
وصدمتي ببحر الي راجع وشكد كبران ...
ياقوت:هاي اني صدك يمكم

بسام:يا بعد روح عمج

ياقوت:ريماس هاي هم حامل

ريماس:اي خيه هذا الطفل رقم 6

ياقوت:ججذبب يعني هسه لازم عندج ثلاث جهال والرابع بالطريق

نزلت راسها وحجت بخنكه وصدمتني بحجيها ...
ريماس:بس جوهره عندي

ياقوت:والباقين

ريماس:عاشور تؤام جواهر مات وقمر اتبنوها يمان وماريانه

شهكت ودرت عليهم مصدومه وعرفت الي بحضنهم قمر من عيونها الي نسخ من عيون ريماس ...
ياقوت:الله يحفضها،وهذا ابن منو،هاي منو ،وهذاك منو

اشرت على كومه ناس ما اعرفهم ...
عباس:هذا علي الصغير اخوي بس تكدرين تكولين ابني ،وهاي مرتي شمس فصليه اجتي

بقيت اهز براسي مصدومه من الصدمات يا فصليه شصاير ؟ تربعت كباله ...
ياقوت:شلون اجت فصليه

بحر:اخوها متحرش بفاطمه واني لزمته اطيته الي قاسمه الله اجه اخوه الثاني للبيت ضربني طلقه وشرد وصارت كعده عشائريه

ياقوت:زين زين ،وهذا منو ؟

ـ اني كرار شبيج ابن محمد

ياقوت:فدوووه هاي هيج كبران

نزل راسه مستحي مني ...
ياقوت:بعد شنو عدكم صدموني

رحيق:اشتاقيتلج

كعدت كبالها ابجي حايره شسوي وشلون اعبر الها عن اشتياقي ...
ياقوت:تعبانه رحيق

حضنتني تهدأ بيه واخذتني للصاله الفوك لان شافتني فعلا منهاره واني عيوني على مشهد الاغتـ/صاب مالتي

شوي وانفتح الباب ودخل علي طلع رحيق بره وقفل الباب ...
علي:اذكرتيني توقعتج هاي هيه نسيتي شخص اسمه علي

شهكت ابجي واني بداخلي تناقض مو طبيعي ...
علي:كسرتيني ووكعتيني ضحية ثارج

عافني بضيمي واني احاول ابرر بس ما يستمعلي ،
نزل على الدرج سريع يعبر بايتين بنزله وحده واني اركض وراه ...
ياقوت:علليي بس اسمعني