الكاتبة دُره .
التعليق +التصويت .
# هاوية الغيهب ...
======================
ريماس ...
ضحكت بخفه وانسد الفديو واني دموعي تنزل ويه دموعها ...
رحيق:شفتتيي
ريماس:منو وصلج هل فديو
ـ هي البنيه دزته الي وتغلط وتحجي انو لازم ابتعد منه
رجعت لتلفونها وطلعت المحادثات اقراهن ومصدومه ،
صور بينها وبين احمد وهمه ياكلون وهمه يضحكون وحده من الصور نايمه على صدره وهو متملكها بحب ،
باعي لج تعوفين حبيبي لا انعل اهلج
ترا واضح يحبني وما يحبج لا تحاولين بعد
باعي ترا افضحج فضيحة الله وخلقه اذا اتصلتي عليه لو راسلتي
سمعت بي حاضنج من اجه من تركيا اذا ما اكسر ضلوعج الي حضنتهن اديه
اقره واني مصدومه وهي تشهك للحضات حسيت كلبها راح يوكف ،
حضنتها على كلبي وهي بجت بصوت عالي واني صوت البجي مالي هم صار عالي ،
مقهوره عليها وشلون متحمله تشوف الي تحبه هيج يوصللها عليه ،لحضات وانفتح الباب علينه بقوه وفزينه خايفين وطلع علي واكف بالباب لمجرد ما شاف دموعنه حط جوهره بالكاع وركض على رحيق جرها من حضني واديه حاوطن وجها ويسمح بدموعها ويدور عليه يباوعلي بعيون خايفه وقلقه ...
علي:شكو شبيجن رحيق ليش تبجين ،ريماس شبيجن شكوو،ريحانه بابا بس فهميني
مجرد ما كال اسم ريحانه شهكت تبجي وهو حضنها يمسح على شعرها وبعيونه الخوف ...
علي:بس فهميني شكو شبيجن
رحيق:اذكرت بابا والله
ريماس:عجزت واني اسكت بيها ومتسكت والله عجزت وما سكتت
علي:اشش حبيبتي اهدئي وتعاي اقرالج قصه
تمدد بصفها وحط راسها على صدره وبقه يقرالها قصص ،
شلت جوهره وبقيت افتر بالغرفه لحد ما نامن جوهره ورحيق ،كام علي غطاها وباس راسها يقره ايات قرأنيه عليها وباس جوهره وراح ،
نومت جوهره بصفي بيني وبين رحيق وبقيت صافنه بالشباك الي يطل على شجره طويله بالحديقه وكلش جميله ،
بقن دموعي ينزلن واني اتمتم بخوفي على علاقتي ويه لهيب خايفه يصير شي وخايفه افقده ،
حزت بخاطري وهو ما اجه راضاني لدرجه شكيت بروحي وبقيت احجي ويه روحي شمسويه اني شسويت وخليته هيج يعيط ،
راجعت كل تصرفاتي وما لكيت أي غلط ،
عفت جوهره ورحت اطمنت على شمس ولكيت فاطمه نايمه بالغرفه وياها ،
غطيتهن وسديت الضوه ورجعت لغرفة رحيق ...
بنص الليل حسيت ايد تمشي على وجهي وبوسات رطبه بركبتي ،
فزيت بسرعه واتلفت خايفه مديت ايدي على التيبلام وشغلته صار بوجهي لهيب ،
لزمت كلبي خايفه وارجف ...
لهيب:اشش ليكعدن
أنت تقرأ
هاوية الغيهب
Mystery / Thrillerحالة عدم ادراك ، صراخ ، انهيار ، ذكريات مؤلمه ، حرق المه في قلبي ، نار تلهب ... اجه كلشي بالي مجرد ما كلي احبج ... حقيقه مؤلمه مااكدر اعترف بيها انهيار غير واضح،كلها بسبب ام انجبت فلم تُربي ...اذالك ذنبي ام اختبار الله لي ...مجرد ماكلي احبج اتخبلت و...
