الكاتبة دُره .
التعليق +التصويت .
# هاوية الغيهب ...
======================
ماريانه ...
بقت ريماس تهز براسها ما مصدكه الي مات ابنها ،صدمتنه كلش جبيره وعاشور مات بلا سبب ...
لطمت ريماس بثنين اديها على وجها وهزت بلهيب الي دموعه تنزل بشكل محزن ...
لهيب:ريمااسس ابنه ماتت
سحبته من حضن لهيب وحضنته حيل لكلبه وتهمس يمه تريده يكعد بقت تفتح بملابسه وتباوع على نفسه وماكو نفس ،باوعت على لهيب الي حاط ايده على وجها ويبجيي بصوت عالي بهل اثناء دخل علي وبقه واكف ما مفتهم شكو ...
علي:شكو شبيكم
ريماس:علليي مات ابن اختتكك علليي
بقه يباوع بالوجوه ما فاهم وركض جر عاشور من حضن امه وبقه يباوع بوجهم ما مصدك وريماس انهارت بقت تلطم على صدرها وشكت دشداشتها من الطول للطول وتلطم ...
ريماس:وولكممم ابننيي مااا يموتت ابننييي ولك لهييب هذا عااشووررر صخامم بوجههيي ارييدد ابننييي
لحضات ما نعرف شلون نوصفها ولهيب حاضن ريماس ويسد بدشداشتها على جسمها وهي حتى شالها نزعته وملخت شعرها ما مصدكه ...
ريماس:يمه ابنيي عزيز روحي ولكك انت سند الي والاختك لليشش تموتت عاشورر يمهه اصحهه اروح فدوه لعيونك بعدها خالتك ياقوت ما شايفتك يمه لا تموتت فدوه اروحلك لهيب اريد ابنيي علييي اريد ابنيي يااا الللهه دخيلل اسمك ياااربببب
طلع علي يركض ولحكه لهيب كمت لزمت ريماس الي كامت تلطم على وجها وصدها وملخت شعرها بحيث صار يطاير بالهوا ...
ريماس:ولكمم وين اخذتووو ابننيي جيبوو رجعوو الييي
اجه عمي محمد وكومها وهو عيونهه حممرر ...
محمد:لا تسوين هيج حرام
نزلت لايد محمد تريد تبوسها وهو ما قبل ...
ريماس:ابوس ايددك اريد ابنيي رجعلي ابني مو جان ابنك بعيد عليك ،غفرانن اريد ابننيي
غفران:عمت عيينيي عليج شبيدي عليج ولج تعاي راح تموتين روحج
بقت تبجي وتون ومنتضرتهم بالكراج ما مصدكه الي مات ابنها او بلاحرى احنه ما مصدكين فيروز ورحيق واكفات فقط دموع تنزل بلا صدمه وفاطمه اصلا ما مستوعبه شي وبأيدها جوهره ...
ريماس:اريد ابني جيبولي عاشور
بقت هيج حالتها فوك الثلاث ساعات لحد ما دخل لهيب منهار تماما وتشيرته مشكوك ويلطم على صدره وعلي نزل بأيده عاشور ملفوف بجفن ابيض ! ...
لهيب:يااا علللييي اريد ابننيي با ابو الححسنن
وكفت ريماس ما مصدكه الي بالجفن ابنها وعلي عيونه حمر ولازم عاشور بثنين اديه تقرب يم ريماس وحطه بين اديها ...
علي:طير من طيور الجنه ودعي خويه ودعي
بقت تباوع على راس عاشور الي طالع من الجفن وتباوع على لهيب وعلي ،ماكو كلها لحضات ووكعت ريماس من طولها وخشمها ينزف دمم بشكل مبالغ بي ...
امير:لههيببب اصححىىى مرتتك راح تموتت
أنت تقرأ
هاوية الغيهب
Mystery / Thrillerحالة عدم ادراك ، صراخ ، انهيار ، ذكريات مؤلمه ، حرق المه في قلبي ، نار تلهب ... اجه كلشي بالي مجرد ما كلي احبج ... حقيقه مؤلمه مااكدر اعترف بيها انهيار غير واضح،كلها بسبب ام انجبت فلم تُربي ...اذالك ذنبي ام اختبار الله لي ...مجرد ماكلي احبج اتخبلت و...
