مَهوُوس

1

أول بارت اتمنى يعجبكم صراحة ما ببالي تفاعل او شي بس إذا حابين انطوني رأيكم بالكومنت علمود اشوف إذا عندي اخطاء املائية او السرد مو تمام نبهوني علي علمود اتحسن بالمرة الجاية👍🏽👍🏽

                               ___

"لج ريناد روحي گعدي ذاك التنبل الساعة راح تصير ب8 وهو ما راح للجامعة" نبت ام ليث تخاطب بنتها الوسطانية علمود تگعد اخوها اومئت المعنية و اخذت خطواتها تصعد على الدرج
" هو هذا حظي نعلان كنسي نعلان طبخي نعلان سوي ذاك وسوي هذا وهذيج الخاتون مرتاحة تروح لدوامها وتجي والي عليه اهفي على طيزها چبح من حظ اغبر" ضلت تدردم على سوء حظها و أكيد لازم بكل شي تحشر زوجة اخوها إذا ما ذكرتها شي مرة عبالك كفرت

" طرگاعه لويث اگعد خاب الوقت تأخر و امي ضلت تلعلع تگول إذا ما يگعد اجي اسحله من شعره" ضلت تخيط وتخربط بسبيل يگعد بس وين لا حياة لمن تنادي

"خاب ريناد بشرفج وخري هو الدنيا بزعان منها عوفوني نايم " نب عليها رافض يگوم ويتحرك من مكانه

هزت بيدها و وخرت عنه تلملم بغراضة المطشرة لأن لو يضلن ألف سنة فلا يشيلهن من الگاع

صوت رنة الموبايل قاطعت الهدوء عقچ ليث حواجبه وضل يلعن بحظه لأن حتى النوم طار من ورا الازعاج شاف الموبايل مضوي بأسم 'البربوء💖'

"خاب شتريد سويف ادري شني الله دازكم انتقام عليه حتى النومة طيرتوها من عيوني " تذمر على حظه التعيس وهو يفرك بعيونه ويريد يرجع ينام على الصداع الي داهمه

" خاب ابو تناحه إذا ما تجي الدكتور ينيچك غير اليوم عدنا كوز وانت مسترخي خرب روحك"

توسعت عيون ليث مستوعب انو هو ضيع الوقت و تناسى أمر الامتحان الي ورا تذكر انو دكتور هل مادة ما راح يتساهل وياه ولا يعيدله الامتحان

" ها هسه ارتاحيت من تأخرت من كون رصاصة اي والله ترصك رص " ضلت تحچي علي امه من شافته يسد بقميصه بشكل مستعجل ويصيح حذائي وين و حذائي وين و يا طلابة شيفضچ ليث وتأخر اله يسود عيشتهم على ما يطلع

"يمه بشرفج سكتي واصله لليافوخ ومالي خلگ احچي " رد عليها بعد ما اخذ باكيت حليب ككو من الثلاجة وسد الثلاجة وطلع بأقصى سرعته برا

باوع لساعة ايده ولگاها ب8:05 " من خرا بالحظ الاگشر هسه منين الگيلي سيارة خرب روحي تأخرت يمماهع " ضل يدردم ويتذمر ويسوي تعابير مال بچي بوجهه عبالك طفل أول ابتدائي وگف يم الرصيف وشاف سيارة مرسيدس سودة و وضلت خطواتها تتباطئ ابتسم ليث وركض للسيارة يدگ عل الجامه مالتها
"الله جابك بشرفك متأخر حيل حيل حححييلل و الدكتور يشگني إذا اتأخر بعد اكثر سويلي خدمه و وصلني " ضل يتوسل بي متناسي نهائياً انو هلسيارة واضح مو مال أجرة بس شيسوي الوقت وازاه .