مَهوُوس

3

بارت جديد على واهس ڤنڤون و ريري 😭😭💖💖🤏🏽

                         ________

دخل للبيت و رمى نفسه على الكرويته الي بالصاله ضل يتأمل بسقف لبيت لفترة طويلة و هو يتذكر تفاصيل ذاك الولد الي طيرله عقله انعرضت بباله ملامحه البريئة و حركاته من يتذمر انرسم شبح ابتسامه على وجهه حتى هو بنفسه نكر سر ابتسامته قاطع صفنته صوت جرس الباب تنهد و گام يفتح الباب

" لك شنو هاي الغيبة و انه اگول اليوم الناصرية حلوة اثاري انت محليها " درعم حيدر للبيت بعد كلامه الهواي لصديق طفولته شبگه لفترة طويلة و بعده ما مكتفي لأن هل شخص يعنيله كل شي

" كافي كافي ادخل لجوه نكمل " ابتسم ضرغام و وخره عن حضنه يعزمه يدخل للبيت عبس حيدر بوجهه بس ما اهتم هواي نزع حذائه بشكل عشوائي ودخل لجوه

" ليش ما گلتلي أنت هنا و من شوكت جاي " استفسر حيدر لأن مو من عوايده ضرغام ما يعلمه على شي

" والله يخوي اول البارحة اجيت والموبايل مطفي شحن حتى من شحنته ما چان الي خلگ افتحه " اردف كلماته بهدوء

" يله المهم اجيت شنو اعتبر هل فترة نقاهه؟"

" لا هم اجيت علمود الشغل " شمر كلامه بلا مباله و قابله الثانية بنظرات مصدومة ما مستوعب كلامه

" تشااقه مو على أساس البضايع حدها من تركيا لـ روسيا !!!!! "

" لا مو علمود البضايع " تنهد بشكل عميق متذكر آخر مهمه مر بيها

                        'فلاش باك'

" اسمع ضرغام الشحنات راح توصل بغضون يومين بمدينة بولو هناك مستودع چبير راح نوصل من عدها البضايع لـ روسيا بس ديربالك تسوي اي خطأ فاهم!"  املى ابوه اوامره علي ما چان عنده كلام ثاني غير انو يومئ براسه منفذ كلام ابوه

بعد يومين...

" سيدي الشرطة طوقت المكان كله شنسوي بهاي الحالة" اردف صاحب احد الشحنات خايف من الخطة مالتهم شون هيج انكشفت و منو و شون اجو الشرطة لهنا!!

" اسمع محسن حط بالك وياي اكو بالمستودع نفق تگدر من عنده تعبر انت و جماعتك بس يا ويلك و سواد ليلك إذا واحد انلزم منكم البضاعة انه اعرف شون استرجعها بس الي عليكم محد ينلزم علمود نتفادى كل الاضرار الي ممكن تصير " هسهس كلامه بصوت ناصي علمود ما يسبب مشاكل اكثر لأن هو چان لازم القناص مالته و يباوع لسيارات الشرطة بكل مكان احتدت نظراته متوعد للي ورطهم بأشد عقاب ممكن يخطر على البال..

بعد ما طلعوا كل الي بالمستودع بشكل مستعجل علت سماعات الشرطة وهم يهددوهم علمود يطلعون هجموا على المستودع و ما لگوا ولا طير بالزاوية