بارت جديد Enjoy 🤍
______
1 يناير
" هلا حيدر انت شونك شخبارك" اردف ضرغام مشتاق لصديقه الي گطع وياه لمدة شهرين بسبب الشغل الي تراكم علي بالشركة
" بخير خوية خوفتني عليك على الأقل دزلي مسج اطمن عليك "
" والله تدري بيه صاير عليه لود الشركة هواي عقود جاي اچيك عليها تدري توني يله گلت يا الله" اردف ضرغام متنهد بتعب بسبب الأيام الي مرت علي كلها شغل و تعب و خاصة بالايام الأخيرة ابوه يلح علي حتى يعوف الشركة مالته و يشتغل وياه بالتجارة
بس هو عارض لأن من لما چان زغير حلم حياته يدخل ادارة اعمال يحس هل شغل اكثر شي مريح اله رغم التعب بس راضي بي
" شوكت تجي للعراق ضرغام صارلك سطعش سنة بتركيا مشتاقين الك خياي" دردم حيدر كونه بالفعل مشتاق لصديق طفولته
" مدري حيدر احاول ارتب الوضع احسني داخل بحيرة مو طبيعية أول البارحة رجع ابوي يلح بخصوص الشغل مالته و يريدني انضم وياه و.."
" ضرغاام"
عاط ابوه من جوه و من نبرة صوته واضح معصب من شي
" يله حيدر شوي و احاچيك"
" الله يكون بعونك خوية يله الله وياك" ودعه حيدر حاس بمشاعر سلبية و حقد على ابو ضرغام
" نعلعلا ضميرك عمار من چان زغير و لحد هسه ما منطي راحته الله ينتقم منك و من شرك " تمتم بغضب حاس بدمه يفور
" ها يابه " اردف ضرغام وهو ينزل من الدرج شاف ملامح ابوه غريبة كونه عيونه حمره و ملابسه مبهذله حس علي شارب لأن منظره چان مو طبيعي
" تنزع قميصك و تجي وراي "
" ليش خير؟" استغرب ضرغام أمر الثاني و ليش حتى ينفذ هيچ طلب بدون ما يعرف السبب!!
تقرب عمار منه و يحس اعصابه تفور و يريد يطفي غضبه بأي شي لزم زند ضرغام عاته گدامه مطلعه برا
چان الجو بارد و المطر غزير بشكل
تمالك ضرغام اعصابه متماشي وي حركات ابوه يحس يريد يكسره تكسر هو ما خايف منه بس احترام اله ما يرجعله معاملته و لأن امه موصيته ما يتهور فـ لازم اعصابه حتى ما يزيد الوضع سوء اكثر من ما هو علي
" توگفلي يم الدنگه حرف واحد ماري اسمع"
اخذ ضرغام خطواته نحو الدنگه واگف بصفها و متبلل بسبب المطر و ملابسه لصقت على جسمه يحس بعظامه تتكسر من شدة البرد
أنت تقرأ
مَهوُوس
General Fiction" من تهدل گذلته على عيونه لچن سيف وشگ صدري " مثلية|عامية|عراقية " مكتملة "
