مَهوُوس

11

مرحباً مجدداً 🫂

ماعندي شي اگوله بس Enjoy 🎀

_________

" ها ضرغام شو صفنت؟" اردف ليث بين ما كتف اديه لصدره منتظر الأكبر يحچي

" اء ها عيوني ليوثي بضاعة مال ملابس يروحي ليش تسأل؟ اوصيهم يجيبولك؟" تلاحگ ضرغام نفسه مخترع حجه تطلعه من هل سالفة هو أكيد ما يريد ليث يعرف طبيعة شغلة ما يعرف شنو ردة الفعل الي راح تطلع منه و هو بعده اصلاً ما معترف اله ما يريد يفرط ليث من اديه

" همم تمام اگلك توه ابوي خابرني راح يجون اليوم عود شوي بعد ارجع للبيت"

" شسوي راجع؟" تقدم ضرغام من ليث لازم اديه ثنينهن مخلي الثاني يستغرب

" شنو غير ارجع لبيتي"

" راح اشتاق الك تعودت عليك" اردف ضرغام بحزن هادلات متونه ما يريد ليث يروح عنه تعود يصبح و يمسي بوجهه

" يوووه ضرغام ترا عادي اجيك زيارات لا عبالك تخلص مني وهم انت تعال سير علينه" اردف ليث هاز اديهم سوه بين ما الابتسامة ما فارقت وجهه

" شنو اتخلص منك إذا انه ما اشبع من شوفتك ابد"

توردت وجنات ليث بين ما يباوع بعيون بريئة لضرغام الي حس وده يبوسهن ويغمضهن بأديه لأن هل عيون تخلي يفقد صوابه

" يله روح بدل ملابسك حتى اوديك انت و عباس للجامعة لو تردون تغيبون؟"

توسعت عيون ليث متذكر عنده امتحان و هو ما قاري لحد هسه ما جاوب ضرغام ركض لغرفته مخلي الأكبر يهز راسه بقلة حيلة

" الحمدلله گدرت اطلع منها بسلامات" تمتم بينه و بين نفسه مرتاح لأن گدر يطلع بحجه تخلي ليث يسكت

رجع دخل لغرفته و شاف موبايله يرن " شون بله وي الاتصالات " تأفأف ملتقط الموبايل بس من شاف شاشة الموبايل تضوي بأسم ابوه تغيرت ملامحه

" ها يابه "

" قز القرط سرسري لحد يا وكت ناوي ترجع الشغل تراكم فوگ راسي و النغل ويليام صارله خمسة أيام ينگ فوگ راسي يريد أخوة يطلع من رحمتك"

" اصبرلي يومين و اصير يمك و هذا ويليام عوفه خصم ضعيف ما اتوقع منه شي چبير بعد اكو اوامر؟" تململ ضرغام بسبب الاسطوانة الي يعيدها مثل كل مرة كاره حياته الي تدمرت بسبب شغل ابوه يحس نفسه بزع من كل هاي المهزله