مَهوُوس

16

مسك الختام ❤️‍🩹

________

" يله حيدر بداعتي والله عاجبني بس هل مرة وعد"

" خاب والله والله لو تطگ راسك بالحايط و ترجع تگلي نفس الشي هم ما أقبل فـ چفيني شرك سيف و فك ياخه مني يله تدعبل " رجع حيدر ظهره على الكرويته بين ما چان يلعب بلاي ما متهم لتذمرات الأصغر

" حيدر لتصير نحيس بعدين البدي عاجبني دشوفه يخبل " وگف سيف گدام حيدر يعرضله البدي الي بيده چان لونه اسود و مخطط بالطول بحيث يبين جسمه من فوگ

" سيف چفيني شرك و لا تعطل هل عطلة المريضة گتلك ممنوع يعني ممنوع أولاً اغار عليك ثانياً الجو بارد ثالثاً ما تلبسهن و يله ولي من گدامي لا تخسرني " استمر الأكبر باللعب مركز عيونه بالشاشة متجاهل سيف الي واگف مصدوم من رفض الأكبر

" ترا ملابسي بكيفي عاجبني اللبس هيچ بعدين راح اللبس فوگه سترة ماله داعي هل حچي الماصخ"

" گول تريد تعارك و عود هاي الكلاوات احچيها لـ عباس لو لـ ليث يمكن يصدگوها ادري بيك أول متوصل تنزع الستره"

" ححييددرر لتبااللغغ بعدين هي عزيمة و كلهم عرف مثلاً منو الغريب عقيل و عباس لو ضرغام و ليث لا تسودني " شمر سيف البدي على وجه حيدر بنرفزه كون الثاني هواي استفزه بطريقة كلامه

باوع حيدر للبدي الي چان مغطي وجهه فـ لزمه بـ اديه وسواه قطعتين گدام عيون الأصغر الي وسع عيونه على كبرها ما مستوعب بديه الحلو صار نصين

" حيدر..هاي شسويت"

" احچي وياك الحقير ليش هيچ سوويتت"

استمر حيدر بتجاهل الأصغر مكمل لعبته ما هامه كل الي يصير حالياً هسه اطمئن من شگ ذاك البدي

حس سيف بأنو دمه ضل يفور من برود الأكبر فـ بدون تردد شال التحفية الزغيرة الي چانت على الطاولة و شمرها على البلازمة مسويها فلاش

رجع سيف يباوع بوجه حيدر الي ما ابدى أي ردة فعل

" ارتاح يله كمل لعب رايح انه "

راد سيف يصعد لغرفته بسبب تجاهل الأكبر و تعامله الاوڤر برأيه

قبل لا يتحرك لزمه حيدر من معصمة مطيحة بحضنه مخلي الأصغر يرمش عدة مرات

" حرك روحك يله خل نلعب سوه"

" ها؟ " عقد سيف حواجبه ما مفتهم كلام حيدر و الى شنو يلمح