بارت جديد ارائكم تهمني اتمنى تگلولي على الخطأ ان وجد سواء املائي او حدث حسيتوا مبالغ بي الرحمة بعدني مستجد 😞😞🤎🤎 ما اطول عليكم استمتعوا
____________________
ارتفعت الشمس بخيوطها الذهبية الي ترست الدنيا من كل جهة چنها ترحب و تگللها كافي ظلمة وتعاي تأملي الراحة و الدفئ ..
تسلل الضوء على وجه بطلنه الصغير مما ادى الى انزعاجه فـ حط ايده على وجهه بسبيل يوخرها بس من كثر ما الضوه قوي حساه يدخل من جوه ايده تأفأف و گعد على الچرباية ضل يباوع بكل الزواية و شاف البردة ملمومه عرف هاي ريناد سوت هيچ علمود ما تتعذب وهي تگعد بي
" ايي واخيراً گعدت بدون حتى تنبيه شفت والله طلع الشمس بيها فايدة غير الحر" نب علي وهي شايله سلة الملابس النظيفة و راحت ترتب ملابسه بخانته
" شبيك وجهك مكهرب دگوم غسل وجهك وراك جامعة لا هم تتأخر وتضل معنفص علينه"
كشر وجهه مابي حيل حتى يرد يحس اجته نزلة برد حس بهذا الشي بسبب رجليه توجعه ضل يتطوطح وهو يمشي راح سوه عنايته بوجهه لأن المرض ما يمنعه من ان يعتني بنفسه..
