مَهوُوس

2

هلا بعزاز گلبي بارت جديد من روايتي الحليوه اتمنى يعجبكم البارت ويكون عند حسن ظنكم لطفاً اكتبوا ملاحظاتكم على البارت علمود إذا اكو شي مو زين ارجع اعدل علي لأن بالنهاية كل شي مكتوب علمود ينال اعجابكم 🧚🏽💋.

                                  ______

"يمهه ولچ يمه بسرعة صبيلي غده ميت جوع" درعم الارعن ليث للبيت وهو ينزع حذائة يم عتبت البيت ضل يلعلع بسبب جوعه المزعج

شاف البيت هدوء واجت اخته على السرعة وعتته من زنده ترزل بي بصوت ناصي " الارعن گصر صوتك ابوي عنده اجتماع لا تفشلناا" ضلت تهسهس بصوت ما ينسمع علمود الافندي يسكت وما يشهرهم شهيره بصوته العالي

"خاب اوكي اوكي بس لا تگرصيني مو زورگتي لزندي" ضل يدعك ايده بألم وامتعض وجهه بسبب گرصاتها " اوي سندس ديلا بسك دلع امشي للمطبخ هناك تزهمر ولا تطلع صوت"

اومئ الها بقلة حيلة واخذ خطواته بهدوء متوجه للمطبخ أول ما دخل للصاله سلم على الگاعدين چان ابوه مقابله و ظهر الضيف الي ابوه مجتمع وياه لفح خشمه عطر رجولي قوي وفواح عجبته الريحة لو ما ابوه هنا چان گله اطيني من عطرك ارش منه لأن المعروف ليث يموت على العطور الثگيله.

بعد ما راح للمطبخ شاف اخته مسويتله بصحن توست و مربى تين و بصفه حليب ككو هو يحب هالاشياء بس حالياً مشتهي موالح بس راح ياكل وهو ساكت علمود ما يثير ضجة اكثر قرر ياخذ الصحن و الگلاص لغرفته

عتب باب المطبخ و صارت عينه بعين الضيف تصنم بمكانه ونطق بصوت عالي " ابو سكسوكه!!" غص ضرغام بالماي وضل يكح على اللقب الي تفوه بي وللمرة الثانية يگوله اله

صوفر وجه ابوه على الفشلة الي طيحه ابنه بيها ضل لا ياخذ ولا يطي على الموقف " عيب بابا شهل حچي هذا شني صاحبك علمود تحاچي هيج اعتذر منه" حاچاه ابوه بهدوء بس بداخله يغلي ومتوتر خاف الگدامه يلغي الصفقة الي اتفقوا عليها بعد موقف ابنه الي يفشل .

" لا تاكل هم استاذ ستار ابنك واضح مؤدب اليوم وصلته للجامعة بعد ما چان مستعجل الظاهر شوفتي للمرة الثانية راقت اله صح استاذ..؟"  تكلم ببرود و رزانه عكس ما اتوقع ستار بأنوا راح يگب بيهم لأن المعروف ضرغام كلش صارم وجدي بهيج مواقف وما فد يوم احد تمادى هلگد بس الظاهر رحم موقف ستار على ابنه الطايش..

تقدم ليث نحوهم بعد ما حط غراضه على الطاولة و مد ايده اتجاه ضرغام " اشكرك مرة ثالثة لأن وصلتني ما انسى الك هل معروف بعدين بلاها هل استاذ صيحني ليث وانت شسمك؟" مد ايده ضرغام هو الثاني وصافح ليث يماشي على كلامه ومستلطفه نوعاً ما أول مرة واحد هيج يحاجي بدون خوف او رهبة لأن مكانته مو شوية ..

"ضرغام تشرفت بيك ليث" نزل ايده ورجع يكعد بمكانه الى أن تصنم بعد ما فاجئة ليث للمرة المليون لهذا اليوم الغريب