مَهوُوس

14

كنيتشوا صبايا

Enjoy my love 💞

_______

چان گاعد بالكرسي مالته بين ما اصابع ايده تدگ على اليده بهدوء لزم استكان الچاي الي چان محطوط على طاولة دائرية و ضل يرتشف منه بين ما عيونه تتأمل التلاثه الي گدامه

" محسن.."

" نعم سيدي"

اردف محسن برزانه وهو يشوف هدوء الريس من أول ما دخل وهو يزفر انفاسه براحة و بدون ضيجة خلگ و هذا ستكانه الثالث الي يشربه

چانوا ريكاردو و ويليام و آرون يباوعون لـ ضرغام بحقد اديهم و رجليهم متربطة و حلگهم سدو بشريص وحطو فوگه وصله وضبوا ضب حتى ما يحچون ولا حرف

" جيبلي الطوبة محسن"

حط ضرغام الاستكان على الطاولة متحمحم بين ما يعدل السترة مالته

" أمرك سيدي"

عقد ريكاردو حواجبه بتعب كونه چان يتعاقب بشكل مستمر و اكثر شي خلاه يتأذى هو سوء التغذية وي الجلد لساعات متواصله خلته ينهلك بالزايد

رجع محسن و هو شايل بصينية فضة زغيرونه طوبه حجمها وسط چانت مطليه بـ لون قرمزي و مزينة بشذرات لون ابيض

سلم محسن الصينية لـ ضرغام الي چان حاط رجل على رجل بين ما ايده تسرح بـ لحيته و نظراته چانت ما تتفسر كل ما تطيح على آرون يحس بـ حرگه تطگه من رجليه لين راسه و حتى عيونه تضل تحرگه عبالك فلفل مرشوش بيها

 
نظر ضرغام للطوبة واخذها بيده يفرها اكثر من مرة و ضل يلولح بالعقد الي براس الطوبة و بدون سابق انذار شمرها بقوة بنص وجه ريكاردو الي جعد وجهه بشكل متألم

" اممم" ون ريكاردو آثر الضربه الي اجت بخشمه و خلته ينزف دم

" شبيك سوسن ترا خضيت الطوبة بوجهك ماكو داعي لهذا التمثيل " رجع ضرغام يمد ايده لـ استكان الچاي شارب منه رشفه و رجعه لمكانه

" محسن جيبها " اشر ضرغام على الطوبة بين ما اومئ اله محسن

راح جابها من الزاوية بسبب انها تدحرجت اكثر من مرة حط محسن الطوبة بوسط ايد ضرغام الي لوى حلگه بفضول نحو الاتي

" همم شنو راح يطلع بيها يا ترى" هزها ضرغام اكثر من مرة بعدين لزمها من الجهتين و فراها

انفتحت الطوبة كاشفة عن باطنها الي چان بي قصاصات تلاثه ملونه بألوان متشابهه