مَهوُوس

5

رجعتلكن بعد غياب الاسد متهموا ذياب طرنرنطرنرنرن

هو كل ما اتنفس ارجع شني بعد علينه 😭😭

المهم استمتعووا بارت جديد 🤍🤍

__________

چان يسوق سيارته بين ما تفكيره كله وي ليث يحس وقته كله وي ليث مستحيل هل ولد شكثر اثر بي هو طول عمره چان مستقيم ما يفكر لا بالحب ولا بخرافاته خاصة چان موجود بتركيا و هناك عندهم ولد خير من الله وجهم حلو و ستايلهم حلو حتى بناتهم تشگ شگ شنو السر بهل ليث؟ ليش حالياً وهو يسوق يشوف الشوارع ممليه بصورته مخليته كل شوي يفرك عيونه علمود ما يگلب بالسيارة
قاطع صفنته أخوة وهو ينادي بأسمه

"ضرغام وين صافن هاي رابع مره اصيح بأسمك" اردف عباس بين ما يباوعله من المرايه الگداميه كونه گاعد ورا علمود يمدد رجله بشكل ممتاز

" محتاج شي؟" اردف ضرغام وهو مركز بالطريق بدون ما يلتفت

" حبيت اعرف شنو نوع علاقتك وي ليث؟"

هو بس گال اسمك بس ليش حسيت بگلبي يقره موال علي؟ هاي التلث حروف تگدر تفتح صدري وتتربع بي وانه الممنون احسني بالغيم من اشوفك واذا تروح عني گلبي يوجر عبالك جايبين حديده تلهب لهب من الحرارة و يموعون بيها گلبي ..

عيونك من تباوعلي احس أريد اغطيها بأصابعي و اصلي على محمد منا لمن يعجز لساني واخليك تفتحهن و رموشك الفوگ من تطخ برموشك الجوه لچنها وتر وتلحن احلى معزوفة يحبها گلبي حواجبك مرسومة رسم و شفافك آه شفافك هي ونفختها چنها تصيحلي ولك ضرغام لا ترحمني بس عليمن نچذب؟ اصوم عنك يا بعد الاكو والماكو و ما اتخيلني اأذيك او اقسي عليك جعلها بالكسر الايد الي تلزم ايدك بقوة.. اخخ خصرك يداهيتي من تحركة احس رنته بداخلي و طولك من توگف يمي يمن فدوة اروحن لطولك سانتيم سانتيم ولك ليث شسويت بيه ليش احسك معشعش بيه چنت رماد يا بعد طوايفي و طوايف اهلي بس ليش هسه احس روحي حديقة مال ورد؟ وجودك وحده بلسم على كل جرح بروحي..

چان عباس يشرب من بطل الماي بعد ما أيس من الثاني يرد علي

"احبه"

بصق عباس الماي وضل يكح بقوة ويضرب على صدره علمود يدخل الاوكسجين بصدره

" ليش تحچي بدون مقدمات اخخ حنجرتي " ضل يسعل بخفة ويمسح الدموع الي بطرف عيونه بسبب اختناقه

ضحك ضرغام هاز راسه وكمل طريقة بهدوء قاصد بيت اهله

" شعجب اجيت" اردفت وجدان بعد ما شافت ابنها ضرغام اجه الهم

دنگ عليها وباس گصتها " اعتبرها طرده؟"