مَهوُوس

15

بونجور صبايا

ENJOY 😊🤍

________

" مو چنه عايش وي ضرغام اكثر من بيت اهله؟" نبت ريناد مخاطبة ابوها الي چان شايل بيده فايل بين ما يدون المهمات على اللابتوب

" شكو ريناد شفتي اسراء ما موجودة علمود تتمشكلين انوبه انداريتي لأخوچ" ضحك ابوها مكمل شغل ما هامه حالياً أي شي بس المهم يخلص الي بيده و ياخذ استراحة محارب كونه من ثلاث أسابيع و هو يشتغل على هل صفقة الي راح تخلي اسمه معروف على مستوى الدولة

" أول شي لا تعكر مزاجي بـ ذكر هذيچ الحيه بعدين شلي بـ ليث بس جاي اسأل لو لازم انلصم و ما اتدخل ابد؟؟" كتفت ريناد اديها بضوجة ماخذة خصلة من شعرها وتلعب بيها اكتسبت هاي العادة من ليث الي كل ما يمل أو يتوتر يضل يلعب بشعره

" بس بوية على طاري هذيچ الصفرة مو كأنوا هي دراما كوين بزيادة شكو صارلها عند بيت اهلها 10 أيام على أبو بطني توجعني الله يذكر أيام قبل بالخير چنت اشيل دبة الغاز و انه حامل بـ ادهم بشهر السابع " دردمت ريناد حاسه بأنزعاج من اسراء هي ما ميته على شوفتها بس من راحت و لحد هسه بس ريناد الي تشتغل على الأقل ما تنكر چان الها فايدة نوعاً ما كونها تساعدها بأمور البيت بس أكيد بعيداً عنها..

" يووه أم ادهم فكيتي حليگچ بعد شيسده شو گومي حبيبتي سويلي ستكين چاي و عوفيچ من البت خطية تعبانة مو كل السوالف ماخذتها بحقد"

" عجييييب دومك بصفها" اردفت ريناد بنبرة عالية حاسه بالضوجة فولت عدها و علمود ما تكبر المشكلة راحت للمطبخ تسوي چاي لأبوها حتى ما يجيب طاري اسراء ..

" اوف اوف منچ يا رنيده " تنهد ستار مطگطگ رگبته الي تشنجت من التركيز

طاحت عيونه على الموبايل الي محطوط على الميز فـ قرر يتصل على ليث كونه هم مستغرب طلعاته الكثرانه وي زميله بالشركة..

صدح صوت الموبايل بأرجاء هذيچ الغرفة الظلمة

كشر ليث ملامحه بأنزعاج بسبب الصوت الي خرب صفوة نومته راد يتحرك حتى يشوف منو متصل علي
بس چان اكو ثقل متمركز على صدره نزل عيونه لجوه و شاف وضعية ضرغام وهو نايم و باين علي الراحة التامة

ابتسم ليث بحب و هو يشوف زلمته نايم بكل سلام و سكينة ما حب يخرب نومته فـ بشكل خفيف حاول يمد ايده حتى يوصل للميز الي موبايله موجود علي

بعد ثلاث محاولات گدر يوصل للموبايل و شاف المتصل ابوه عقد حواجبه بأستغراب هو بالفعل انطه خبر لأبوه قبل لا يطلع