ذنب آل سردار "خانم الشاه"

الصفحة السابعة:

فلا هَوى بعدك يُهتوى
نويتُك بَيني وبينَ نَفسي
ولِكُلِ إمرئٍ مانَوى

—--------

بــرلَنـت

بعد الي صار وكدام الكل سردار طردها "علمودي"، فرحت حيل بأيدي راح ادمركم واحد واحد واشمركم مثلها واخذ حق اهلي من عيونكم

-رضا.

-ها.

جنت كاعدة كدام المراية بملابس نوم القصيرة اخلي مرطب الرجلي وهو مدد على جرباية يدخن ويصفح بالتلفون لابس بس بجامة سودة طويلة  صحت اله حتى ينتبه الي وفعلاً انتبه

جنت اكدر اشوفه من المرايه وهو صافن بيه ضحكت بداخلي جاي دورك، خلصت وكمت اتمشى كباله كعدت على طرف سرير وكتله

-شنو تنام هنا؟.

رفع راسه ونفخ دخان سكارة طفاها وتمدد على السرير وكال

-عندج مانع؟.

-طبعاً عندي احنا ماتفقنا هيج.

-لا اقصد مانع ***.

-تربية سززز عابتلك كوم نام على القنفة.
خزرته استحيت من حجايته وصحت بي، وهو رد بكل برود

-السانج ماتريدين تجربين ثکل ايدي.

-شحدک حتى اكسرها الك واعلکها بعلباتک.

ضحك حيل اختنك وكام يكح واني صافنه عليه اباوعله بنص عين شنو يستهزء بيه؟… شرب مي واندارلي شعره على عيونه ضليت صافنه على عيونه شلون حلوات لحيته وشواربه نازلة شوية على شفافه

انتبهلي وبلع ريکه تحركت تفاحة آدم وكال ببتسامه
-باوعي يُبا حلالج.

-على شنو اباوع وجهك الازرك لو لحيتك هاي بعلج اشيلها دروح غاد روح.

-متأكدة؟.

-أي ويلا كوم نام على قنفة..
بعدني ما مخلصه كلامي سحبني من رجلي وكعت على سرير وهو صار فوكي شعره صار على كصتي وعيونه تلمع الضوة مال تيب لامب عليها

-شدسوي لا تنسى نفسك.

-شبيج خدرتي بيدي مو عساس ازرك.

-شخدرت وخر لك.
طبک حواجبه من حجايتي ونزل على رکبتي عضها حيل كفشته من شعره عيوني دمعت من الوجع مو سنون جلابتين ماوخر مني الا بجيت

-وجعتني رضا عفية.

وخر راسه من ركبتي وجهه عركان يتنفس سريع دفعني على كيف وكام يمسح بحلكه دخل للحمام واني كمت للمرايه اباوع ركبتي من يم عظم تروقه طبعت سنونه بيها وطالع دم

طلع من الحمام مغسل شعره شمر نفسه على سرير وهو يتنهد طبطب على مكان بصفة وكال
-تعالي نامي لو تريدين عضه ثانية.