ذنب آل سردار "خانم الشاه"

الصفحة السادسة:

تلاگينَة بحِلم وأجمَل حِلم چَان
شِفت العُمر كُلة بكَم دقيقِة .

----------------

بــرلَنـت

-كووومي ولج.

-اهوو وخر دنيارر.

-منووو قندرة ولج اني رجلج.

كعدت افرك بعيوني ميته نعس من الحماس البارحة ما نمت ليل كله بس ساعتين وهذا اجه يكمز فوك راسي مال اسطره براشدي بس اخاف ينومني بشعبه الكسور مجربة ثكل ايده ابن العجيز

-شبيكك.

-لج منوو نعال احجي.

-يا نعال؟.

-الي صيحين بأسمه وانتِ نايمة يا هانم.

-هاي شبيك وخر.

-ماتكومين لحد ماتحجين.
ماحس غير لزم ايدي حيل حطه فوك راسي هو نايم فوكاي بس رافع نفسه عني ويصيح

-شبيكك وخر عيب متستحي انتَ.

-تؤ، مرتي.

-نعالتك وليي من يمي شتفقنا.

-جاوبي و اوخر.

-شجاااوبب وليي مني اهوو.

-منوو دنياررر.
جان يحجي وصاک على اسنانه، عزا شعرفه بي هذا لو يعرف شنو بيني وبينه يطحن راسي

-منو هذا ماعرفه.

-متعرفي اي خطية وصور وهو لازمج من خصرج والضحكة شاکه حلکج.

-وانتَ شكوو تتجسس على خصوصياتي.

-يا خصوصيات هانم هي غير امه لا اله الا الله كلها شايفته صورررج بت المفضوح.

-اولا هاي اسمها فاشن اني اعرض اعمالي بحساباتي ثانيا هذا ابن خالتي مو غريب اوكييثالثاً انتَ واهلك المفضوحين ولد****.

جفصت اخر حجاية وكمزت من يمه ركض للحمام وقفلته وهو واكف يصيح ويدک بالباب ويدفع بي
-فتحييي ولج اليوم اشک راسچ نصين ولج احنا ولد**** ياا ب****.

اخذت نفس واني اضحك عزا هذا صدك عصب شيخلصني منه فتحت دوش وعفته صيح نوب دک جهازة وكال
-ابا الفضل خلصج منيي بس اني الج نص ساعة اريدج مزرووعة برااا ترا اجي اكسر الباب وتعرفيني اسويها.

صحت اني من جوا دوش
-رووح بيبي واخذ مهدء موزينه العصبية تطلعلك تجاعيد.

-لج رزاااان ک**** توب وماتوبين.
دفر الباب وطلع واني خلصت ولبست وكشختت على اخر حباية هاينك تعلاکه وحدة رصاصي وبنطرون اسود جلد رتبت كريلياتي وشوي مكياج بست روحي بالمرايه وطلعت اطک بالكعب مالتي وانفخ بالعلج