النـاس بتخـش النـار ليـه؟
علشـان مبيصليـش ، علشـان مبيصومـش ، علشـان بيڪدب ، علشـان بيشتـم ، علشـان بيسمـع اغانـي ..
يعنـي انـا دخلـت علشـان الشتيمـه! ايـوه اومـال انـت هتخـش النـار ليـه مـا هـي الحاجـات دي اللـي بتدخـل النـار
هتلاقـي واحـد ڪده ده فـي النـار علشـان ذنـب الشتيمـه ، مـا هـي مـش ڪلها صـلاة بـس لـو ڪلها صـلاة ڪنا هنظبطهـا ڪان يبقـي عشريـن درس عـن الصـلاة وهنظـبط الدنيـا
متستقلـش بالذنـب ﴿ فَاتَّقُـوا اللَّـهَ مَـا استَطَعتُـم ﴾.
- أحمـد عامـر || مجالـس القـرآن
______________________________
"وكأنها من عالم آخر"
|11-| نِيرَانٌ حَامِيَةٌ
| شهد غانم |
خرجت من غرفتها بعدما بدلت ملابسها البيتية لأخرى تصلح للخروج، دلفت لغرفة والدها قائلة بحماسٍ غير معهود
-" يلا يا بابا عشان منتأخرش "
رمقها والدها بتعجب وهو ينظر لملابسها التي يظهر منها أنها ذاهبة لمكانٍ ما
-" يلا ايه ؟ وبعدين انتِ لابسة كدا و رايحة على فين؟!! "
-" جاية معاك "
قالتها وكأنها تخبره بمعلومة لا تأخذ إذنه فـ لوى شفتيه بسخرية وهو يطالعها مردفًا
-" جاية معايا فين بقا إن شاء الله "
جلست أمامه على الفراش تضع قدم فوق الأخرى وهي تهتف
-" مش انتَ رايح ترجع لـ إلياس الفلوس، أنا رايحة معاك "
هزّ رأسه يطالعها بصمتٍ قبل أن يضع قدمًا فوق الأخرى مثلها قائلًا بنبرةٍ حاسمةٍ
-" طب اسمعي بقا... محدش جاي معايا، أنا هروح لوحدي، سامعة... ودا آخر كلام "
ترجل كلاهما من سيارة الأجرة لينظرا إلى ذلك الصرح العظيم، كان منزلًا ضخمًا أو بالأصح «ڤيلا» يحاوطها حديقة واسعة، لم يرَى في حياته مكانًا كهذا سوى بالأفلام فقط، نظر للحارسَيْن الواقفَيْن أمام البوابة لـيحمحم بهدوء متسائلًا
-" مش دا بيت الأستاذ إلياس؟؟ "
أومأ الحارس بإيجاب وهو يطالعهما من أسفل لأعلى، رمقهما باستنكار بدا لـ "روان" إهانة وهو يقول
-" و انتم عايزين منه ايه؟!! "
وضعت "روان" يديها على خصرها تهزّ رأسها قائلة باستنكار وهي تلوي شفتيها بحنق
-" ما تتكلم عِدِل يا اخويا، ايه العَوْجَة اللي انتَ فيها دي "
ضم حاجبيه بغضبٍ ثم قال وهو يشير لها بـسبابته قاصدًا إهانتها
أنت تقرأ
وكأنها من عالم اخر
General Fiction-" لما تفعلين هذا دائمًا؟ " -" أفعل ماذا؟! " -" تسحرينني، ألم يحرّم الله السحر على الجميع، فـ لما تسحرني عيونك دائما؟ لقد مررنا بـ العديد من المواقف معًا، ألم تستطع أي لحظة منهن إقناعك أن ما تفعله عيناكِ مؤلمٌ لـ قلبي " أَجمِل بها "وكأنها من عالم...
