سراديب

البارت الاول

البارت الأول

من ذكرتَك سكت كلشي
ونعادت الصَفنة
و بقى يصُب الدَمع
و من ذكرتَك رفس گلبي
و راد يشلعلي ضلع
و للعلم لمَن ذكرتَك
چان ليل
و صوت دخّان الجگاير
ينسمع
*******************************

2011 الساعه 11:30 ليلاً

امشي بالسياره سريع ومادري وين اروح كل شويه اكول اريد اموت ماريد ابقى كافي الجاي اسوي اريد ابطل بس اليدخل هيج مجال عمره مايطلع منه لو شما يسوي  ضليت امشي امشي وانه افكر وين اروح شلون اخلص من همي شلون اطلع من هذا العالم مالكيت غير ضوه قوي صار بعيني كوه تلافيته وتعدت سلامات جان رحت بيها وضليت ادعي لوميت احسن جان طلعت من هذا كله الحزن القهر تانيب الضمير وانت شوف نفسك تبيع بشرف الناس وتساعد ع قتلهم وع ادمانهم هالشي بوحده كفيل ياذيني صحيح عالمي اسود بأسود بس عمري مادنيت لشي حرام صحيح عندي علاقات وي بنات هواي وهنه الي يركضن وراي بسبب شكلي وطولي وشخصيتي بس عمري مادنيت لشرب لو ادمنت مخدرات بس الجاي اسوي اله سبب يجوز متعذروني وتكولون غلط او انته تسرعت بس شسوي وكفت بعد ما ردت اندهم خليت راسي عله سكان (دركسيون ) وغمضت عيني وراحت افكاري ويييين لايام كبل ايام اهلي وحبي الهم وشلون جنه عايشين بامان وع حب الله وع الفطره حيل مشتاق الهم مادري بيهم وين راحو وشلون صارو وابوي وامي المادري عنهم شي اخير مشكله صارت بينه ماتذكر شوكت ويمته خليني احجي طفولتي الكم وشوفوا شلون جنه عايشين

مرحبا انه علي من عائله فقيره جدا عايشين باطراف بغداد يعني بالريف مكانات زراعيه جميله ومناضرها حلوه عايشين من جانت الدنيا حلوه والامان منتشر صحيح وجود نضام السابق موذي بس مو ع الكل لان الفقير مايدنون اله انه من مواليد 1983 عندي ست  اخوان وانه سابعهم اخوي الجبير عابد مواليد 1971 من فتحت عيني ع الدنيا واخوي يشتغل ويدرس ومتعب نفسه ومن صار عمري خمس سنين تزوج بنت عمي بنيه حبابه وفقيره كلش اسمها سها واصغر منه بخمس سنين يعني 1976 مواليدها وراه اخوي عثمان مواليد1975 هذا ايد ابويه اليمنى يحبه ويموت عليه حتى مرات احس يفرقه عنه ورا عبدالله مواليد 1978 ونوب اخوي جاسم 1979 ورا اخوي ساهر 1981 ورا انه علي  وعندي ثلاث اخوات اختي الجبيره الي اجت ورا عابد مواليدها 1773 جانت حيل حنونه وتحبنه كلحنه وعمرها ماشتكت شغل البيت والطبخ كله عليها من وعيت ع الدنيا وهيه امي مو اختي بسنه ال90 تزوجت ابن عمي حسين ورئسا صارت حامل بابنها الجبير بوقتها حيل فرحت لان راح اصير خال ومريم 1985 وراي بسنتين اجتي للدنيا وسهيله مواليد 1987 واخير شي امي حملت بسنه ال92 وخلفت اخوي الصغير وسمته جيهان مواليد 1993 صرنه وكبرته ع تربيه اهلنه النه ابوي الانسان الجبير الي مواليد 1945 وامي الي مواليدها 1952 ربتنه وكبرتنه بدينه نكبر واخوي صار عنده ثنين ولد توئم الجبير وحياتنه هيه هيه فقر وضيم وجوع جنه حسره علينه نروح للمدرسه حتى ندرس كبرنه وصلت للاعداديه واخواني كبرو وتزوجو وخواتي هم بس اخوي بقه الصغير وصل صف سادس بتدائيً جان يختلف حيل عنه حيل شاطر ومجتهد بس مابطلت اجيب مشاكل الهم يوميه اتعارك بالمدرسه وي المدرسين لو طلاب لان يعيبون  عليه لان حالتي فقيره واشتغل وادرس وصلت سادس اعدادي وضطريت اعوف الشغل لان بوقتها ابوي تعب حيل واخواني كلهم طلعو بيوت وحدهم ولي سكن غير محافضات بس اخوي عابد وعثمان ويشتغلون بس مايلحكون هذا الحجي سنه 2001 قبل السقوط عفت المدرسه وضليت اشتغل حمال ساعه بالسوك ساعه  اغسل ماعين بمطاعم بغداد ضليت اشتغل بالعاصمه وارجع بالليلزتعبان ميت تعب تعدت الايام وجان اللتقي بشخص حيل محترم وحيل زنكيل وعنده هواي محلات مال غذائيه شافني شلون اشتغل واذب جهد اول بدايه كال اشوفك شلون شغلك الك شهر اذا عجبتني اخليك ماتحتاج احد ابد بديت اشتغل واشتغل شبه حياتنه نعدلت ع هذا شغلي صح تعب بس يهون الابويه وجنت ارجع محمل اشكال والوان الاكل جان صاحب شغلي حيل محترم وابن ناس وعينه مليانه ع الاخر شافني شلون امين وصاحب وكفات اله وبيوم اجو ناس هاده عليه للمحل وكفتله ودافعت عنه وطردتهم كلهم جانت شخصيتي حيل حلوه وقويه هم وماخاف من شي وطبعي حيل عصبي ومانفاهم ايدي والضرب اي شخص كبالي يجي حتى خواتي جنت وياهن قاسي وماتفتهم بشي ع ماتزوجن يلا رتاحن مني بس انه احبهن واموت عليهن رغم ماذيهن وهنه هم يحبني وبيوم من الايام جاي نشتغل برا واجت سياره سريعه كلش وصار اطلاق نار من خوفي ع ابو الهاشم جان اسمه شمرت روحي عليه واجت الضربه بجتفي المهم هوه مابيه شي جان صاحب فضل عليه ومن هذا اليوم صرت ايده اليمنه بكلشي الى ان بيوم كلي وهذا الحجي سنه 2004 بعد السقوط كلي اريدك وياي بكلشي ابو غضب صفنت عليه كتله شنو ابو غضب يعني كال منا ورايح هذا لقبك بعالمي كتله ياعالم كال امشي وياي وهسه افهمك كلشي جنت جاهل لهذا العالم اخذني وشرحلي عنه بالبدايه رفضت بس بعدين من شفت الفلوس جرت بايدي واهلي صارو بحال افضل التجأت اله والعالمه حيل ولو ادري مارايح برجليه اله تعبت حيل تعبت جان سلاح ع تجاره مخدرات ويبيع بنات وصلت بيه المرحله حتى اعضاء يبيع واطفال صغار يخطفونهم اني جنت واحد من المجرمين الي باع روحه ع مود كم فلس يعيش بيهم بس صارت عندي ثروه كلش جييره بس ماجنت اطلعها كلها يم اهلي ماريد يشكون شتريت الهم حتى بيت وكعدنه بي وابوي فتحتله مشروع لان يشوفوني اشتغل ليل نهار الى ان بيوم وبوقتها جيهان جان صف سادس اعدادي ماخليت بنفسه شي وجان احسن شخص بالدنيا اكتشفت امي سري وانه اسولف بالتلفون بوقتها صرصور عندي جان وسمعتني احجي وي ابو الهاشم دخلت عليه
ميساء: يمه عزا بعينك علي ولك شمسوي يعني هاي السنين كلها توكلنه حرام يعني هذا الجنه نصرف منه فلوس حرام يارب لوماخذ عمري وماسامعه هالحجي
علي : يمه نصي صوتج رحمه لربج نصيه لاتصيحين لايسمع ابوي ويصير بيه شي ماسمعت مني وضلت تدك وتطلم وجان يجي ابوي ويسمع ضل يسب ويغلط وانه من عصبيتي كتلهم اي هسه صرتو دورون حلال وحرام من جنت اجيب اكل وشرب وفلوس وملابس ماتكولون منين لمن طاح الفاس بالراس ودخلت بعالم ماكدر اطلع منه ضل ابوي يصيح واخيرا كالي انته مو ابني ابني مات وقريت عليه الفاتحه اطلع برا انه متبري منك منا ليوم الدين بوقتها ماكلت باطل خليت وطلعت اخذت ملابسي ورحت ع ابو الهاشم وسولفتله الوضع وكال انت ابني واخوي انت الابن الي الله مانطاه الي ابو غضب انت اشجع رجالي وايدي اليمنه وراها يخسه الدنيا كلها مشت الايام وانه اشوف نفسي يوميه اغرك بالدنيا السوده يوميه بس شكلي ماجان مالوف لشرطه الي باقيه تلاحكنه يوميه من مكان المكان واسمي ابو غضب هذا اللقب الي طلعه الي ابو الهاشم طبعا هذا ابو الهاشم بس بالسلك مالتنه مال المافيا يعرفوه بالنسبه للناس اسمه ابو فاضل اسم ابنه الي ميت فاضل وانه الوحيد الي عرفته بس جنت ماخذ حذري من اسمه كلش اصيحلهً كله ابو فاضل ممنوع ابو الهاشم مانكر حبه الي وانه ايده اليمنى بس انه تعبت نفسيتي تعبت بعز صفنتي رن تلفوني الي رجعني للواقع مالتي وانه اشوف دموعي تجري ع اهلي وعمري الي ضاع مني ومادري بيه وين راح الدنيا شته سنه 2011 وانه ع جسر واكف بسيارتي شفت المتصل صراع هذا ايدي اليمنه
صراع : وينك باش
علي : شتريد صراع متصل عليه
صراع : ابو الهاشم يكول خلي يرجع وصلت البضاعه الجديده
علي : يابضاعه صراع
صراع : مال البنات وشلون بنات يخبلن وحده احلا من الثانيه فدوه لعينهن مال اكل
علي : انجب حيوان سد حلكك وهتم بشغلك هالطريق ماندخل بيه احنه والتجي تجي برجليها يا صراع يلا سده ربع ساعه واجيكم 
صراع : صار باش الله وياك
علي : سديت الخط وانه فكري شارد مني اكول وين راح اوصل بعد ليا مكان ليا هاويه اخ يابو هاشم كتلك الف مرا خلي نبطل ماقبلت مصر ع هذا الطريق يكول الطريق مابيه رجعه والي يدخله مايطلع منه حركت السياره وانه ادعي ربي يفكني من هذا الطريق الي اذاني والله اذاني حيل هم مو شلون ماجان اريد من الله يساعدني مشتاق الاهلي وناسي مشتاق الريحه امي الي ولا لحضه نسيته لحد هاي اللحضه اروح اوكف يم بابنه ومالكاهم دزيت ناس تسال كالو راحو لغير محافظه وماندري وين همه رغم معرفتي ضليت اروح يوميه ع امل يرجعون دست بانزين وسقت سريع وصلت لبيت ابو الهاشم دخلت سلمت
ابو الهاشم : هلا ابو غضب هلا بحبيبي
علي : هلا بيك شلونك ابو الهاشم
ابو الهاشم : زين اذا انت زين وين مختفي من المغرب
علي : رحت امشي ع الجسر شميت هوه ورجعت خايرني صراع وبلغني
ابو الهاشم : اي علي هالمرا التوزيع اريده غير البنات الي جابوهن الي حيل حلوات اريد مكانات تليق بيهن وياريت اذا تكدر سفرلي بعضهن برا لان اكو الي ناس بدبي وتركيا يردون بنات هيج حلوات وعراقيات شرط
علي : تدلل ابو الهاشم غالي والطلب رخيص خليني الصبح اشوفهم هسه حيل تعبانه ومضايق
ابو الهاشم : افا ضايج وانه موجود شبيك
علي : غير مرا ابو الهاشم
ابو الهاشم : صار ولو اعرف شبيك انه وشنو الي مكدرك بس ميخالف تدلل عليه
علي : حبيبي ابو الهاشم
ابو الهاشم : انه رايح لبيتي تدري العين علينه وماكدر اخطي خطوه وانت باجر اريدك بالمحل تجي الصبح كلها تسال عليك من كمت ماتجي وتعال بزي العمال
علي : صار تدلل ابو الهاشم سهله
ابو الهاشم : لايزل لسانك وتكول ابو الهاشم ترا اروح بيها
علي : افا شلون يزل ابو فاضل انت وتاج راسنه وراعي نعمتنه
ابو الهاشم : ويكولون ليش تحبه وتفضله علينه مايدرون ماخذ كلبي كله انت ابني قبل لاتكون ايدي اليمنه ومن رجالي يلا مع السلامه
علي : والله يدري شكد معزتك بكلبي يحفضك الله ابو الهاشم خله وراح صحت صراع باعلا صوت اجه يركض
صراع : مرحبا باش امرني
علي : مليون مرا كتلك اذا ما اتواجد هنا لاتتصل عليه كله مات راح بداهيه
صراع : باش ادري بيك مليت وتعبت من الشغل هذا بس شسوي متكلي هوه اصر عليه اتصل وانه ما اخالف امره صحيح انت عزيز عليه وانت اخوي مو مدير عليه
علي : صراع تعبت اريد انهزم كل يوم احس نفسي اغرك بحفره سوده ومابيها بس عالم مضلم كله قتل وسلب ونهب ومخدرات وتجاره بنات لشوكت يا صراع لشوكت اريد اهج
صراع : باشا تدري كلش زين الي يطلع عن طريقهم يقتلونه لان مايردون تجيك العين وخصوصا انته انسان موبس عرفتهم لا انسان دخلت بعالمهم وتغلغلت وصرت منهم وبيهم حتى اجتماعاتهم تحضرها واي شي صعب تسهله عليهم وهسه تريد تنسحب موبس يقتلوك لا يكطعوك ويشمروك للجلاب حشه الاكوله يعني
علي : انه ادري مصيري اموت لو بالسجل الي سويته والي جاي اسوي ما يخطر بال بشر حيل اذيت ناس وادري الله ماينسه الشي الي انه سويته اخ ياصراع
صراع : باش عوف همك وخلينه نشوف شغلنه فوك ال40 بنيه جوه بالسرداب شوكت تشوفهن
علي : شلون جبتهن
صراع : والله باشا هنه اجن بنفسهن الي شارده والي مسويه سوايه عوجه وهم مهزومه من اهلها ماعدا وحده بس شلت حالنه ولسانه اطول منها بمليون مرا وحده هم حيل هادئه وحتى شكلها بريء
علي : اي شوجاي تمدح بيها هواي البريئه
صراع: مادري باش بس حيل حلوه  ومن شفتها واجت لحد هسه افكر بيها
علي : اي عود سهله يلا روح خليني اصعد انام باجر اشوف شنو الفلم صعدت نمت وانه الهم ياكلني بس صراحه صار عندي فضول اعرف منو هاي الي لسانه طويل هههههه مبين جايبينها خطف فعلا يلا هالشي مو قديم ع ابو الهاشم عادي الماتجي يجيبها غصب وخطف واذا اضطر الامر يضربها
خليني اكلكم شكلي شلونه قبل لا انام لان حيل تعبان جان يوم صعب عليه من صبح لحد هسه اشتغل
انه طويل حيل طويلي 189 وزني 90 حيل احب جسمي ومهتم بيه بشرتي حنطيه بلحيه سوده وعيوني سود حيل ونضرتي حاده وعصبي الى ابعد حد الاضوج منه كون اكسر بيه عضم المهم حيل مهتم بشكلي ولبسي بس من اروح للسوك يم ابو الهاشم اللبس لبس العمال لان انه اعتبر عامل عنده موايده اليمنه صراع تقريبا نفس طويل بس بسانتيم واحد هوه اطول مني بشرته اغمق من بشرتي بس سبحان الله اول مرا اشوف شخص اسمر عيونه خضر بلحيه سوده حيل وبيه خصلات بيضه صراع مو بس ايدي اليمنه صراع هذا اخوي الي ماجابته امي اخوي الي اتحسر ع شوفته وع ريحته عوضني عن الكل بعز تعبي وضعفي ومرضي هوه واكفلي هوه وابو الهاشم الي فضله ما انساه طول عمري وشخصيتي احسها تختلف احس كلبي مات من ناحيه الحب ماكدرت اي وحده تاخذ نضري او تاخد مني قطره اهتمام حتى الي يجن ويدخلن حياتي هم يدخلن حياتي والعجبني اكثر صراع يكول عجبته وحده هذا الانسان مابكلبه ذره رحمه يكتل ويذبح بدون مايرف جفن مرات ادزه بمكاني لان انه تجيني اوقات استصعب اقتل شخص او اذبحه هواي تعرضنه لمداهمات من الشرطه وهواي تصوبت بس عبرت منه جسمي احسه عباره عن قماش مشكك ومخيطيه تقريبا خمس مرات نضربت وكل مرا ارجع اقوى من المرا القبلها احس الله يريد يخليني عايش فتره طويله حتى اتعاقب بالدنيا لان لو يريدني جان اخذني من زمان واكثر من مرا انسجن واطلع لان ماعليه شي يمهم المهم هذا انه 👇🏻

وهذا صراع 👇🏻

هسه تكولون تشابهون وفعلا انه احس روحي حيل اشبهه المهم هسه اريد اكلكم شي راح تسمعون القصه مني انه وبس وبحذافيرها
صعدت فوك انام مادري شلون وشوكت نمت ماحسيت غير الصبح اجه صراع يكعد بيه
صراع : باش باش كوم ابو الهاشم يريدك جوه
علي : نازل نازل صراع ماتخلي واحد ينام كمت بدلت وغسلت ونزلت طبعا اليوم الوحيد امس مابيه حفله جانت يوميه متعودين حفلات وسهرات نزلت جوه وجان يكلي حضر نفسك ابو غضب اليوم حفله بالليل واريدك تختار احلا البنات من الجبتهن امس كتله تدلل باشا غالي والطلب رخيص من ارجع من السوك من يمك انزل جوه واختار احلا البنات وصار
ابو الهاشم : دومك ماتفشلني يلا كوم بدل انه رايح كبلك
علي : صار كمت بدلت ورحت للسوك وناس كلها تسلم عليه وتتحمدلي السلامه عرفت ابو الهاشم كايللهم انه تعبان ومريض وهسه صرت زين خلص اليوم ورجعت للبيت بدلت وسبحت وانه تعبان لازم ابين روحي طبيعي كبالهم يعني اشيل وحط وصراع يضحك عليه لان من حمايه ابو الهاشم وانه اتحلف بيه وكالعاده من ارجع انسه انه عندي ويا ثار خلصت وصعدت فوك اسبح وابدل ونزلت ها صراع جاهز
صراع : جاهز باش وام هند موجوده
علي : اي عاشت ايدها ام هند هاي دايما تجي بالحفلات تجيب بنات وجهز بناتنه للسهره بكل مرا واصلا هيه مرا بايعه ومخلصه صاحبه بيت دعاره بمنطقه ال* ومايرحولها بس الناس صاحبين نفوذ والكبار بالدوله اصلا الرتب الجبيره تجينه عبالهم احنه بس نسوي حفلات وياخذون بنات ميدرون شغلنه الاساسي ماشوفون ماخذين راحتنه يمهم واسمي يمهم نفسه علي لان حسب طلب ابو الهاشم اسم ابو غضب بس اثناء العمليه واروح ملثم كتله يلا امشي ننزل نختار البنات نزلت جوه دخلت فتحت الباب وباوعت بينهم وجان اشوف ..........

.................//////////
لهنا انتهى البارت اتمنى ينال اعجابكم

الكاتبه حنين الأسدي