سراديب

البارت السادس

البارت السادس

واجيك
متيه افكاري
واشوف الله
بطبايع ذكرك وذاتك انت
انت الماكو غير الله عرف ذاتك
وكلشي يعودلك ينباس
حذوه مهرتك تنباس
وصفنتك لو شعلها الريح هم تنباس
جدمينك
بخت تنباس
واخذني حذاك اخذني حذاك يالصدكي
مليت الجدم والراس
(مليت الجذب والناس )
                 احمد نغيمش
******************************
صراع : بقى يصيح وروح بس تبجي كلت اكيد  راح يصير بيه شي خصوصا من وجهه صار احمر دم هوه عنده ضغط خفت عليه لايصير بيه شي ويرتفع وهوه نحس كلش بس يطيح معناها نام بالفراش سبوع اكثر وضغطه يبقى معلك ضل يصيح ويتنرفز حاولت اهديه ما هدأ كام وصل للباب وجان يطيح من طوله حيل خفت عليه وجهه احمر ارتبكت وروح ضلت تبجي حيل وكعدت يمه حاولت تصحيه ماصحه رفعته وديته للغرفه وخابرت الدكتور وروح مستمره تبجي بصوت عالي واجت تقى هم جملتها عليه شويه واجه قاس ضغطه لكاه عالي انطاه ابره وشداله مغذي وكال اهم شي يبتعد عن التوتر وصلته للباب وبدخلتي اجت تقى
تقى : بعد ماسولفت قصتي لروح حسيت بارتياح مو طبيعي حسيت روحي خفت شويه وشبه نفسيتي تحسنت من شاركت احد همي حسيت كبرت الف عمر فوك عمري وانه اشوف ابوي يبيعني لوًما فضل صراع جان هسه انه بخبر كان مرت الايام وراها وانه اشوف نضره الاهتمام والخوف بعين صراع صراحه انه هم حيل تغيرت فكرتي عنه وحسيته هذا سندي واماني وكلشي بالنسبه الي من اشوف شلون يهتم بيه ومايحب يشوفني ازعل ويحاول يطلعني من جو الكآبه صراحه حيل تعلقت بيه ويمكن حبيته يجوز الله عوضني بصراع من بعد ابوي واخواني الي مادري عنهم وبحياتهم ماحبوني ولا مرت ابوي تعدت الايام وشفت علي شلون طاح وتاذه وروح موتت روحه من البجي وباثناء مااجه الدكتور وطلع وراها وصراع ويا كلتلي
روح : ولج تقى ولج يردون ياخذونه يبيعونه ولج تقى اريد اموت ماريد اموت روحي وماروح الاي مكان ماريد اخسره تقى الله يخليج ماريد اخسره احبه والله احبه شوفي وجهه شلون اصفر ماكدر اعيش من دونه خلص انه احبه بس هوه هوه مايحبني شنو ذنبي شنو ذنبي كل الي احبهم مايردوني اولهم امي عافتني وخالتي سوتني خدامه عدها وابنها اليتحرش بيه وبطلاع الروح نهزمت وبيوم الحبيت بيه علي سمعته يكله ماحبها ماحبها بس اريد احميها لج شنو ذنبي
تقى : خلص روح لاضوجين نفسج انشالله مابيه شي سمعتي الدكتور شكال والله مابيه شي خلص اهدي انه راح انزل واشوف شنو كله. جوه نزلت وصلت للباب صار بوجهي كتله صراع
صراع : عيون صراع كولي
تقى : شكال الدكتور من نزلتو ترا روح حالتها حاله
صراع : مابيه شي والله بس ضغطه شوي عالي هسه من يرتاح يستقر صح راح يتعبني لان نحيس بمرضه بس ميخالف وخلي بالج هوه بسبب روح وصل لهالحاله وانه متاكد يحبها بس مايعترف لنفسه واذا ميحبها ليش هيج نفعل ع مودها
تقى : صراع هيه هم تحبه
صراع : صدك ؟
تقى : والله بس تكول سمعته باذاني يكول ماحبها مجرد بس اريد اساعدها
صراع : باعي تقى تعاي اكلج شغله اخذتها ورحت للحديقه اكعدي هنا كعدت وكتلها باعي تقى ترى احنه شغلنه حيل خطر وحتى لحب ممنوع بعالمنه ماطول اختارينه هالعالم اذن مانحب ولا نفكر اصلا وخصوصا علي هواي يحسب للمستقبل ويكول ماضلم بنت الناس وياي وفعلا احنه مانضلم بنات الناس ويانه ومانفكر نرتبط احسن وهالحجي فكري بيه وشوفي يا الله باوعتلي بنضره ورا مارفعت راسها خطفت موبس كلبي لا خطفت حتى عقلي وروحي حسيت بعيونها دمعه بالكوه محبوسه حيل نقهرت بداخلي كالتلي
تقى : وتعاملك وياي شنو معنا مجرد عطف يعني لان يتيمه كل هذا جان مجرد شفقه منك ماشي صراع عن اذنك
صراع : لا تقى ماقصدي هيج خلتني وكامت ضليت اصيح ولا التفتت عليه اخ صراع هسه شحجاك انت شعليك خليت روحك بالنص وكتلها ممنوع نحب وممنوع استغفر الله خل اكوم اشوف بلوتي الثانيه ابو غضب وهوه فعلا ابو غضب من يعصب ينسه حتى اسمه خليت وكمت .
تقى : كمت وانه احس روحي افور يعني شنو هذا كله شفقه عطف منه غبيه تقى غبيه والله غبيه واكبر غبيه بالدنيا عبالج يحبج وانت ثوله صدك لوكالو عقل طفل بس بسيطه انه اعلمه بعد نضره يحلم يشوف مني نضره اخ يا يمه وين رحتي وعفتيني جان موهذا حالي والله خليت راسي ع المخده ونمت ماحسيت بالدنيا بعد .