سراديب

البارت التاسع

البارت التاسع

الشوك مشنوق وحبل ثائر عالهوة
وانه وأنتة وروحك وروحي
سفينه ونوح مايهوة الغريب
بكثر ماميت عليك
اسوالفي تحس بيهه شيب
انتة اول وآخر وأول حبيب

********************************

تاج : كعدت ساعه 2 واريد اروح اشرب ماي وجان اسمع حركه جفلت ضليت هاديه ماحجيت ولا طلعت صوت حتى نفسي كتمتها نوب شفت شخص عبر من كبالي رئسا صرخت وكلت حرامي حرامي نفتح الضوه وجان
جيهان : بعد مانزلت للدوام لبغداد هواي صارت عدنه مداهمات واغلبها كمين بس بفضل الله وتعاونه نكدر نتخلص من هالكمين الايام تشبه بعض والامر مستمر يحجي ع الشخص المجهول  الي بفضله حققو هواي انجازات والقاء قبض ع عدد من المجرمين والموزعين بس سوال واحد الي محيرنه ابو غضب لحد هسه مانعرف شكله ولا حتى صوته هوه وايده اليمنه الي بكل مداهمه مدا انطيح بيهم هواي شغلت عقلي هاي القضيه شلون نوصل للراس الجبير المهم خلص وقت دوامي وحان وقت رجوعي للبيت رجعت والطريق كله بالي يم امي الي احسها طايره من الفرح اكثر خبر فرحني كالت اخوك علي اجه وشافني وشبعت من شوفته وبنفس الوقت حزنت كلش شمعنه ماشوفه انه حيل بدي اللتقي بيه واكعد يلا انشالله اشوفه عن قريب ركبت وانه بطريقي طلعت ساعه 5 العصر للبصره وصلت ساعه 2 الفجر دخلت للبيت هدوء وضلمه بوقتها دنيا شته  والكلوبات مطفايه المهم دخلت اتسحب ع كيف شو جاي امشي وماسمع غير وحده صرخت وكالت حرامي فتحت الاضوبه بسرعه وجان اشوف وحده سبحان من خالقها ع هالجمال وهالطول يمكن نضربت ع عقلي شو هاي مستمره صيح حرامي وشمرت عليه الكلاص كتله هي هي ياحرامي منو انتي بعدين اكو حرامي بملابس البيت يفتر وماخذ راحته ع صريخها كعدت امي
ميساء: يا شبيج تصيحين يمه تاج هلا يمه نورت بيتك يبعد امك اعذرها ماعرفتك سوت هيج والدنيا ضلمه ماعلكت الضوه يمه
جيهان : ليش يمه هيه خلتني اشوف دربي حرامي وحرامي
ميساء : عزا بعينج يتاج شبيج صرعتي الولد هههه هيه وليدي جيهان يمه بسته من خده وهوه باسني من.راسي يلا راجعه انام تصبحون ع خير
تاج : ضليت اصرخ حرامي حرامي وجان يفتح الضوه اخ يمه شهالرجال الحلو بداخلي احجي كلي شبيج شبيج اكو واحد حرامي هيج يفتر وماخذ راحته طلعت خالتي وعرفت هذا ابنها حيل خجلت منه دخلت بنص هدومي كتله انه اسفه موقصدي بس لان ضلمه وانت خوفتني
جيهان : لاتعتذرين ماصار شي لوبمكانج هم اسوي هيج المهم اهلا وسهلا بعيوني انتم امي سولفتلي عنكم وانشالله بالحفظ والصون
تاج : تسلم خليت ورحت للغرفه كعدت بيها كلت بداخلي ثوله شكد عيب هسه شيكول عليه المهم خليت راسي ع المخده وانه افكر بالي صار عزا شلون اخلي عيني بعينه الصبح ثول الثولني خليت ونمت
جيهان : ضليت صافن بملامحها الي شلت حالي شل شكد شفت بنات واعترف شكد مصادق واعرف بنات وهنه الي يجن برجليهن بس ماشفت نفس هالبنيه مبينه حبابه وبنت ناس بس شنو قصصهن وليش اجن هنا وحمايه يردن الله اعلم نمت وكعدت ثاني يوم ع ريحه جاي امي الي لو الف الدنيا كلها مالكه نفس ريحه جايها كعدت لكيتها بالمطبخ وياها بنات ثنين بس البنيه الطويله ماشفتها بس ماشالله كلهن يخبلن صبحت عليهم وسلمت ع البنات وعرفتهن عليه وامي هم ماقصرت بالمديح كبالهن ههههه والله يا يمه ماتوب من سوالفها المهم ندك الباب رحت افتحه طلع مصطفى دخل وسلم عليه وانه هم سلمت عليه شوفات للمطبخ وكبل توجهه لهاي البنيه اعتقد اسمها روح كلها ها روح بشري شلون صرتي انشالله احسن كتله ليش شبيها كال عمي تعال وياي وانه اسولفلك رحت ويا صحيح ابن اخوي بس مابينه بس كم سنه يعني ماحاسبهن بالضبط وسولفلي شنو سوه اخوي علي كتله ليش
مصطفى : والله ياعمي مادري ليش سوه هيج لحد هسه كلبي محترك ضربها كبالنه والله لان مقبلت تاكل
جيهان : يلا عمي هوه يعرفها شنو وهيه هم اهم شي صارت زينه بس كلي شبيك شو مهتم
مصطفى : مادري عمي من شفتها لحد هسه ماجاي تروح من بالي بدي اخليها بقفص واسده عليها
جيهان : الاخ طايح كلش بالحب هههههه ضحكت عليه هوه هم ابتسم كتله اذا بيها خير الله يقدمه الك بس كلي ابوك وين وعمامك شوولا واحد يجي
مصطفى : شسوي ياعمي شكد حجيت ولا كانما ملتهين بهالشغل وتكوين النفس
جيهان : اذا صار شي ع امي الله يبعد عنها الشر بعدين خلي يفيدهم الشغل اجت امي صاحتنه ع الريوك وجان اشوفها اخ بويه شهالحسن من الصبح بشره سمره بس موكلش وعيون خضر ع زراك بديت اسولف وياهن اريد اعرف شنو الفلم روح احسها بعالم ثاني مو يمنه حتى ماتكلت خلت وكامت بس تقى شويه حجت وتاج عرفت بيها يتيمه خطيه ومخلصه صيدله حتى كتلها اي شي تحتاجينه بالخدمه شكرت مني وخلصنه ريوك كعدنه نسولف انه وامي وماكو بلسانها غير علي علي علي كتلها حجيه ترا بديت اغار من اخوي ع كيفج وياي ههههه
ميساء : يايمه غير ابني وصارلي سنين ماشايفته وشفته فدوه لعينه يخبل
جيهان : اي منو يشهد للعروس وكضيت الوقت يمها اسولف واضحك وراها تغدينه ودخلت انام شويه ماشوف الا تاج اجت ع بالي اخ شبيه تخبلت صدك جذب جيهان بعدت الافكار ونمت .
روح : بعد مادخلت للغرفه وانه النار تجوي صدري جوي مادري شسوي وين اروح كلها لامتني لان حجيت هيج مايدرون اسلوبه وياي شنو ويضربني هوه ع اي اساس يضربني شنو مرته خطيبته اخته تصرف زايد منه ومامقبول ضليت اروح منا واجي منا مادري شريد واحس القهر جاي يزيد عندي مادري شسوي اخ يمه وينج خليتني عمري ثانيه ورحتي والله لوعندي مايصير بيه شي مادري ليش كلبي مقبوض من كالو راح معصب لحد هسه بالي كله يمه نوب كلت خلي يولي شبيه كلشي مابيه اخ يا روح شوكت ترتاحين خليت راسي ع المخده وانه فكره توديني وفكره تاخذني والدوخه مستمره عندي حيل هملت صحتي تحس حتى شعري بده يوكع وانه ما صدكت يطول شويه اف كعدت ثاني يوم ع ريحه جاي بحياتي ماشامه نفسها بحيث كلت اليوم اكل الاكل كله كعدت وصبحت انه وتقى وتاج بعدها نايمه مو من عوايدها المهم طلع ابن خاله جاي اسمه جيهان سلم علينه جان كلش حباب وانه بالي مويمهم اصلا شويه واحه مصطفى وسلم علينه وكلي شلون صرتي كتله احسن الحمدالله تريكنه رغم جوعانه بس احساسي حيل مختلف احس كلبي ياذيني مادري شبيه احس راح يصير وياي شي ليوم واذا مو اليوم باجر ضليت استغفر ربي هواي خلصنه غده وغسلت الماعين والكل راح نام ضليت وحدي افتر صار العصر طلعت رشيت الحديقه مي اجه مصطفى
مصطفى : مساء الخير روح
روح : مساء النور مصطفى هلو
مصطفى : شلونج شخبارج
روح : زينه وانته
مصطفى : الحمدالله اي شكو ماكو اكلج روح اكدر اسال سوال
روحو: كول
مصطفى : احجيلي عن حياتج هم حبيبتي
روح : من كلي هم حبيتي مادري ليش اجه بالي علي صح اذاني بس حيل مشتاقتله وجاي انكر هالشعور بداخلي كتله لا ماحبيت وحياتي عاديه بنيه ماعدها ام واب وعاشت بيت خالتها وشافت الضيم ولو ماعلي جان هسه في خبر كان انه الله كريم شويه وطلع جيهان اجه كعد يمنه وضل يسولف خليت ودخلت لان نفسيتي ماتتحمل اسمع حرف واحد دخلت صارت تقى بوجهي
تقى : روح حيل مشتاقه لصراع
روح : حبيبتي انشالله ربج يخلصنه ونفتك وعلي كدها راح يخلصنه
تقى : امين اكلج نسيت ماكتلج شنو صار قبل لانجي هنا
روح : اي حبيبتي شفت شويه كلت ماحاجيج لمن تحاجيني انتي ضلت تسولف وتسولف وانه اشوف الفرحه بعينها كتلها الله يسعدج نوب اجت تاج وسولفت ع موقف امس متنه ضحك صدك ضحكتني شويه وختفت ضحكتي حسيت عصره بكلبي قويه مادري شنو سببها
تاج : شبيج روح صاير وياج شي وجهج صار اصفر
روح : مابيه شي تاج شوي دخت خل ادخل انام
تاج : ياعيني طبعا دوخين غير ماجاي تاكلين شي عبالك بلبل دشوفي شلون ضعفتي بيومين اخ بس منج
روح : ولج صوتج لاتسمعج خاله ام علي نوب ماتسكت
تاج : تستاهلين
تقى : اي والله ماتجي بالطيب الا بالنعال
روح : نجبن ثنينجن وسكتن خليت ودخلت نمت مرت الساعات والايام وصار عشر ايام وعلي مامنه اي خبر حتى خالتي ضاله بقلق عليه مايرد ع تلفونه ع مانغلق وانه هم بالي وفكري كله ماطلع من عقلي ولا لحضه جيهان اجازته واح تخلص بعد يومين وكضاها هاي العشر ايام يصفن بتاج وهواي مواقف مرت بيهم تاج تسولفنه عليها ونكعد نضحك عليها بس هيه شكلها عاجبها بس مجاي تعترف بهالشي كلت الله يوفقهم يجوز الي صار كله الله جان كاتبه النه حتى حياتنه تتغير بوجود ناس تحبنه وتحمينه من اي شي ممكن يضرنه الله يسعدهن ويوفقهن ويارب يرتاحن خصوصا تقى انه حيل احبها صحيح احب تاج بس حبي التقى يختلف حيل بالنسبه الي مهمه المهم تعدت الساعات وصارت ساعه 11:30 🕦 بالليل جنت كاعده اشم هوه وفجئه ندك الباب وجانت دكه حيل قويه بحيث عبالك احد شارد من شي وخاف احد يلكفه فتحت الباب وجان اشوف …
علي : بعد ماصارت المشكله وضربت روح عصبت لدرجه كمت ماشوف كدامي طلعت لبغداد بدون اي سوال ولا استفسار ولا اي شي بوجهي للبيت بالكوه وصلت لمنطقتنه حسيت راسي راح ينفجر من الالم شافني اول مادخلت صراع
صراع : هاباش شبيك شو وجهك احمر
علي : صراع عفيه شوفلي دكتور خلي يجي راسي احسه راح ينفجر
صراع : هم رجعنه للعصبيه ياباشا شلون بيك
علي : موبيدي صراع موبيدي المهم راح جاب الدكتور وكل عاده لكه ضغطي معلك خلالي مغذي وضربني ابره شويه رتاحيت خله وراح اجه صراع كتله ها خو ماسال ابو الهاشم عليه
صراع : بله سئل وكتله باربيل وكلما يسال عن البنات اكله نايمات لان تدري بيه يجي كله ب12 وفوك
علي : اي ادريً
صراع : باش سولفلي ع البنات شلونهن شخبارهن تقى شلونها
علي : اي كول تقى شلونها مو البنات
صراع : بعد ما راحت تقى ضلت البيت حيل باهت وبارد وشتاقيت الها لدرجه بدري اضمها بكلبي واقفل عليها ياترى هيه هم هيج لو بس انه هيج مشتاق الها اجه علي ورا يومين وانه اللوب اريد اعرف اخبارهن اجه وجان حيل معصب كبل جبتله الدكتور وكالعاده هم مرتفع ضغطه خلصنه وصار احسن كعدت يمه كتله باشا شلونهن البنات هوه عرفني بس كتله تقى كتله باش اريد اكلك شي الله يخليك لاتفهم خطا
علي : كول خويه كول
صراع : سولفتله كلشي صار بيني وبين تقى وشلون هيه طلعت تحبني مثل ماانه غارك بيها لحد اخر نفس كتله شنو رايك
علي : مادري صراع تدري بهالعالم هذا الي يفكر يعتزل يكتلونه لان ميردون احد يطلع منهم كون من يطلع يطلع بس ع الموت ومالومك بنفس الوقت ادري بيك حبيتها وردتها وهذا الكلب اشرت ع كلبه وهذا الكلب الميت ادري هيه رجعتله الحياه
صراع : شسوي باشا حبيتها وبتليت
علي : الله كريم صراع
صراع : ماكتلي شخبار البنات
علي : سولفت اله كلشي وحتى الي صار بيني وبين روح وبسببها اجيت معصب ماضميت عليه ايً شي حتى ضوجتي من مصطفى رد عليه
صراع : والله باش اذا ابن اخوك خوش ولد خليه يتزوجها يكسب بيها اجر وثواب تقصدت احجي هيج
علي : هوه هيج حجه ضليت اصيح عليه لك خرا بيك صراع اكوم اسكر راسك محد يدنه الها هاي امانه عندي صراع
صراع : باش امانه عندك والولد يريد تزوجها مايريد يلعب عليها
علي : صراع سد حلكك وروح منا يريد روح تاخذ مصطفى شحدها وعلي اكسر راسها اذا قبلت والله احجي بداخلي طبعا هوه خله وراح اتصلت ع امي وسويت روحي طبيعي كلش وسالت عليها وكالت مااكلت شي والبنيه وجهه اصفر حيل ضجت ونقهرت ادري بيها عنيده وتسوي هيج حتى تاذيني ماتدري شالعه كلبي شلع وانا ادري بيها تحبني بيوم التمرضت سمعتها تحجي التقى تكلها احبه تقى بس شالفايده طلع مايحبني ماتدري انه غركان بيها اعترف الي اعترف احبها واموت عليها هذا الهوه اذا لاح شعرها اموت من القهر اخ ياروح شسويتي بيه اخذتيني كلي مو بس كلبي خليت ونمت كعدت ثاني يوم كبل صحت صرررررراع
صراع : نعم باش الريوك جاهز
علي : عوف الاكل هسه اهم شي نوصل انو البنات نهزمن ثنينهن وماندري وينهن ولازم مانبين هالشي حتى احنه نكعد ندور عليهن وهسه نطيني تلفوني نطانيا خابرت ابو الهاشم
ابو الهاشم : هلا ابو غضب هاي وينك مختفي صدك جذب
علي : والله يا ابو الهاشم تدري جان عندي شغل باربيل شخبارك امورك رجعت من البصره بعدك
ابو الهاشم: اي صار يومين ومنتضر منك خبر حتى اجي اخذ روح
علي : ابو الهاشم هسه اريد اكلك بس مادري منين ابدي سويت روحي متوتر
ابو الهاشم: شبيك علي قلقتني
علي : البنات نهزمن باشا بالليل واحنه نايمين ولحد هسه جاي ادور عليهن ماطحت بيهن معقوله طلعن خارج بغداد يعني مالحكن اصلا
ابو الهاشم : شتكول انت ابو غضب الك 24 ساعه اذا ماجبتهن احرك بغداد بكبرها الرجال ينتضر
عليً: سده بوجهي وكتله بحلمك بس طولها لوتشوف شعره منها تعدت الايام وحنه نسوي روحنه ندور عليهن اضافه الى شغل الي ملتهين بيه ومداهمات الشرطه الي ماتخلص حتى اتصالي وي امي نكطع حيل لتهيت بس مع ذلك ماراحت من بالي ابد صورتها اخ ياروح شسويتي بيه
ابو الهاشم: وين صافن ابو غضب
علي : باشا شوكت اجيت
ابو الهاشم: ماصارليً عشر دقايق شبيك شو صافن
علي: لا باش بالي يم البنات مدا نطيح بيهن وهاي صار اسبوع ندور
ابو الهاشم: لاتخاف جماعتي انشالله يلكوهن دا ادور عليهن بيدي ورجلي بس معقوله طلعن برا بغداد اذا طلعن بعد يضيع اثرهن لان وين نلكاهن
علي : والله مادري باشا دك تلفوني مجهول سديته رجع دك سديته
ابو الهاشم: ماترد ابوًغضب
علي : لاباشا هاي وحده فارغه مالي خلكها
ابو الهاشم : اي عيني معجباتك هواي ههههه يلا تمام حضر نفسك بعد يومين عدنه تسليم بضاعه بالبصره وانت وصراع ترحون وهالمرا تسليم كلش جبير خلي بالك وها اعتقد باطراف البصره بمنطقه ال*
علي : ضحكت. كتله صار باشا حاضر اي وقت تاكد من الساعه والمكان وانشالله نطلع قبل الوقت
ابو الهاشم: ادري بيك رفعه راسي
علي : خله وطلع رجع اتصل الرقم المجهول
مجهولً: ابو غضب شلونكً
علي : باش هلا بيك شلونك
مجهولً: مختفي
علي : شني باشا حتى باجازتي ماخلص هههه
مجهول : بشر شصار
علي : مثل ماكتلك بالرسايل والاتصالات السابقه انشالله الشغله مكضيه بحيل الله
مجهول : كفو منك علي شد حيلك
علي : لاتوصيني انشالله كلشي بوقته واي معلومه راح اوافيك بيها باش
مجهول : تمام مع السلامه
علي : الله وياك سديته منه رجعت افكر ابلوه كلبي اجاني صراع
صراع : باش اتصل ابو الهاشم وحدد الساعه والمكان
علي : تمام انشالله الجمعه نطلع الصبح حتى نوصل ع الموعدً بيومها كعدنه انه وصراع وخططنه كلشي ورسمنه كلشي وكتله لازم نمشي ع الخطه صح حتى مايصير اي خطا ونروح بيها
صراع : انشالله باش تمشي الخطه وما ونخطأ بشي
علي : تمام خلص اليوم واجه يوم التسليم الكبير احنه كل فترا يصير عدنه هيج تسليم موبس مخدرات حتى اسلحه وبنات نسميه يوم التسليم الكبير وهالشي بكل مرا يصير بمنطقه مختلفه من صارت علينه العين بغداد هالمرا توجه ابو الهاشم للبصره وبنواحيها طلعنه للبصره وصلنه المغرب اكلت كتله جوعان صراع
صراع : اي والله جوعان صار عدنه وراها تسليم كلش ضخم وبيومها كعدنه انه وعلي نخطط لكلشي وكلشي رسمنه وخلصنه وكتله انشالله ميصير خطا واجه اليوم المنتضر وصلنه للبصره وتوجهنه لمطعم بوقتها حيل حوعانين كتله باش سال سوال
علي : كول صراع
صراع : شنو راح يكول شعورك اذا هاي اخير كعده يمي و وياي
علي : سد حلكك صراع لا ع وجهك هسه مايصير بيك شي انت ذيب الذيب مالتي الحامي مالتي اخوي ولك انت لاجيب هالطاري بعدين وين تروح اذا اخير كعده
صراع : يجوز اموت
علي : فتحت عيني ع وسعها وكتله نجب بكل حده وعصبيه سد حلكك صراع محد ياخذك مني حتى الموت انت اخوي ولك المهم سكت وخلصنه واجه موعد التسليم وصلنه للمكان المحدد واجو الطرف الثاني وتفقنه وياهم واثناء كلامنه وجان يصير ……

……………..///////////

لهنا انتهى البارت اتمنى ينال اعجابكم