سراديب

البارت الثاني عشر

البارت الثاني عشر

باجر راح تفكدني
وترد تقره الرسايل
والحجي المكتوب
وبعد مو مال ارجعلك اقرر عنك
اتخلى يهودي وقرر يتوب
انه وياك شمحصل؟
بشر ماشايف الراحه
بشر متعوب

*******************************

علي : دخلنه والصوت مشبه عليه وين وين ردته بس يلتفت وفجئه دار الكرسي ونصدمت بشي بعمري ما اتخيله يعني هذا الي بايع عليه سوالف الحرام وفلوس الحرام عابد اخوي عابد هوه ابو جحيم
ابو جحيم : حي الله ابو غضب اسمع عنك بس ماشايفك بس عاشت ايدك بفضلك كدرنه نوصل لهواي اشخاص مجنه نكدر نوصل الهم
علي : حاولت اغير صوتي حتى مايعرفني بخشونه هذا شرف بالنسبه الي انو احقق الكم هواي انجازات اشكرك باش
ابو جحيم: والله يا ابو الهاشم حي الله ذوقك بس غير نشوف وجهه
ابو الهاشم: والله باش مايطلع وجهه الاي احد حتى جماعته الي ويا بنفس الشغل اعذرنه
ابو جحيم: عادي آبو الهاشم ماصار شي
علي : باشا استاذنك اجاني اتصال مهم
ابو جحيم : اذنك وياك روح
علي : طلعت وانه لحد هسه مامستوعب الي شفته اخوي عابد هوه السبب بخراب البلد لا ويعلم اولاده ع الطريق الصح والايمان يعني هوه سبب موت الهواي من البشر ماصدك عقلي يفتر لحد هسه اخ يا يمه طلعت تلفوني واتصلت
مجهول : حي الله ابو غضب
علي : مسافه الطريق وجايك
مجهول : شبيك علي
علي : من اوصل حضر المجموعه وخلي وياهم  نقيب جيهان
مجهول : تمام مبين وصلت حدها
علي : سيدي كلش وصلت حدها طلعت كبل بدون مانطي خبر ودخلت للمركز وبوجهي لغرفه الامر طبعا دخلت ملثم ماريد احد يلمح حتى عيوني وصلت وشفتهم كلهم موجودين ومن ضمنهم جيهان اخوي النقيب جيهان فتت وحجيت كبل
جيهان : نزلت للدوام وصلت متاخر تمددت ع جربايتي وانه مابالي غير تاج فديت ع دكه باب تقريبا ساعه  1 بالليل جان ملازم ويانه الامر طالبك بالمكتب وهاي اول مرا تصير كال اجتماع سري وسريع وانت مطلوب بالاسم تدخل هالاجتماع ماكلت باطل بدلت وطلعت دخلت بعد ما اديت التحيه كعدت انتضرنه نص ساعه وجان يدخل علينه شخص ملثم سلم علينه وكال وياكم النقيب علي جهاد المسمى بغير عالم ابو غضب وكفت ع حيلي من سمعت اسمه كلت معقوله اخوي هذا علي اخوي ونصدمت صدمه عمري من نزع اللثام الي محد شايفه من دونه غير الامر ضليت صافن بغير عالم وبده يحجي
علي : اني علي نقيب علي جهاد المسمى بغير عالم ابو غضب انا الشخص الملثم الي محد كدر يوصله واذا وصلو اله راح يموت هوه واهله وجيهان اخوي نقيب جهان الفرق بيني وبينه انه دخلت متاخر للكليه والسالفه طويله بعدين اسولفها الك جيهان شوفو كلكم سيدي الراس الجبيره طاح بايدي والوصل اله اسهل بهواي من الجان متوقع ومخططين اله
الامر : والله والنعم وتكولون ليش تفضله علينه باع الذكاء
علي : اشكرك سياده اللواء هذا شرف بالنسبه الي بس احنه اليوم مجتمعين حتى نخلص المجتمع والوطن من الناس الي متقصده تكتل شعبه بالسم الي يوزعونه وحسب المعلومات الي وصلتني انتبهو وياي رجاءا اكتشفت انو بدو بتجاره الاعضاء واول عمليه تمت بمحافظه البصره يعني شمال المحافظه بالمناطق الشبه مقطوعه وبعيده عن العين راح اتواصل وياكم بالايام الجايه حتى نلقي القبض ع المجاميع المختصه بهذا التوزيع لان الاعضاء شغله اخطر ودا تسمعون بالخطف الي جاي يصير بالبلد هاي الايام انه بالنسبه لتجاره البنات منطي خبر للواء انو معضم البنات الي اجن جانن بارادتهن الشخصيه محد ضغط عليهن بشي ماعدا كم وحده وساعدتهم كلهن ما ظلت  وحده بدون اراده لذلك ماجنه نساهم بعمليه مداهمات ماعدا اخير وحده وبسبب خطا تصوبت وصديقي راح مني الله يرحمه المهم انشالله خلال ايام وبالاكثر اسبوع نقوم بتسليم ابو جحيم للعداله شكرا الكم تكدرون تتفضلون وشي ثاني يا حضره الضباط اهم شي السريه التامه والي يطلع السر راح يوصلني حتىً اسمه الثلاثي ذكائي اكثر من ماتتصورون تكدرون ترحون طلعو وانه عيني ع اخوي احسه عنده مليون سوال كلت بعدين اجاوب عليهن هسه بقينه انه والامر
اللواء احمد : احسك عندك غير ثاني غير مجرد ماعرفت هذا ابو جحيم
علي: سيدي الوضع اخطر من ماتتصور يرادلنه خطه كلش جبيره حتى نكدر نلزمه متلبس بس دافكر شلون تصير
اللواء احمد : كول شنو الاكبر
علي : سيدي ابو جحيم اخوي الجبير عابد
احمد : وكفت ع حيلي وكتله شنوً
علي : اي سيدي راس الحيه كبالنه وقريبه من عدنه وماكدرنه نعرفها اذن شكد جان مخطط و متكتك  ماتكلي
احمد : صحيح وشناوي تسويً
علي : العداله لازم تتحقق ولو احنه حتى لونخلص مو ابو جحيم راح يطلعنه الف واحد ثاني غيره
احمد : صحيح يلا روح ارتاح ماريد احد يشك بامرك واذا تريد تاخذ اخوك اخذه فهمه لان مبين ضاع باسئلته
علي: تمام شكرا سيدي
جيهان : طول مايحجي وانه عقلي احسه نضرب بشي كلش قوي خلاني دايخ لدرجه  مو معقوله ورا ربع ساعه طلع وكالي
علي : تعال وراي جيهان
جيهان : مشيت ورا وصعدت بالسياره حتى نسيت انه بدلتي العسكريه كبل نزل  فتح صندوق السياره وطلع منه بدي وكلي لبسه ماريد احد يشوفك بالعسكري اخاف عليك المهم  بدل وصلنه للبيت وشاف المكان الي كاعد بيه وبعده بوجهه ميت علامه استفهام كتله شبيك جيهان ليش صافن
جيهان : علي شنو ديصير شنو علاقتك بالمجرمين وشنو نقيب وشنو قصه ابو غضب
علي : ضحكت هسه تعرف اصلا اللواء احمد كلي اخذك وياي حتى ماتبقى عندك اسئله انه دائما اتصرف بحكمه وحذر وافكر مليار فكره قبل لا اتحرك خطوه كل شي محسوب عليه لحد هسه محد يعرف وجهي بعالم الاجرام وضروري نلكه خطه نكض بيها ابو جحيم متلبس تمام
جيهان : تمام سولف
علي : اسولف اسولف خلي اروح اغسل ترا تعبان جيهان حس بيه شخبار اهلي امي
جيهان : كلهم زينين والبنات هم وروح هم
علي : ابتسمت من ذكر اسم روح
جيهان : تحبها صح
علي : بالبدايه خلي اسولف الك كلشي من البدايه الى اليوم ونوب اجاوبك هسه راح اروح اسبح وابدل وانزلك اي شي تريد يمك تمام
جيهان : ضليت افتر بالبيت كلشي بيه يدل ع وجود كباريه يعني الاثاث ادوات الاكل كلشي بيه يدل ع الترافه بس اخوي حيل بسيط اشوفه حيل بسيط فوك ماتتوقعون يعني ملابسه تصرفاته عطفه صحيح عصبي وشكله يبين هوه مجرم المهم ورا ربع ساعه نزل وكعد كبالي وكال
علي : جاهز تسمع
جيهان : جاهز طبعا
علي : انت جنت صغير حيل لمن بديت اشتغل وعفت مدرستي جنت بوقتها سادس اعدادي ابوي تعب ومصاريفنه كثرت قررت اعرف المدرسه واشتغل طبعا بهذاك الوكت طبعا كلنه جنه نشتغل وراها من شتغلت حمال بلسوك تعرفت ع ابو فاضل الي هسه تجيك سالفته دخلت ويا بالشغل وراها بفتره قليله جاب صديقي سعد وهم تجيك سالفته ضلينه نشتغل بذمه وضمير وبكل جهد مركزين بس ع الشغل ماكو شي ثاني بحيث من جربنه واختبرنه المالك عده مرات قرر يزيد يومياتنه وفعلا زيده وضلت الفلوس تصير عندي هواي بحيث حتى حياتنه صارت احسن شوي شوي اخذ ويا سعد وبده يشتغل ويا بشغل خاص من شافني وشاف امانتي وثقته بيه كبرت كال خلص علي اريدك وياي بعالمنه وراح تكض التراب يتحول ذهب قبل هالفترا وقبل لاياخذنه اجه امتحان للطلبه للصف السادس خارجي وبوقتها امتحنه انه وسعد والحمدالله نجحنه ثنينه وراها مادخلنا للجامعه وكملنه شغل واخذه نوب فكرت بكلامه كلت هم اخلي اهلي يتحسن وضعهم ماجنت ادري وين رايح وشنو العالم كل الي فكرت بيه اهلي وضعهم يتحسن رحت ويا وبدت مسيرتي وياهم جنت بالبدايه ماتقبل شغلهم بس بعدين تعمقت بيه وصلت مرحله كرهت روحي وكرهتهم ماريد اشوف وطني وبلدي ينهدم طبعا جنت انطي بس افكار وطول هالفترا ماسويت اي تسليم او رحت اي موقع وابو فاضل اسمه ابو الهاشم الي هوه يدير كلشي من بعد ابو جحيم وتقريبا جبيرهم كلت لازم افيد وطني بشي رحت قدمت ع الكليه وعرفو وضعي طول الثلاث سنين انه اروح بالخفاء بحجه مسافر واقدم ع اجازه طويله ماشكو بالامر لان ابو الهاشم عنده هواي ثقه بيه وخلصت وتخرجت برتبه ملازم وضليت اساعد الحكومه  بكلشي  بس بصوره مخفيه بحيث محد يعرفني غير اللواء احمد حتى من اروح اروح ملثمم لان جانو اي ضابط يعرفون بيه يدور وراهم يقتلونه وتدري الداخليه بيها هواي اشخاص يشتغلون موبصالحهم ويدورون الفلوس مايفكرون بالوطن ولا بابن الوطن يعني خونه ويكونون تابعين للفاسدين موبس رتب صغيره هم رتب جبيره ضليت اشتغل بذكاء وهواي كدرنه نلقي القبض ع بعض المجرمين بس للاسف ماعترفون ع الزعيم مالتهم وضليت هيج وي الشرطه واروح واجبات سريه كلش بحجه مسافر اربيل مصر البصره وخصوصا بيوم تسليم البنات اثناء البيع وانت جنت واحد من الضباط الي وياي بس ماتعرف عليه لان ملثم وانه اعرفك اخوي من اول يوم دخلت عسكريه وتخرجت واذا تسال شلون صرت نقيب بسبب الترقيات الي اجتني من الامر وصرت نقيب واذا حليت هاي القضيه راح اترفع رائد واللحك جماعتي المهم اثناء ماجنت راجع من مهمه تسليم ومشاجره مع الشرطه وكفت ع الجسر اشم هوه وسرحت بذكرياتي وي اهلي وناسي وشلون عرفوني بعد فترا وطردوني واخواني طردوني بس امي ضلت تبجي وابوي واحد من الاشخاص الي طردني وكال متبري منك توكلنه فلوس حرام وفزيت ع اتصال من صديقي صراع الي هوه نفسه سعد بعالمنه كل شخص اله اسمه وانه ابو غضب محد يدري بيه علي غير ابو الهاشم شغلتي معقده ومتداخله بعض كلي وصلت مجموعه بنات ولازم تحضر وبالليل عدنه حفله رجعت وشفت البنات وجانت بينهن روح الي سحرت عيوني بشكلها رغم لسانها طويل ومتبري منها وتعدت الايام وكل يوم يزيد خوفي عليها وتعلقي الغير مفهوم غيرتي الزايده كله ستبعدته يكون حب لان بعالمنه ممنوع الحب وانه اشوف كبالي صديقي طاح بحب تقى ماكدرت امنعه بعد قبل شهر تقريبا ندك الباب واجت تاج وبوقتها جانت مضلومه وسولفت الجهان كلشي عن تاج وشلون نضلمت وهوه نقهر عليها وعليه بالاحرى وكتله سالتني اذا تحب روح اي جيهان موبس احبها احسها مخبوطه وي روحي احسها بنتي اختي صديقتي وحبيبتي احسها وحده مني احسها مخلوقه من نفس جسدي بفترا قليله سيطرت ع عقلي وتفكيري وقبل لا اجي كتلها احبج وهسه هم بس خوفي عليها بعده ابو الهاشم بعده يدور عليها ويريدها باي طريقه لحد مساع العصر كلي جاي ادور عليها وصراع تدري باخير تسليم متفق وي الشرطه تصوبني بس ماجان بالحسبان يكون موت صراع كبالي والحمدالله وهاي كل القضيه
جيهان: يسولف وانه اسمع ومنصدم من كل كلمه يكولها والاكثر من عرفت قصه تاج وحلفت بداخلي اخذ ثارها من اخوانها واحد واحد واكسر اديهم الها بس ستوقفني صوت علي وهوه يكول
علي : واريد اكلك شي ويبقى بينه اليوم رحت وشفت ابو جحيم وعرفته منو الي شفته خلاني مصدوم واحس كلبي راد يوكف من الصدمه الشخص المستحيل يخطر ع البال الي ماذي الناس وماذي شباب وطنه يا جيهان
جيهان : منو علي قلقتني
علي : اي شي حجينا يبقى سر لان صراع الي هوه صراع مايدري شنو طبيعتي انه
جيهان : اكيد بينه اخوي انته قبل كلشي
علي : ابو جحيم عابد جيهان
جيهان : حجاها وفتحت عيوني من صدمتي كول غيرها علي
علي : صدكني جيهان انه بنفسي مامستوعب يعني هالكائن نفسه ابو جحيم شلون ويمته صار مادري
جيهان : مادري ياعلي شغلته تحير زين يمته كدر يلم هاي الثروه كلها
علي: حسب معلوماتي عنه ومن ابو الهاشم يكول جان الذراع الايمن للباشا الجبير كلش ومن مات هوه استلم كلشي وصار الكل بالكل الي لازم نعرفه منو الي وصله يم جبيرهم الي مات وليش محد من اولاده اتبع طريقه هاي مسوليتك تجمعلي كلشي يخصهم راح ازودكً باسمائهم قبل لا يصيرون باسمائهم المستعاره
جيهان : تمام بس شلون تعرف
علي : افا صارلي سنين وياهم وتكول شلون خليها عليه بعد اخوك
جيهان : بس لازم يتعاقب عابد ع كلشي سوا
علي : اكيد بس خايف خاف جار ويا اخوتي الباقين لان شفت حالتهم شلون تحسنت بالسنوات الاخيره
جيهان : صحيح فاتتني هاي
علي : ماريد اي شي يفوتك جيهان اريدك مصحصح وياي تمام لوموتمام 
جيهان : تمام ابو غضب
علي : تمام ههههه
جيهان : وشراح نسوي
علي : هسه تروح لشغلك وانه راح ارتب كلشي يخصني وخطه مدروسه ماريد شي مخربط ماريد انكشف ولا يصير بيه شي ولا بيكم يلا روح مع السلامه
جيهان : مع السلامه خوي خليت وطلعت وانه افكر بكل كلمه كالها الي علي وفكرت بعابد مستحيل هذا اخوي واجت بالي تاج وروح وتقى الي وحده قصتها اتعس من الثانيه بس ماطول موجود انشالله حقهن يرجع الهن خليت ورحت دوامي ومرت الايام وعلي ماله اي حس وبالي يمه بقى معقوله صاير شي والايام الي مرت صارت عشر ايام بالتمام وعلي بالي يمه كلت خلي اروح اشوفه قبل لا انزل للبيت وصلت للبيت يم علي دكيت الباب دكيته فتحه علي وهوه صاير عصبي نار كتله شبيك رد عليه
علي : راح جيهان ويوم يجر يوم يوميه احجي وي امي واطمنها وكتلها جيهان كلشي عرف تعبت من سري وحدي وهيه كالت ميخالف يمه وجنت اسال ع البنات بس امي تعرفني رغم سنين بعيد عنها ودوم تجاوبني روح زينه يمه تسلم عليك وانه اروح لغير عالم بديت اشتغل بسكات عليهم وعرفت اسماء الكباريه قبل الزنكنه والفلوس وضطريت انه اتحرى عنهم ماريد اخوي يدخل بمشاكل وعرفت انو الي اخذ مكانه ابو جحيم الي هوه اخوي مع الاسف اخوي هذا وما اتشرف بيه ابد عرفته انسان عاش ومات بعين الناس فكر ماعنده ولا ربع ومخلي اولاده بجوع وعايشين بيت بس شبه خرابه تفاجئت وكلت معقوله هيج الناس دنيئه تلعب بالفلوس واهلها ناس فقره ومن كعدت يمهم وسالتهم عرفت انو ابوهم راح وبعد ميدرون عنه شي الضاهر ميعرفون بيه ميت بجرعه زايده من المخدرات والكحول الي ياخذهم المهم سلمت عليهم وكالو ترا هوه كل مرا هيج يجي عشر ايام ويختفي شهر شهرين بحجه يدور شغل سلمت وطلعت وعرفت انو المكان البيه انه اخطر من تصوري واعتقاداتي بلغت الامر بوقتها بكلشي صار وتعدت الايام ومازلت اخطط لكلشي وكلشي احسبله حساب وكلت وينك ياصراع تجي وياي بدونك كلشي ماعرف اسوي اخ يا يمه صارت الايام عشر ايام كعدت ع دكه تلفون من ابو الهاشم
ابو الهاشم : الو
علي : ياهلا باشا شلونك
ابو الهاشم : هلا بيك علي شلونك انت وين مختفي يا عمي
علي : تدري بالوضع بعد باش
ابو الهاشم : انطيني البشاره علي
علي : خير باشا
ابو الهاشم : روح
علي : وكفت ع حيلي وعيوني بيها شرار صار كتله شبيها باش بس بين ع صوتي الرجفه من العصبيه
ابو الهاشم : صار الي صار ودريت همه كاعدين بيت بشمال البصره بمنطقه ال* ومابقى شي وتصير بين اديه
علي : ليش مابلغتني قبل لا تتصرف باشا جان عرفت شلون اجيبها بدون هوسه
ابو الهاشم: تدري بيه ماتحمل بعد
علي : احس عقلي راح يوكف من العصبيه سديته منه وضليت اتصل اتصل اتصل  على امي مغلق مابيه شبكه جهازها الضاهر بقيت بقلق شوي وصل يمي جيهان فتحتله الباب وكتله ولك جيهان لكه مكان روح لكا مايسكت منا لمن يوديها بمصيبه لك جيهان اتصل ع امي مغلق دزيت ناس اعرفهم يرحون يحمونهن البنات ويغرون مكانهم ومنتضر اتصال تعده الوقت وصارت الدنيا ليل وخبر ماكو صارت الساعه 8 بالليل واتصلو عليه رديت وجان يكولون ..........

........................./////////////
لهنا انتهى البارت اتمنى ينال اعجابكم