سراديب

البارت الثالث عشر

البارت الثالث عشر

الحط روحه ابدلو صح وصل بس مشروب
والظل عايش البالبير متشبث
واصعد..  وآنه اگلك لا تظل بالبير
بس بغير كهفك دوم لا تلبث
ودَوّرلك عذر للماتريده يروح
تره كلشي البوكتك عالفراگ ايحث
*******************************

روح : جنت متاكده فرحتي ماراح تستمر بوجود علي بحياتي كاعدين ورا ماخلصنه عشه بالليل يم خاله ومانشوف الا الباب تفلش شويه وندفع كل قوته وماشوف غير ملثمين لابسين اسود باسود دخلو فلشو البيت وكسرو الاغراض وحتى اطلاق رصاص طلقو  حسيت كلبي راح يوكف من الخوف واباوع ع خاله. والبنات مايختلفن عن حالتي بوقتها تمنيت علي يطلعلي ضلو يصرخون وين روح منو بيكم روح من خوفي كتله انه شو هذا اجه هجم عليه كل قوته وخله ايده ع حلكي مادري شنو جان بيها وراها ماحسيت بشي ابد .
تاج : بعد ماصارت الاحداث كلها وموت صراع وروحتهم للدوام كاعدين بالليل ودخلت عصابه علينه الخوف الي حسينا بوقتها ماممكن اشرحه بالبدايه عبالي اخواني لزموني بس بعد مافلشو الصاله كلها وضربو حتى طلق رمو ع الحايط وضلو يصرخون وين روح وين روح اباوع عليها اريد اكلها لاتحجين من خوفها كالت انه انه اشو هذا اجه كبل وخله ايده ع حلكها ماشوف غير طاحت بين اديه شالوها ضليت اصرخ اصرخ رحت وراهم انه وتقى دفعوني اباوع ع خاله وجهه حيل نخطف خفت عليه بوقتها اخذوها وكعدت الطم الطم الطم ع روح وتقى اسوء من حالتي
تقى : لج تاج شنسوي ولج خذوها تاج
تاج : ماكو غير هذا الكلب ابو الهاشم
تقى : لج خابري خابري ع علي خابري
تاج : ضليت اتصل اتصل ع علي ماكو شسوي لج مايرد كالت خابري ع جيهان رجعت خابرت عليه مايرد هوه لخ رجعت اتصلت عليه رد بسرعه كتله علي اللحك علي روح خطفوها علي كبل سده بوجهي وكعدنه وخاله رتفع  ضغطها شوي وشوي ودخل علينه مصطفى شاف الوضع
مصطفى : يوم عن يوم اعجابي يزيد ب روح وحيل دخلت كلبي لدرجه اريد اخذها بس الي اريدها بس تصير الي مرت الايام وانه يوم عن يوم ماعبالك صارلها شهر يكول صارلها عشر سنين المهم كاعدين وماسمع الا صوت اطلاق نار طلعت بالشارع اركض اشوف شنو مصدره واخواني وياي هماتين ابوي مسافر بوقتها ماهوه كال عندي شغل بغداد اشوف ملثمين وجارين بنيه من بيت بيبي الدنيا ضلمه ماكو كل ضني هاي تاج لان عرفت قصتها من روح وتقى وهيه هم حجت شويه ركضت دخلت لكيت الاغراض مطشره وشق مكسر وغير الرصاص الي بالحايط باوعت تاج وتقى وبيبي روح ماكو كبل صرخت تاج كالت مصطفى اللحك روح خطفوها مادري شنو احس بوقتها وشنو صارلي يا الله احس الدنيا صغرت بعيني كلش اخ ياروح كتلهم ماشفتو احد كالت لا ملثمين نطيتو خبر لعمي علي وجيهان كالت اي ضليت كاعد ع نار لمن ورا ثلاث ساعات اتصل عمي علي وكال
علي : وصلني اتصال كبل رفعت خط جانت تاج كالت روح نخطفت علي كبل سديته احس نفسي ضاك وعصبيتي صارت كلش هواي كتله جيهان ابو الهاشم اخذ روح انه متاكد هوه
جيهان : شراح نسوي هسه
علي : كلبي ضل يفور يفور عليها اخ يا بنت كلبي شلون حالج هسه والله ياجهان اذا مااخذ حقها من عيونهم ماطلع ابو غضب يصير خير ضليت اجي منا واروح منا وجع براسي زاد
جيهان : اشوفها مثل الاسد يفتر عليه وجهه صار احمر كتله بس علي لايرتفع ضغطك
علي : عسا مانزل لك جيهان هاي روح تعرف شنو روح اذا صار بيها شي ماخلي شبر صاحي والله لاحركهم كلهم ببيوتهم واهلهم لك اموت تعرف شنو اموت تعرف شنو احساس شخص يحب واحد وياخذو حتى يبيعونه تعرف لولا لك جيهان
جيهان : اهدا العصبيه ماتجيب نتيجه خلينه نفكر شويه ودك تلفون
علي : ابو الهاشم اتصل خل اهدا وارد رديت الو
ابو الهاشم : هلا ابو غضب انطيني البشاره روح بعد ساعتين تصير يمي
علي : كفو منك ابو الهاشم وين راح توديها
ابو الهاشم : والله مكاناتي هواي عود بعدين انطيك خبر بس حبيت ابلغك وماتبقى عندي هواي كلها يومين وابيعها وبيها خير من الله فلوس بس شنو اضوكها اول
علي : هوه كلي هيج وانه اشيل روحي واركعها بالكاع احس خلص بعد ماعندي صبر اخلي طلقه براسه وانسه كلشي
ابو الهاشم: علي وين صرت
علي: حلالك باش يلا اذا وصلت وخليتها مستقره نطيني خبر
ابو الهاشم: هسه انه طالع للبصره من ارجع يصير خير الله وياك
علي : بلحضتها حسيت روحي ولاول مرا ضايع مادري شسوي مادري وين انطي وجهي حسيت روحي عاجز كتله جيهان اذا مس شعره منها اذبحه والله اذبحه اخ راسي وين يكون مخليها كل مخابئه اندلهن خليني انتضر ساعتين واشوف بس والله جيهان ماطلع علي اذا احساسي مو بمحله
جيهان : اباوعله شلون محترك كتله شنو حساسك
علي : ابو الهاشم دره احنه مشردينهم والله
جيهان : شلون عرفت
علي : كل تحركاته حافضهم ع كلبي ماطول تصرف بدون علمي ف كول هذا يعرف بيه انه شردتهم وحتى بيت اهلي يندله
جيهان : شراح نسوي
علي : مثل مكتلك ساعتين واطلع ادور بكل مكان اندله ضليت كاعد ع نار مادري وين اروح وشسوي ماصدكت الكه الانسانه الاحبها وينك ياصراع وكتك تسوي بيه هيج اخ بس لوانت موجود طلعها الي مجوه الكاع
جيهان : الله يرحمه
علي : ضليت ساكت مادري شكول بس فكره تاخذني وفكرا تجيني صارت كبالي مزهريه فلشتها من عصبيتي كضيت البيت كله كسرته تكسر وجيهان يباوع عليه تعدن الساعتين وصارت عبالك سنتين من كد ماطوال طلعت ركض وياي جيهان كتله روح للمركز انت جيهان خليك مستعد اي حركه انطيك خبر تجيني ضليت حاير وين ابدي وشلون اول مارحت لبيته دورته من فوك ليجوه حتى سردابه الي جوه الكاع دورت عليه طبعا هذا السرداب من ايام الحرب قبل بيت ابو الهاشم طرازه كلش قديم قبل حتى صدام ومتوارثه بس رغم قديم حلو وحيل انتيكا وهم يصير باطراف بغداد فسرداب هذا مرات البضاعه نخليها بيه المهم طلعت ع كل الاماكن الي ممكن الكاها بي وماطحت بيه وين وديتها وين ابو الهاشم وين وديتها اخ كلبي احسه راح يطك من الوجع حتى للمخزن الي بالهيمه (يعني صحراء) اي منطقه مقطوعه رحت عليه ومالكيته طلعت كعدت ع الارض وصرخت كل قوتي وينج روح روووووووح
روح : فزيت لكيت روحي بمكان اضلم وريحته كلها رطوبه واديه مربوطه ورجليه واباوع لرجلي مجروحه وتصب دم مادري يمكن مضروبه ضليت اصرغ اصرغ اجه واحد كال وسم نصي صوتج مانريد ازعاج وسدي حلكج يلا كام وربط حلكي ضليت بس ابجي وادعي الله يطلعني من هاي المحنه الانه بيها اخ علي ويينك ساعدني علي ساعدني علي دعيت الله هواي وبجيت مادري بيش الساعه او شنو هسه نهار ليل مرت فترا طويله كلش ونفتح الباب وجان اشوف ابو الهاشم
ابو الهاشم : حي الله حبيبه كلبي الورده الي ماجت برضاته راح تجي غصب عنها
روح : تقرب مني وفتح حلكي كتله وين انه الله يخليك عمو لاتسويلي شي والله مو من هذن البنات الله يخليك عمو
ابو الهاشم : تدرين عمو كسرتي خاطري بس مع ذالك البيعه راح تم فتهمتي وراح ترحين بعيد
روح : حيل خفت كتله ماتخاف الله انت ماعندك بنات الله يخليك وين انه افتح اديه ياذني
ابو الهاشم: انتي هسه بالبصره حبيبتي ماردت اخذج البغداد لان منا راح نبيعج وطلعين ع طريق البر وترحين بعيد
روح : وين توديني
ابو الهاشم: بعدين تعرفين حبيبتي
روح : ضليت ابجي باعلى صوت وهوه مايحس كتله الله يخليك لاتبيعني شنو سويت الك
ابو الهاشم: هسه عوفج من هذا الحجي اهم شي اضوك العسل البيج
روح : لك انت ماتستحي خايس ساقط حيوان والله اذبحك اذا تقربت مني صرخت عللللليييييييي
ابو الهاشم: مايفيدج صريخج انه طالع وع فكره هسه دنيا صبح يعني سدي حلكج مانريد دوخه وعندي شغله ساعه وارجع
روح : راح وخلاني وسط حيرتي وانه خايفه يسويلي شي يا الله اسمع مني انه يتيمه ماريد اتاذه ماريد يصير الي شي فدوه اروحلك ربي اسمع مني موتكول اما اليتيم فلاتقهر قهروني يا الله ساعدني احلفك بشكو كتاب انزلته بقيت ابجي ابجي ابجي الى ان نفتح الباب واجو جروني مادري وين راح اروح اخ عوفوني عوفني وهم رجعو نيموني وماحسيت وراها ع شي الا لمن .........
علي : ورا ساعه خابرت تاج كتلها ماهيه تاج انتضروني ماخليها والله انبش لكاع كله نبش واطلعها من جوا ضليت تبجي وسدته وانه مادري شنو حال امي هسه ضليت ع نار وانه ادور ادور ادور عليها ماطحت بيها صار الفجر والصبح وجيهان كلساع يتصل عليه يريد يعرفني وين حتى يجي وامنعه وصارت ساعه عشره الصبح خابرني ابو الهاشم
ابو الهاشم: صباح الخير علي
علي : هلا باش صباح النور شلونك
ابو الهاشم: كالو جنت دور بالمخازن مالاتنه خير
علي : حتاجيت البضاعه الي ردنه نوصلها اخير مرا
ابو الهاشم : اي سلمتها خليت معتز ياخذها
علي : ها مانطيتني خبر
ابو الهاشم : ابو غضب انت شغلك صاير مادري شلونه
علي : لا باش انه وياك ع الخط مستحيل اخربط بس تدري مصالحنه الباقيه لازم امشيهن ماريدهنً يوكفن
ابو الهاشم: ابو جحيم زعلان عليك
علي : افا ليش
ابو الهاشم: يكول شلون راح بدون ماشوفه باخر مرا
علي : صار عندي شغل ضروري كالو الشرطه هاجمه ع المخزن الي بال * ورحت اشوفه
ابو الهاشم: تمام نسيت اكلك ترا روح يمي بالبصره وانشالله ساعه ويجون ياخذونها ماراح اسويلها شي بس انت راح تستلم الفلوس من بغداد تمام
علي : سمعت اسمها واحس الدم وكف بعروكي من العصبيه حسيت الوقت دخل بعداد الساعه حسيت عمري قل سده وانه ضليت حاير بالبصره وراح يبيعها بعد ساعه اخ روح وينج وين اطيح بيج اتصلت ب جيهان كتله هيج وهيج ضلت يصيح وين انت كتله طالع للبصره انعل ابو الفلوس لا بو خيرهم كال جاي وراك سديته وركبت سيارتي وطرت بيها بالبصره بس مشكله ماراح اوصل بساعه احس روحي اريد اطير بلكي ويصير شي ياخر البيعه اخ ياروحي المفروض ماخليج بيتي المفروض اخليج بكلبي واقفل عليج وين اطيح بيج هسه صدك حسيت بروحي عاجز بعد ماكدر وماعندي طاقه تحمل خلص ضليت ع نفس السرعه وازيد عليها بثلاث ساعات وصلت للبصره اتصلت ع ابو الهاشم وفعلا دلاني مكانه بس صوته جان موطبيعي مادري شبيه رحت عليه وجان اشوفه كاعد وعيونه حمر واحسه منكسر دنيت عليه كتله شبيك ابو الهاشم شصايررررر وين روووووح
ابو الهاشم: راحت بعتها نطيتها بيدي
علي : لك احجي منو خذاها منو احجي وشبيك هيج وينك احجي
ابو الهاشم: الولد سلموها ومادري شي عنها بعد طلعت ورجعت لكيتها ماكو ياريت اموت اخلص لك علي روح بنتي بنتي علي بعت بنتي بيدي
علي : نصدمت بنتك شنو احجي بنتك شنو كول اسمعك سولف المن بعتها لك احجي
ابو الهاشم: الكاسر ضهري ردت اغتصبها وهسه طلعت بنتي الجنت ادور عليها من 15 سنه بنتي العفتها بطن امها من هيه وعمرها شهر واحد بس علي ساعدني قبل لايصير بيها شي علي
علي : بقيت حاير شيحجي هذا وشنو بنته شنو عافها ومنين عرف حسيت روحي بدوامه لمن حجه وكال
ابو الهاشم: هسه اكلك منين دريت وعرفت كتلها راح اروح ساعه واجي جاي امشي بالسوك وجان اشوف خالتها الاسمها وداد باوعت عليها ماعرفتني شويه واجت وكفتني كالت سلام اي انت سلام وينك وين رحت صارلك سنين واختي ماتت بسببك حسبي الله ونعم الوكيل كل ضني بعدها عايشه حبيبه كلبي سلسبيل كعدت انه وياها وياريت ماكعدت
وداد : من اخير مشكله صارت ويانه واجت المرا تخطبها وضربتها انه احب روح بس هيه لسانه طويل ومتبري منها خفت عليها من نفسي حيل احبها بنتي الماجبتها بس ماجنت ابين حبي الها وجنت ادري ابني الادبسز يتحرش بيها بس ماجنت انطي بيه لان ماريد ابينها هيه ع حق وبيوم الخطبوها وضربتها كعدت ثاني يوم مالكيتها ومالكيت ملابسها ضليت ادك واللطم واكله كله منك يا ساقط كله منك انت الي طفشتها من البيت للاسف ماعرفت اربي الله ياخدك انشالله وافتك منك بقيت ع هالرنه بالشهر ابجي واون وادور ماضل مكان مادورت بيه روح بنتي الي ربيتها امانه اختيً سلسبيل شلون هيج فرطت بيها والشهر جر الثاني وانه بعدني مافاقده الامل معقوله نخطفت هواي اسمع عن جرائم اختفاء ضليت  بدوختي الى ان يوم شفته اي شفته الخرب حيات اختي وراح العافيها وبطنها روح مادري شنو ذنبها ولذلك قررت اختي سميها روح اذا صارت وجانت دايما تكول بيه بنيه موولد وانه اكلها يا خيه شدراج اختي جانت كل حياتي وماكدر من دونها وفجئه بسرعه بسرعه راحت لان خافت جيب بمستشفى حتى لايطالبون هويه ابوها وراح احجيلكم قصه اختي اختي اسمها سلسبيل اختي اصغر مني بعشر سنوات  بذاك الوكت جان عمرها صغير موكلش جبير جنه عايشين بغداد ايام الخير وزمن صدام اختي مواليد 80  يعني صغيره وحتى من ماتت ماتت شابه بوقتها جنه كاعدين بمنطقتنه انه جنت مخطوبه ساعتها وع وشك زواج صحيح تزوجت عمري 20 سنه بوقتها جان عمرها سنين تزوجت وسكنت قريب عليهم بوقتها هيه عمرها 15 سنه بالضبط صار عندي ولد هالحجي بال95 وراها كلما اروح اشوف اختي صافنه وبغير عالم اسالها تكلي ماكو شي اخير شي كضيتتها وكتلها هالحجي بدايه 96 كالت سمعيني وداد انه احب ابن جيرانه سلام وموبس احبه اموت عليه ويريد يتزوجني لان صار بينه شي وهالشي خطا وجان عن فقدان للشعور وداد انه انطيته نفسي الله يخليج لا تحجين شي والله ابوي يموتني وامي هم تموت لج انتي شسويتي ماتفتهمين بوقتها ضليت اضرب عليها اضرب بس هيه تكول يحبني وفعلا اجه وخطبها وهالشي ريحني وراها كامت تحس بدوخه ولعبان نفس هالحجي بشهر الثاني من سنه 96 شكيت بيها حامل خصوصا وجهه بده يتغير وصلت خبر السلام بحملها وكال اني اتصرف بوقتها جان حيل مشغول ومادري شنو عنده سفره كثر للبصره وبيوم اجه لبيتنه وكال الي
سلام : وداد اريد منج خدمه
وداد : كول عيني استاذ سلام
سلام : تاخذين سلسبيل وترحين للبصره ماكدر اتزوجها هسه الله يخليج شتردين انه حاضر بس كولي هسه كلش مشغول وعندي سفر للخليج ماكدر
وداد : ع بختك سلام وين تروح وتعوف اختي بهالحاله اتزوجها يلا تروح شكد ماجنت اكرهه زاد كرهي اله كتله مااخذها
سلام : لا ساعتها راح تاخذينها وغصب
وداد : خله وطلع ومن يومها نكطعت اخبارها طبعا جان عدنه اخ واحد ومتزوج وتوفه بحرب التسعين بس بقت مرته ولده يم امي وابوي اني وقتها ضطريت اروح البصره اعيش وبحجه تساعدني اخذتها وكل شهر نطلع حجه شكل الى ان وصلت لشهرها وهنا جانت المصيبه لحد هسه سلام مفقود وماندري عنه شي لا ادري ميت ولا ادري عايش وصلت للولاده وكل مرا تكول البطني عافها روح وسميها روح اختي سلسبيل جانت عنوان للجمال مثل اللوحه والله ابدع برسمها شكد ما روح حلوه من كبرت امها جانت احلا منها بس يشابهن سبحان الخالق اخذ روح وخلاها بجسد طفل صغير بالولاده ماتت بس قبلها حيل وصتني دخل بحاله اسمها كابوس النسائي وهالشي مثل ارتفاع الحراره والمرا ضل تهلوس ومرات تدخل غيبوبه بس اختي متحملت وانطتكم عمرها ضطريت اسميها باسم رجلي طبعا اهلي درو بيه انه حامل مواختي سلسبيل بس من توفت ماجنت مقتنعه ولا جنت مستوعبه وشراح اكول الاهلي وبوقتها كلتلهم كلشي ومابطل ابوي يدور عليه الى ان مات بوقتها صار عمر روح خمس سنين وبدت تصير حلوه يوم عن يوم الى ان كبرت وانتم تدرون بالسالفه بعد الباقيه وبيوم جان امشي وشفته اي هوه شفته الحيوان الي دمر مستقبل اختي ودمر شبابها وخلاها تروح وهيه بعمر الورد الله لايوفقه كعدت وسولفت اله كلشي يخص روح وكتله اي شي يصير بالبنيه بسبتك وحتى صورتها راويتها اله  لان جنت اشيلها وياي حتى اي شخص اشوفه اساله عليها من نطيته الصوره وشافها نصدم وضل صافن ما ابدى اي رده فعل عافني وكام بعد ما ندل بيتنه وتفاصيل كلها كلي بعدين اجي حسيته يمشي مكسور ومادري شنو ورا وهالسنين كلها وين جان بس لو اطيح بنتي روح اصير بخير اخ يا حبيبتي بس تعاي والله لخليج بعيني وين ادورج بعد مو شيبتي كلبي ...
علي :بده يسولف عليه وشنو صار وشلون عرف ام روح وبعدين كل الي سولفته خاله روح وطاح بشر اعماله يعني هسه انت بعت بنتك من ضلت تتوسل بيك حتى ماتنطيها مارف كلبك  عليها جريته من ياخته
ابو الهاشم : اي علي اذبحني استاهل لك بنتي بعتها بيدي ولك روح بنتي وانه اكول شايفها شبهتها بحبيبتي سلسبيل وين اطيح بيها والله مستعد اخلي الشمس بيد والكمر بيد حتى سامحني
علي : وين وديتها احجي وين
ابو الهاشم : بعد ماشافتها ام هند ضلت تزن عليه وبيوم اجت كالت فلان تعرفه كتلها اي اعرفه شبيه كالت شافها بالحفله ومن يومها مابطل سوال عليها ويريد يتزوجها ترا مايريدها يوم لان كلش دخلت كلبه وعقله كتلها خليها عليه من جنت اكلك اريدها والي جنت اجذب عليك ردت  انطيها لام هند بس انت ادري بيك شردتهن ونطيتك ع مايك ادري بيك تخاف عليهن وتحبهن لان بريئات والدنيا ما لطختهن وتابعت الامر بس اخير شي ام هند كالت الرجال راح ينفذ صبره وياذيكم يريد هالروح موشلعتو كلبي ضطريت اتصرف واخذتها بطريقتي صحيح جانت موصحيحه وشفتها. هنا وهيه تتوسل بيه وتبجي وتريد بس اساعدها ومارف كلبي عليها
علي : ضل يبجي لاول مرا اشوفه مكسور كتله تستاهل خلي اطيح بيها بس تحلم شوف اضفرها
ابو الهاشم: وديت عليها ناس وراح يجيبونها انشالله اللحك عليها بس هيه صارله خمس ساعات من راحت احتمال وصلت لبغداد
علي : سحبت سويجي والنوم ماضكته صارلي يومين وكلبي يحترك يمكن خلصت تسع باكيتات جكاير وحده ورا الثانيه احس دمي يحترك مو الجكاره مشت سريع وانه ع اتصال وي جيهان كتله حضر كلشي وحضر القووه اول مااوصل راح انطيك خبر تجي والا اخليهم يخيسون بالسجون ولد الكلب يصير خير سديته منه ومشيت كل سرعتي حتى اللحك
روح : فزيت وانه امشي بالسياره والطريق طويل والدنيا ضلمه دريت بعدين سادين عيوني من كثر المخدر الي نطونياه وصلنه ونزلوني سح عبالك حيوان عدهم ضليت اصرخ وابجي شمروني ع الارض وسمعت صوت بنيه تكله افتح عيونها فتح عيوني وشفت بنيه شايفتها من قبل بس وين مادري
ام هند : هلو حبيبتي روح شلونج موكتلج اجيبج بوقت قصير كلش انتي النه وهذا مكانج
روح : ومنو انتي
ام هند : نسيتي انه مو انه ام هند عيني
روح : باوعت عليها بقرف وكتلها تف عليج وع وجهج ادبسز فتحيني بس الا اطيح حضج حيوانه ساقطه عوفيني تقربت عليه وضربتني راشدي كل قوتها حسيت حراره نزلت من حلكي رجعت باوعت عليها كتلها كسر انشالله
ام هند: هذا الراشدي حتى تبطلين تسوي هيج وتصيرين متمرده من اليوم انتي هنا مالتنه اداه اتحكم بيها مثل ماريد فتهمتي
روح : كالت لهذا اخذها للمخزن فوك واشمرها تمام مابقى شي ويوصل الباشا فد نص ساعه وناخذها للبيت الثاني مانريد هنا ماعوزنه مشاكل من ورا هاي ام لسان جراني من شعري وداني كل قوته ودفعني  طحت بالارض ضليت ابجي ونهضمت حسيت صوتي راح من كد مابجيت وينك ياعلي ليش هيج عفتني انت سندي وحمايتي الله يخليك ساعدني علي ادري بيك جاي دور عليه حبيبي ساعدني يارب يتيمه وماعندي احد غير علي يدافعلي ساعدني يارب احميني يا الله بديت اقرا ايات قرءانيه ورا نص ساعه اجه نفسه هم جراني سحل حسيت شعري صار بيده ضليت ابجي بسكوت لان تعبت صعدني بالسياره وداني لبيت وفوتني الغرفه ودفعني طحت ع وجهي رجلي ضلت تصب دم زياده وانه الالم موتني كلت خلص وصل يومي بعد ماكو امل محد راح يساعدج روح انتهت حياتج انتي صرتي هامش محد راح يشوفج بعد محد راح يشوفج ضليت ابجي جاي امشي وشكل قميصي باكنتور ونشك عليه وايدي نجرحت تسندت ع الحايط وخليت راسي بين رجليه وانه مستمره ابجي وماسكتت وانه اتذكر حياتي وين جنت وين صرت لوماعايفه بيت عمتي احسن حتى وان اتحمل ضلمها والاذيه الي شفته هسه والتعذيب النفسي قبل الجسدي بحيرتي وبصفنتي باقيه الى ان حسيت صوت مشي قريب يم الباب بس مشيه احسها بهيبه وتقرب يم الباب غمضت عيوني حل وكلت يارب لطفك وعطفك عليه لاتنساني يتميه وع بابك يارب نفتح الباب رفعت راسي وجان اشوف ........

.............................../////////

لهنا انتهى البارت اتمنى ينال اعجابكم