سراديب

البارت الثامن عشر

البارت الثامن عشر

تعال افگدني لتخلي العذر مهرب
تراچي اثنينا وبس ننگطع نخرب  ..🥺

********************************

علي : صارت علينه مداهمه من الشرطه وانه لازم امثل عليهم ضليت ارمي بالهوه خفت اخويً يصير بيه شي واصدقائي بس وصلو مرحبه رادو ينهزمون  ابو الهاشم وابو جحيم خفت يضيع اثرهم وهذول تاخروا بالدخول جوه  ف اضطريت اتصرف رفعت السلاح عليهم وكتلهم نزلو اسلحتكم وركعو ع رجليكم بسرعه عصبت حيل صحت
ابو الهاشم: شبيك ابو غضب شهالحجي
علي : اباوع ع ابو جحيم صافن عليه كبل ذبيت اللثام
ابو جحيم: علي
علي : اي يا خوي علي الي اتهمته هوه حرامي وينتهك اعراض الناس علي الي كلت عليه كلشي يجي منه حرام طلعت انت الراس الجبيره بس هالمرا طحت بايدي ومتلبس وكلشي هنا مصور صوره وصوت
ابو جحيم : شجاي تحجي انته علي
علي : انه النقيب علي جهاد مو ابو غضب مثل مكلك ابو الهاشم
ابو الهاشم: طعنتني بضهري كل هاي السنين وانه مادري خنتني
علي : تستاهل خيانه حرامي ومنتهك اعراض لك انت بنتك ردت تبيعها هسه نزلو اسلحتكم بسرعه يلا وركعو ع رجليكم طبعا كتلت الحرس كلهم بحجه ارمي بالهوا بقو بس همه نزلو اسلحتكم
ابو الهاشم ؛ ماتوقعتها منك علي انت ايدي اليمنه وانه اكول شلون يعرفون ادق التفاصيل ثاري مربي حيه بيتي بحجه ايدي اليمنه
علي : انه اكول سد حلكك وانت عابد ماخفت الله كل هالسنين ليش هيج سويت ليش بس الي كعده وياك طويله بالسجن وراح اراويك منو النقيب علي بهالاثناء دخلو الجيش وملو المكان باثناء ماكضوهم كام عابد شال السلاح وجهه عليه وبدون رفه جفن ضربني حسيت شي حار نزل مني حسيت شي اخترقني واخترق صدري وكعت بالكاع وانه عيوني تغوش واشوف جيهان لزمه ونومه بالارض وخله الجندي ياخذه واجاني يحجي وياي بس ماسمع شنو يكول وغمضت من بعد ماتشاهدت
جيهان : علي لك علي افتح عيونك علي الله يخليك لاتخوفني عليك اسعاف بسرعه اسعاف لك مهيمن اسعاف شلته ع ضهري وديته للسياره حتى اللحك عليه وانه كل حيل مابيه الكلب الحيوان ضرب اخوي ولك هذا اخوك شلون تكتله بسيطه وصلت باقصى سرعه للمستشفى واخذو من عندي الاطباء وضليت كاعد اناطر اناطر الى ان ..

روح : بعد ماكعدت من الغيبوبه الدخلت بيها وضغطي استقر كتله وانه اباوع بعيونه انه اروح وي خالتي كالي براحتج وفعلا رحت وياها لبيتها وطول الطريق انه صافنه شراح يصير وياي هل ياترى خالتي نفسه هيه لو تتغير عليه وترجع مثل قبل ضرب وشتم وصلنه للبيت من بعد ساعه ونص طريق دخلت للبيت وانه اتذكر كلشي طفولتي وذكرياتي واذيتي وحتى يوم الطلعت
احمد : اي حي الله الاجت مادري وين جانت وهسه جايه بيا عين
وداد : ادبسز احترم نفسك لا اطيح حضك حيوان
احمد : والله انتي طيبه شوفي شسوت وهسه رجعتلج
محمد : ساقط هسه احط الحذاء بحلكك واعلمك شلون تحجي امشي اطلع برا اسف روح مسحيها بوجهي
روح : لاعادي خل يحجي شسويله يعني دخلت جوه للغرفه وتمددت وانه اتذكر كلشي مر ويا اي احبه بس مادري شلون كدرت ابتعد عنه احبه لدرجه روحي بيه انفاسي بيه غمضت عيوني وانه اشوفه بالحلم لابس ابيض ويكلي
علي : راح اشتاق الج حبيبتي روحي
روح : تقرب عليه بالحلم وخله ايده ع وجهي وفجئه باوعت للابيض الي لابسه صار عباره عن دم وكلي
علي : وعديني تحافضين ع روحج وماتاذينها
روح : كل هيج وابتعد ضليت اصيح اصيح علي علي لاتروح علي فزيت من لحلم وانه مرعوبه وشكل الدم الي ع ملابسه البيض وكلامه ضليت اللوب عليه بس احسن خليني هنا بيتنه يم اهلي واذا يريد يجيني موجوده انه قابل راح اطير تعدت الايام وكل يوم احس كلبي ياذيني ع فراكه احسه وي روحي مخلوط شما اوصف حبي اله قليله صحيح ياذيني ويضربني بس احبه ضليت الوم روحي ليش اجيت وعفته ليش اخ يا روح غبيه هسه طلعت محنه مالتج ع خالتج ماتفهمين تبقين ثوله اف مشت الايام وتذكرت تاج مطيتني رقمها بس حفضته ع كلبي رحت لخالتي طبعا خالتي طول هالفترا مداريتني تدري بوضعي وسولفت الها لصار وياي كله وضلت تبجي وتلطم كتلها خاله اريد تلفونج اتصل ع تاج
وداد : اي يمه تلكينه بلغرفه روحي اخذيه
روح : رحت اخذت التلفون وخليت رقمها من بعد ماعصرت عقلي يلا تذكرته دكيت وردت عليه من ثاني دكه كتله الو
تاج : الو منو
روح : انه روح شلونج شخبارج
تاج : هلا بيج حبيبتي عمري شلونج شخبارج شلون صحتج
روح : زينه شخباركم خالتي وتقى
تاج : زعلانه عليج انه كلش
روح : ليش
تاج : جامو تزوجت الغثيث بس كلمن بغرفه
روح : شوكت
تاج : امس والله وبعد كم يوم المحكمه مال اخواني
روح : الله يوفقج خيه انشالله يحكون بصالحج
تاج : امين
روح : تاج
تاج : كولي
روح : اااا
تاج: علي زين وبعده هنا هم ورا المحكمه يروح لبغداد عنده شغل
روح : احسها تعرفني قبل لاحجي انشالله يروح ويرجع بالسلامه هذا رقم خالتي دكي علي بكل وقت ماعندي شي
تاج : انشالله والباقين كلهم زينين لايضل بالج
روح : انشالله بلكي باجر اجي حتى اخذ ملابسي 
تاج : هلا بيج باي وقت
روح : مع السلامه
تاج : الله وياج حبيبتي
روح : سدته وانه كلبي كلما جاي ينعصر اكثر تعدت الايام واتصلت بيوم المحكمه ماردت عليه ردت اعرف شصار عليها وراها بايام همين اتصلت بيها وردت عليه ضايجه كتلها شبيج تاج صاير شي واحس كلبي يدك حيل
تاج : ماكوشي بس الولد سافرو لبغداد وكلبي يمهم
روح : ليش شصاير
تاج : مادري خيه بس من طلع جيهان حسيت اخذ روحي وياً
روح : الضاهر حبيتيه
تاج : اجذب عليج اذا اكلج لا تدرين بيه احبه من اول يوم شفته بس من كلي اختي ضوجني الله يرجعه بالسلامه بالمناسبه علي يسلم عليج هواي ويكلج ديري بالج ع نفسج
روح : من ذكرت اسمه حسيت عيني صبت دمع ضليت ابجي
تاج : شبيج روح
روح : ماتدرين بيه شكد مشتاقتله بس هوه مايحبني طلع
تاج : لاتكولين هيج وانتي ماشايفته بعينج ايام اشوفه سهران برا بالمكان الي جنتي تكعدين بيه واشوفه يبتسم بوحده ولوشوفين عيونه مساع من كلي سلميلي عليها
روح : شكد صارله من طلع
تاج : تقريبا ساعه بال 4 راح
روح : يرجع بالسلامه سديت الخط منها ورحت تمددت غمضت عيني ورجعلي نفس الحلم البيه علي بس هالمرا ملابسه بيهن دم ويباوع عليه ويكلي ديري بالج ع نفسج روح ردت اروح اله ابتعد مني لحد ما اختفى كعدت مخروعه من شكله ضليت ابجي وادعيله يارب ياحبيبي تحميه وتحفضه باوعت ع الساعه 10:30 بالليل كلت حيل شكد نايمه انه امشي وكلبي حيل مقبوض مادري شبيه وشصار الي رحت اريد اشرب ماي كضيت لكلاص وترسته جاي اشرب ماي فجئه اختل توازني وطاح الكلاص من ايدي ونكسر حسيت عصره بكلبي صارت اخ كلبي يرجعني احس ختنكت مادري شسوي بس ضليت اطفر بمكاني من الخنكه دخلت برجلي كزازه وضلت رجلي تصب دم صحت خاله خاله لحكيلي
وداد : يمه اسم الله شبيج بنيتي
روح : مختنكه ماتنفس
وداد : فتحت الباب ورحت طلعتها شويه ورد نفسها
روح : ورا نص ساعه ضبط رد نفسي مادري ليش اجه بالي علي مشتاقتله ياربي مادري شسوي بروحي اخ يا حبيبي شلون حالك هسه وين انته وين وشجاي تسوي ضليت اباوع للسما وادعي الله يحميه ويوفقه بكل خطوه
تاج : بعد ماسافرو حسيت روحي راحت وي جيهان مادري ليش خفت عليه المكان الرايح اله حيل خطر ومادري بشنو يفكرون الله يحميهم ويطلعهم بالسلامه خابرت عليه روح وكتلها هيج وهيج السالفه وانو علي يسلم عليها وهيه هم ردت السلام كاعدين لليل تقريبا ساعه 10 ونص او 11 ماذكر بالضبط اتصل عليه جيهان وكال
جيهان : بعد ماوديت عليه للمستشفى وحيل خايف عليه كلت لازم ابلغ اهلي خابرت تاج هيه الاجت ع بالي خفت ع امي من تسمع شيصير بحالها الو
تاج : هلو جيهان
جيهان : تاج علي تصوب وحالته حيل خطره وهسه بالعمليات
تاج : الخبر جان مثل الصاعقه ع راسي وطاحت الدنيا صارت سوده بعيني لان علي مو مجرد انسان انقذني لا جان اخ وسند ونعم الاخ علي بدون شعور صرخت كل قوتي واجت خالتي وتقى وسعد هم يكلولي شبيج كبل كتلهم علي تصوب وحالته موزينه بالمستشفى باوعت الخالتي ضلت تلطم وتقى هم وسعد كبل اخذ سويجه وطلع يريد يروح
سعد : احجي بيا مستشفى
تاج ؛ بعز دموعي تذكرت روح كتله مادري اخذنه وياك الله يخليك فدوه
سعد : شاخذج وياي
ميساء : ماتتحرك اذا ماتاخذني وياك والله اسوي بروحي شي يمه وليدي ضليت اللطم ع وجهي من القهر والحزن
تقى : كلنه وياك نروح مانخليك ابد
سعد : امري لله
تاج : اوكف خل انطي خبر لروح خطيه بالها يمه قبل شوي سالتني سوده عليه
روح : كاعده ودك تلفون خالتي رحت اركض عبالي هوه كل ضني ياخذ رقم عمتي ويتصل ولو. رقمها عنده شفتها تاج رديت الو
تاج : ولج روح علي تصوب وحالته حاله وبالعمليات وهسه رايحين اله
روح : جملتها للنص وكفت يمي مادري شنو ارد اوًشنو اكول الها ضليت صافنه
تاج : الو الو روح تسمعيني
روح : تعاي عليه مري
تاج : مانكدر منا راح نطلع ع السريع يصير عليهه طريق طويل اذا نجي لمركز البصره
روح : سدته وكعدت بالكاع احس صوتي اختفه ماكو كله مني ماشفته ولا شميت عطره اخ قبل شكد ماشايفته 20 يوم ولك علي وصرخت بكل مابيه من حزن وشوق وخوف فقدان ضليت اللطم ع وجهي ولج خاله راح يروح مني ولج خاله راح يموت
وداد : اسم الله يمه منو هذا
روح : منو ولج خاله علي راح يموت خاله اخذيني ابوس ايدج ودنكت ع ايدها ابوسها ورجلها ابوس رجلج خاله وديني لبغداد هسه الله يخليج خاله لاتكسرين كلبي بقيت ع هالحاله ساعتين ابجي دخل محمد اجه يركض وكل الخاله شبيها روح يمه كالت اله علي تصوب وبالمستشفى وحالته خطره كلش وتريد تروح كلها اي امشي كالتله بغداد هوه موهنا اجه يمي وكعدً
محمد : خلي يصير زين ويجي لبيت اهله واخذج بيدي
روح : ماريد انه هسه اروح ماابقى ثانيه تعرف علي شنو بوقتها نسيت العيب والخجل والمستحه من تشوفون شخص تحبونه بخطر لو متأذي راح تتمنون الموت قبله هيج حسيت دعيت الله ياخذ عمري قبل لا اسمع كلمه البقاء لله مات او شدو حيلكم ماريد اخسره هوه كل حياتي هوه ابوي وامي هوه احن شخص عليه انه ندمانه لان عفته لان مارجعت ويا ندمانه ورجعت ابجي ولج يمه اخذي روحي وخلصيني ضليت ابجي بشهكه حسيت الدنيا تدور بيه كتله محمد الله يخليك اخذني الله يوفقك ابوس ايدك ردت ابوسها وكلي كومي بدلي امشي اخذج رحت ركض بدلت وخاله اجت وياي خاله صدك بهالفتره عوضتني عن سنيني الي عشتهن وياها ب ضلم  وقهر بدلت وصعدنه بالسياره وطول الطريق ابجي ومن بعد خمس ساعات وصلت بغداد احس كلما يتقرب وصولي للمستشفى الخنكه تزيد اتصلت ع تاج ودلتني ودانه ودخلت وشفتهم كلهم يبجون كتلهم الله يخليكم لا تفجعوني بيه لاتكولون مات تاج اجت حضنتني وكالت
تاج : يكول الدكتور دخل غيبوبه لان وضعه حرج وصار عنده نزيف بالعمليات كوه وكفو وبقاله بس الدعاء
روح : كل كلمه من تاج احسها خنجر بصدري وخالتي نفس وضعي واسوء خالتي ام بس انه ابجي ع ابوي النايم وممكن اخسره ضليت ع هالحاله لا انام ولا اكل ولا اشرب بقيت بس عايشه ع الهوه تعدت الايام واليوم صار ثنين والاثنين صار اسبوع واي تحسن ماكو بيه بس جرحه الدكتور كال زين خاله ميساء تخربطت وهم اخذوها للبيت بيت علي الي بغداد بلكوه هم راحت بقيت بس انه ماتحركت خطوه وعيني مارمشت احس الدنيا جاي تغوش اريد اشوفه اريد احجي ويا رحت للدكتور كتله دكتور الله يخليك خليني اشوفه فدوه اروحلك ماكال شي من شاف حالتي وعيوني سود داير مادايرها كلي فوتي لبسوني لبست معقم وكمامه وفتت يمه شفته محطوط ع الاجهزه وشكله حيل ضعفان تقربت يمه وكتله علي تسمعني الله يخليك اكعد لاتشلع كلبي عليك فدوه اروحلك علي كضيت ايده دنكت عليها وبستها دموعي ضلن يطيحن وحدهن ع ايده وانه مدنكه علي ماعندي غيرك انت ابوي واخوي وحبيبي وسندي وامي وكلشي بس كوم وانه والله ماعوفك طول عمري بس كوم كلها هنا وكلها خايفه عليك ننتضرك يا نضر عيني كوم بقيت ابجي الى ان اجه الدكتور وكالي يلا كافي موزين عليه وانتي هم ارتاحي طلعت وانه مأيسه بس مع ذلك اكول رحمه الله جبيره انشالله يكعد احسن من اول واقوه بهالايام جيهان ضل بين السجن وبين المستشفى وحيل تعب خطيه وعجزو مني ان اكل كتلهم ماخلي اي شي بحلكي لمن يكعد واشوفه خالتي تعبت من عندي واضطرت ترجع للبصرة لان احمد مسوي مشكله وكالت ديري بالج ع نفسج لان محد راح يهتم بيج كثرهم وتاج ماعافتني بالنسبه التقى ضلو بالبيت هيه وسعد وخالتي يجيبونها شوي وترجع وانه خاله ايدي ع خدي وانتضر رحمه الله تنزل عليه وتلتفت الي ترجعلي روحي الي راحت مني اخ ياروح شوكت ترتاحين من مصيبه لمصيبه بيوم اجت خالتي والبنات وهمين جيهان كاعده واسمع حجيهم بس بالي مويمهم الا لمن خاله كالت لعد يمته تكولون الها خطيه موهذا ابوها رد عليها يولي يا ابوها ابوها راد يبيعها وياخذ الثمن لو تاجر مخدرات واسلحه منتضرين علي يكعد وهوه يمشي بالقضيه هسه موقوفين همه كلت ياهي جاي يحجون عليها ومنو يبيعونها ماهتميت للحجي لان احس راسي راح ينفجر طول هالفترا لوتاج تتوسل بيه اشرب شوي ماي واكل لكمه وحده لو ابقى بدون احس جسمي صار نحيل كلش وجهي اباوع بالمرايه اصفر بدون روح باهت روح صارت مثل ورقه يابسه الهوه يشمرها منا ومنا رجعت ع واقع بكلمه خاله
ميساء : ولج يمه كومي اكلي بداعه علي اذا تحبينهً
روح : ضليت ابجي كتلها شلون مااحبه هذا روحي من الدنيا بس ما اشتهي  من اشتهي اكل وعد سكتت عني ورجع جيهان يحجي وياها ويباوع عليه كلتله اكلك يمه عابد وين ماهو كاللها خلي علي يكوم بالسلامه ويصير خير يمه بعدين سألي كعدت ع الكرسي وسندت راسي ع الحايط وغمضت عيني ماحسيت ع شي الا بالحلم اجاني علي بملابس بيض وراكب حصان يجنن والمكان كله اخضر وكلي راح اشتاقلج حبيبتي ديري بالج ع نفسج راد يروح صحت عليه كتله علي لاتعوفني وحدي الله يخليك اموت والله فدوه لاتعوفني كلي هاي النهايه روح احبج صرخت وع صرختي اجو يمي بديت ابجي واللطم واكلهم علي عافني علي راح مني حلفته بيه وما اجاني علي ماشفنه الا الدكتور طلع وجان يكول ......

.....................//////////////

الى هنا ينتهي البارت اتمنى ينال اعجابكم