سراديب

البارت الثاني

مرحباً بك عزيزي القارئ

للكاتبه القصص مراسلتي على حسابي في انستاغرام
haniin634

البارت الثاني

تعبان بس ياتعب
لمن ترد للصدك
ولمن اشوف عيونك
كل حيلي يرجعلي
........ بقلمي انا

*******************************
علي : فتحت الباب ودخلت اباوع بيناتهن وجان اشوف موبنيه ملاك كاعد بيناتهن جميله الى ابد حد وصلت يمها وجان تطفر عليه تريد تضربني كضاها صراع كتله لج احترمي نفسج شنو وين كاعده
روح : من انتم تحترمون جبتوني غصب وخطف من الشارع وتريدني اسكت الله لايوفقكم الله لاينطيكم  الصحه والعافيه رجعوني لاهلي رجعوني مستعده اتحمل خالتي ولا اكعد هنا ثانيه وحده
علي : سدي حلكج وسكتي صراع جيبها هايه ام لسان وهاي البنيه الي بصفها عرفت من عيون صراع هيه الي يقصد عليه باوعلي بس حسيت حزن بعينه كالي صار كتله لا ماريدها بطلت واختاريت وياها خمس بنات
روح : يجرجر بيه هذا الحيوان وانه اكله لوتموت ماسوي الي تريده لوتطلع نخله براسك حيوانات حقراء
صراع : سدي حلكج دوختينه صارلج يومين لسانج اطول منج امشي تعبتيني الله ياخذك
روح : وياخذك ياحيوان عوفني لك عوفني انت وهذا الغبي الثاني عوفني يجرجر بيه بس حسيت حيلي خلص هوه اضخم مني وانه مابيه حيل من البجي الي بجيته اسوي روحي قويه بس بداخلي متكسر حيل تعبانه من حياتي لو ميته وي امي احسن هذا يجرجر بيه وصلني لغرفه بس حيل نبهرت بيها وبكبرها جميله بشكل مثل هذن الملكيات ضليت امشي واتلفت واباوع ع جمال الديكور والبناء ولا عبالك بالعراق وانه مادري روحي وين وبيا مكان كلي الي اعرفه جنت مهزومه وهذول اجو عليه سدو عيوني وفترا ساعات يلا فتحو عيني ماعرف وين او شلون وصلت هنا وخالينه بلا اكل بالغرفه جان اكو بنات هواي واستغفر الله شكلهم يوحي بانهن موزينات وهسه عرفت شردون من عدنه اخ يا تقى همزين ماجابوجً وياي ع الاقل انه عندي لسان ادافع بيه عن نفسي واكل الي يوصلني ومستعده اشرب من دمه هم ضلينه كاعدين وانه ادردم والي بصفي بس تتأفأف ردت اضربها ع وجهه من كثر العصبيه صحيح انه صغيره بالعمر بس حيل ملامحي بارزه وحلوه شويه واجت وحده اطك بعلجها لعبت روحي منها ضليت صافنه عليها شو هاي كبل حرتني وكفتني كبالها وكالت
ام هند : والله وخوش يختار ابو غضب نسوان شهالحسن تفيدني لازم اخذج للبيت يمي مافوتج
روح : باوعت صفح الها وكلت بكلبي الحمدلله والشكر المهم كالت سبحو سبحنه وطبعا انه اول وحده وشحدها التدخل كبلي اشك حلكها دخلت سبحت واحس وصخ طاح مني طلعت شو هذن ضلن صافات بوجهي جرتني الها وباستني يمه شهالجمال كالت انطتني فستان احمر بس شكله كلش حلو رغم فاضح اكثر من ماساتر وخللي مكياج طوخن بالكحله لان عيوني خضر طوخ برزن اكثر وخللي حمره حمره باوعت ع روحي بالمرايه صح حلوه بس لعبت روحي من وجهي ماريد اصير نفسهم ماريد ضليت ابجي وصفنت بروحي رحت لبيت خالتي تذكرتهم حيل خليني اعرفكم ع نفسي اني روح عمري 14 سنه من اليوم الي نولدت بيه انه يم خالتي لا عندي اخ ولا اخت وماشفت امي ولا ابوي يكلولي يتيمه انتي خالتي كالت امج ماتت بالولاده وانه ربيتج بفلوس امج الي خلتهن عندي الج كبرت ع كلمه انتي يتيمه اول مابديت اشب وصار عمري 11 سنه خالتي بطلتني من المدرسه جنت بوقتها صف سادس ابتدائي وحيل شاطره فوك ماتتصورون نجحت للاول متوسط وبطلتني كالت كافي صرتي حلوه وكبرتي ابقي بالبيت انه سكتت لان ماعندي لسان بوقتها ارد عليها ضليت كاعده وهنا بدت معاناتي شغلتني عدها خدامه يوميه تكعدني من سبعه الصبح ع فد تنضيف وكنس عند خالتي ثنين ولد ورجلها ستشهد بالجيش احمد ومحمد احمد جان حيل عينه وصخه واول ماكبرت بده يتحرش بيه جنت هواي اشكي لخالتي بس ماتصدك بيه تكلي تتبلين عليه انتي جذابه ماجان عندي غير البجي وسيله حتى اواسي نفسي بيه ومحمد جان حيل حباب وحتى تصرافته تختلف هذاك حتى شرب وكبسله وبنات عنده وبيوم اجه سكران للبيت وانه كعدت صدفه اريد اروح للحمام وجان اشوفه واجه هجم عليه بحياتي ما انسه هذاك اليوم بطلاع الروح يلا خلصت منه لو ما محمد جان انه في خبر كان وهوه جان شاهد ع الحادثه والصبح اول ما كنالها
وداد : يا ثنينكم متفقين ع ابني تردون تبلونه يمج كرباج بعدين منو يدنالج انتي ولسانج شطوله
روح : بديت ابجي وابجي اخير شي كلت ماراح اسكت بعد كافي  تعبت حتى من بلغت محد علمني نصدمت بالصارلي ومن كتلها يلا حست ع روحها بيوم الي تجيني الشهريه اموت بمكاني مايضل الم ما يجي ع جسمي احس روحي اريد اموت قويت نفسي وكلت منا ورايح اعرف شلون اصير ام لسان بديت ارادد صح انضرب بس تعلمت ع هالشي ولا يضيع حقي صار لساني اطول مني حتى محمد مرات يكلي شغيرج ليش لسانج هالكد طولان كتله حتى اكدر اعيش هاي انه روح صار عمري 14 سنه بيوم كاعدين وندك لباب فتحته خالتي وداد وانه اسمع من ورا الباب
وداد : يا هلا ومرحبا هلا بالجاي النه شلونج عيني ام سلوان
ام سلوان : هلا بيج خيه شخبارج
وداد : الحمدالله تفضلي امر خدمه
ام سلوان : والله يا ام محمد انه جايتج بطلبه اتمنه ما ترديني
وداد : امري ام سلوان
ام سلوان : والله انه جايه اليوم اطلب ايد بتكم روح لابني حسن الصغير تدرين بيه
وداد : ياهاي الساعه المباركه وين نلكه احسن منكم النه نسابه
روح : انه اسمع وروحي احسه تريد تطلع تاليتي اخذ هذا الوصخ ابو الحمام الي ماضاله وحده ماحاجي ع عرضه لو اموت كلت لو احط حد لو تنطيني هاي وديده دخلت دفعت الباب وكتلها مااخذ ابنج لو تموتون
وداد : احترمي نفسج حيوانه
روح : انتي لا تغلطين وكتلج لودفنيني ما اقبل بيه ماعايز اخد بس هذا ابو الحمام المطيرجي ماضالة وحده ما حاجي ع عرضه وكومي طلعي برا ما اقبل انه فتهمتي مااقبل خلت وطلعت المرا وياريت ماطلعت بيومها ضربتني خالتي ضرب مامار عليه بحياتي خلت العافيه بصفحه وانه بصفحه الله لا يوفقها انشالله انه سامعه الخاله بمقام الام بس وين ضليت عمري كله متحسره ع ريحه امي اخ يايمه لو موجوده هم هيج انضرب ضليت مستلمه الفراش ماكمت وماصحيت وبيني وبين نفسي اكول ليادوب ابقهرهيج بقيت افكر شسوي شسوي اخير شي اجه بالي انهزم وبس لان حيل تعبت واروح اشتغل خدامه ولا ابقى هنا كافي مضايقات ابنها العار حضرت ملابسي واخذت فلوس منها لان هذن فلوسي كاعده تصرف بيهن من امي اخذت 500 الف وضميتهن بالهدوم صار الليل صحيح بداخلي خوف بس كلت اريد ارتاح لو اشرح منا لميه سنه محد راح يحس بمعاناتي انواع العذاب تعذبت عدها حتى مرات تحركني تتعمد اخذت الفلوس والملابس صار الليل طلعت اتسحب ع كيف فتحت الباب ورحت اركض اركض الحد مارصلت للشارع الرئيسي حتى اصعد سياره وصلت يم سياره تصيح بغداد بغداد خليت وركبت بيها ونطيت الكروه ورا ساعات طويله وصلت لبغداد نزلت ضليت امشي امشي امشي الى ان وصلت بمنطقه كلها قصور عبالك مو بالعراق خارج البلد شويه وجان تطبك يمي سياره نزلو عليه ورادو ياخذوني ضلو يجرجرون بيه وانه اصرخ اصرخ كل قوتي واغلط عليهم عوفوني حيوانات سدو عيوني وسياره مشت طريق طويل وانه مسدوده عيوني وراها نزلوني ودخلوني لبيت ماشفت منه شي غير تقريبا ساعتين يلا وصلنه نزلوني درج فتحو عيوني وانه بعد مستمره اغلط عليهم حيوانات عوفوني ادبسزيه سفله
صراع : سدي حلكج دوختينه ترا اكص لسانج شطوله كعدي وسكتي ولج
روح : عبالك تخوفني لو تموت مااخاف التفتت وشفت هواي بنات حالهن حالي ضليت اباوع الهن لفتت انتباهي وحده كاعده هاديه بس حيل جميله شعرها اصفر وناعمه تقريبا تجي بعمري اصغر وعيونه زرك بحر وحلكه صغير وعدها غمازات وهيه ساكته مبينات كعدت يمها سالتها عن اسمها طلع اسمها تقى وعمرها 12 سنه حيل نقهرت عليها ماكدرت اسئلها لان ماريد تتاذه من سوائلي بس مبين وراها قصه حيل طويله المهم وراها بيوم عرفتو شنو صار ماحسيت غير هاي المرا ضربتني ع زندي وكالت
ام هند : وين صفنتي ياحلوه
روح : رجاءا شيلي ايدج من عليه وانه ماطلع لوتموتيني
ام هند : والله حبوبه خلي ابو غضب هوه الي يتفاهم وياج
روح : لا ابو غضب ولابطيخ كتلج ماخاف منه ويلا شتردين سوي
ام هند : راح انزل انه الحفله بدت وانتي ابقي هنا هوه يعرف شلون ينزلج
روح : خوفتيني خلت ونزلت وكلت روحه بلا رده انشالله انه خل اوصفلكم شكلي انه بيضه كلش وشعري بني هوه هيج من الله عيوني كبار ولونهن اصفر حلكي صغير ونفوخ عبالك مضروبه عليه هههه بس هوه هيج وعندي شامه صغيرونه فوك شفتي وحواجبي ثخان وقصيره موطويله كلش وجسمي تارس مو ضعيفه ولا ضخمه هم يعني زينه وشعري رغم لونه حلو بس مو طويل كلش اني بصراويه  خالتي تكول اصلنه بغداد بس من ابوج مات اجينه للبصرة فنص حجيي بغدادي كلتلي انتي نسخه من امج وانه ماعندي بس صوره وحده الامي والله ياخذهم اخذو جنطتي وبيها صوره امي تذكرتها صدك نسخه منها انه عبالك نفس الشخص المهم شوي وجان الباب يندفر
علي : نزلت ام هند وكالت ماتقبل تنزل ولسانها يكنس ويرش علينه بس عاشت ايدك منين جايبها شنو من جمال شنو من حسن عود بعدها صغيره لعد اذا كبرت شلون عصبتني خليت وصعدت دفرت الباب وجان اشوفها سبحان من ابدع وصور قبل شوي البهذله عامه عليها صراحه انه هم خفت عليها تنزل ليش مادري رجعت لوضعي بعد ماخلصت انبهار وكتلها انتي ليش ماسمعين الكلام موكلولج نزلي
روح : وشتريد هسه لوتموت ما انزل وانه هيج
علي : امشي كبالي لا اعرف شلون انزلج يلا الحفله بدت
روح : وصلت المرحله ماكدر احس قوتي. اح تروح وهمه يردون يبيعوني مدري ينطوني ركعت جوه رجليه وكتله
علي : ركعت جوه رجليه وكالت الله يخليك الله يوفقك لاتخليني انزل والله اموت ماريد احد يشوفني بهاي الحاله ابوس ايدك والله اخاف ترا بنت ناس انه وجابوني غصب عني ضلت تبجي صراحه حيل اثرتني نزلت يمها وكتلها لا تخافين انه يمج بس انزلي انتي بحمايتي والي يمد ايده عليج اكسره نزلي وياي وطول الحفله ماراح اعوفج  صدك مبينه طفله بس شنو من طفله تموت من الجمال تسحر اكبر واحد
روح : ريحني كلامه نوعا ما كتله تمام نزلت ويا الدرج وجان الانضار كلها تلتفت علينه وكلها تكول هاي منين الكمر وانه دخلت بهدومي من الخجل
علي : ابتسمي نزلنه وصدك حقهم يباوعون عليها وياكلونها اذا انه الماهتم الوحده صفنت عليها وع حسنها بس مادري ليش اجاني شعور الي يباوع ودي افكس عينه اله لان كتلها انتي بحمايتي مدري شنو بوقتها ابو الهاشم بعده ماجاي كال اتاخر شوي وراها بنص ساعه اجه وهيه ماشالله لازكه يمه عبالك راح ياكلونها
ابو الهاشم: هلا ابو غضب
علي : هلا بيك ابو الهاشم
ابو الهاشم : شهالبنات الحلوات عمي دوم اكلك انت ذوقك غير شويه وجان تجي باوعت عليها دخلت بحاله صدمه سماهر كتلها انتي سماهر
روح : لا عمو انه مو سماهر
علي : هاي البنيه المادري اسمها شنو جانت وي البنات بعدين اكلك شنو فلمها
ابو الهاشم: اباوع عليها وانه فكري واح بعيد حيل الله وينج يا سماهر ميته عدله ضليت طول الحفله ماشلت عيني من عليها تمنيت بس تخلص الحفله حتى اشوف منو هاي وهواي اجوني كالو نريده بس كتلهم لا محجوزه هاي البنيه
علي : ضلت وراي وراي بس خليها احسن ماريد احد يوصل الها كلساع ام هندي تحلفني نطيها الي والله اخليها بعيوني راح تشيلي شوي البيت وترجعه ع حيله وتضحك ضحكتها الوصخه النفسها بس حيل عصبت اخير شي كتلها ام هندي الباشا يريدها فكي عنها
ام هند : اسفه اسفه والله مادري سامحني
علي : اف واخيرا سدت حلكها اباوع عليها بدت تغفي الساعه 11 صارت واصلا هيج وقت بدت حفلتنه
روح : ماعرف شي وكلها تباوع عليه اخير شي حسيت بروحي راح انام تعبت رحت يمه اكلك اكلك
علي : اجتني وهيه ماتعرف اسمي ولا انه اعرف اسمها نعم شتردين
روح : نعسانه الله يخليك خليني انام رجعني يم تقى
علي : صراع
صراع : امرك باشا
علي : جيب تقى وديهن بغرفه من الغرف كون بعيده عن الجوه يلا
صراع : امرك باشا امشي
روح : شكرا عمو
صراع : ضحكتني من كالت العلي عمو ههههه امشي امشي لسانج شطوله رحت جوه نزلت جبت تقى ويا ربي اسم ع مسمى شنو الجمال الشايلته يعني الله من يبدع ماشالله بس حيل صغيره اصلا احسه مثل بنتي نزلت عليها وهيه بلا صوت كامت وياي مشينه وكالت
تقى : عمو وين موديني عفيه لاسوون بيه شي والله اموت
صراع : لاتخافين بعد عمج ضليت اضحك اليها موديج لصاحبتج ام لسان
تقى : يعني اروح يم روح
صراع : اسمها روح
تقى : اي
صراع : امشي امشي صعدتهن وديتهن لغرفه بصف غرفه الباشا حسب اوامره انه افتهمه بدون مايحدد دخلت تقى يم روح وحضنتها خليت وطلعت نزلت يمهم
علي : ها صراع
صراع : وديتهن باشا بغرفه وبصف غرفتك
علي : دوم اكلك ذيب تفهمني من عيوني
صراع : تربيتك صارلنه سنين سوه
علي : ضحكت وكملنه الحفله وابو الهاشم اكل كلبي يريد يعرف منو هاي
صراع : بالمناسبه باشا اسمها روح
علي : منو
صراع : ام لسان لسانها اطول منها
علي : صفنت ياربي حتى اسمها حلو نفسها ويسحر وفعلا اسمها حيل نادر وجميل ماسامع بيه من قبل المهم خلصت الحفله ساعه 3 الفجر وابو الهاشم مايندل دربه كالعاده اخذه صراع وداه لبيته وانه صعدت فوك لغرفتي بعدني ماواصل وطفت الكهرباء ضليت ادردم لا حول الله شهالفكر وكتها تنطفي هسه تعال ابقى منتضر اف جاي امشي وجان .....

روح : بعد ماصعدنه واجت تقى يمي طبعا حيل احبها ع هدوئها رغم صارلنه بس يومين نعرف بعض بس هيه بنيه تدخل الكلب ضلينه نسولف وسولفتلها كلشي صار وشلون اجيت وشلون وصلت لهنا هيه ضلت تبجي كتلها شبيج تقى
تقى : ابجي ع قصتج
روح : سولفيلي هسه شلون اجيتي وليش اجيتي هنا
تقى : قصتي طويله يا روح لوتدرين شنو وليش ضلين صافنه عليه
روح : احجيلي
تقى : غير مرا يا روح
روح : ليش بعد وكت
تقى : ضحكت لج يابعد وكت باعي الساعه بيش
روح باوعت وصدك ساعه ب3 وربع
تقى : باجر اسولفلج جاي احجي وطفت الكهرباء وانه اكثر شي يخوفني هذا الله يخليج روح شعلي شي اخاف والله اخاف روح
روح : حبيبتي شبيج ماكو شي انه يمج لاتخافين هسه انزل اجيب شمعه شي واجيج ماطول طلعت وياريت ماطالعه هسه انه شندل نوب ياربي شهالضلمه اف يا الله مشيت وانه اكض بالحيطان وصلت للنص وجان .....

خلي اراويكم شكلي وشكل تقى

هاي تشبهني 👆🏻

وهاي تقى 👇🏻

وهاي اشكالنه التقريبيه ماكو نفس الوصف بالضبط

....................////////////

لهنا انتهى البارت اتمنى ينال اعجابكم

الكاتبه حنين الأسدي