سراديب

البارت السادس عشر

البارت السادس عشر

كبل عدنه نوارس تلتقي هواي
بنهر دجله بكل مسيه اتجيب فنان
صبح تهجير عدنه بكل الاشياء
هجرنه اللون الابيض من الالوان
ولان ريش النوارس ابيض يكون
خافت تنفي مابين الاوطــــــان
صبغت ريش اسود دقق وشوف
ويانه اتظامنت وتعيش الاحزان
وراحت للنجف بالمكبره تعيش
وتسميهه ابصلافه الناس غربان
********************************

علي : دخلت ع روح وهيه كاعده حبيت اعرف رده فعلها من اسولفلها ع خالتها وشلون دور عليها ومقهوره كلت بلكي تحن عليها دخلت كعدت يمها بالبدايه وجهي مايتفسر مادري شلون افاتحها بالموضوع ومنا سالفه صراع ومنا ابو الهاشم والمداهمه بعد 21 يوم ولو نموت لو نعيش والله كريم كتلها شلونها رجلج روح
روح : زينه علي احسن من امس شبيك احجي
علي : مادري شلون اكلك وشلون ابدي بس خالتج
روح : خالتي شبيها بيها شي علي كول شبيها خالتي
علي : ع كيفج حبيبتي مابيها شي ما عبالي راح تهتمين هيج عبالي كارهتها
روح : صحيح شردت من اسلوبها علي بس تبقى خالتي اخت امي الي ربتني السنين الفاتت كلها اصلا انه ماحقد ولا اضوج من شخص خصوصا شخص اله معرف مسوي الي وخالتي مااجازيها باي شي واذا جان ابنها سرسري بس موبيدها هوه النبته مالته عوجه شسويله
علي : اول مرا اشوفها هيج تحجي حجي وحسيتها صدك واعيه ونست لسانها الطويل كتلها ولسانج لطويل وين
روح : الشفته والمريت بيه كله كفيل انو يكبرني فوك عمري علي
علي : دنكت بست راسها وكتلها خالتج مابيها شي روحي بس تعبانه وجاي ادور عليج بكل مكان وتريد بس خبر عنج وحيل متاذيه انه سالت قبلً يومين وفعلا ممخليه مكان بالبصره ماسائله بيه ومالج اثر وهسه هيه مريضه شويه وتريد تشوفج شتكولين
روح : منين عرفت تريد تشوفني
علي : وديت واحد ع ابنها اسمه محمد يمكن والشخص كله انه اندل مكان روح بس ماتقبل تكلكم هوه ضال يتوسل بيه ويكله اي شي تريد انطيك امي تريد تشوفها بس ماتريد شي ثاني
روح : بجيت هذا كله صاير وانه مادري ليش
علي: انه اخاف عليج روح ماريد اي شي يصيبج حبيبتي انتي
روح : اي علي اروح بس ورا مانخلص من عقد جيهان وتاج
علي: تمام حبيبتي اريد اكلج شي صارلي هواي مكايله
روح : اي كول
علي: احبج
روح : كلش خجلت من كلامه وحيل احبه انه اصلا احس روحي صرت مجنونه بي لدرجه اغار عليه من امه من يبوسه هسه تكولون مخبله بس هذا الاحس بيه اغار عليه من امه كتله علي ممكن سوال
علي : اسئلي حبيبتي
روح : شنو حسيت من نخطفت
علي : لاتذكريني روح اجيت انجلط ماضل مكان مارحت بيه ادورج وسويت بصرة بغداد اربع مرات روحه رجعه ع مودج وكتلت الناس كلها ع مودج واكو شي لازم تعرفينه وموبس انتي حتى البنات وقصه صراع لازم هم تعرفونها كلها والسويته والصار كله لمصلحتكم انتم هسه عائلتي الي لكيتها وبفضلكم رجعت الاهلي وعرفت برجعتي سر كلش خطير روح
روح : وترني بكلامه وكتله ننتضر خله  وطلع ورا ثلاث ساعات وجعو من السوك وخالتي مامخليه شي مامشتريته لتاج وهيه متذمره
تاج : اخ ياروح ماضل شي ماجابته خطيه خالتي وكله ع مود. ابنها الغبي وحتى صالون حجزت الي
روح : الله يديم فرحتج تاج
تاج : كل الي صار بسببه لوماحاجي ماريد اتزوج
روح : شو بله باوعي الي اي صحيح ماصلا فرحانه لان ادري بيج تحبينه تاج انه موامس اعرفج صارلي ثلاث شهور صرتي بمعزه تقى الله شاهد
تاج : كمت عليها وحضنتها
روح : اي سولفي شسويتي ماسويتي
تاج : والله طلعنه منا المكروه وصلنه اول ماحجزت خالتي صالون يمهم هنا والله يستر منه مكياجي احلا تدرين بيه شايفته بتلفوني بعد
روح : اي كملي ميته ضحك عليها
تاج : وشتريت بدله بصلي منفوخه بسيطه وتاج ذهبي
روح : وتقى شنو شترت
تقى : لاتسالين ماشتريت صراع طلعها من خشمي كتله والله ماشتري بعد ولحد هسه كالبه وجهي عليه وهوه يريد يحاجيني مامطيته مجال
روح : ليش ولج شبيه
تاج : عوفج منها شلون كلها ماريد كصير ولاضيكً ولا مفضوح ولا مابيه ردان هيه عصبت وكالت والله ماشتري وفعلا ماشترت اول مرا اشوفها عنيده بهالشكل هذا
روح : ي هم مصخها صراع شدعوه عليه هيه حفله وبينه
تقى : عشتو يغار يلا رايحه اسبح ورانه صلا
روح : راحت وتاج يمي وانه شنو جبتي الي ولج تاج : انتي حتاريت شجيبلج كل ما اشوف وحده اكول تطلع بيها تخبل اخير شي جبتلج بدله عنابي وبتور اسود وحذاء اسود وتاج كرستال
روح : كتلها شكرا راوتني ياهن وفعلا يخبلن
روح : حبيبتي اريد منج تصيرين عاقله ع ماتخلص سالفه اخوانج
تاج : انشالله خلص الوقت وصلينه وخلصنه عشه وصاح النه علي وكالي جيبي وياج روح رحت جبتها وكلحنه وكعدنه
روح : اجت تاج اخذتني يمهم وبده علي يحجي عن نفسه وحياته وشلون صار وي ابو الهاشم وشلون بعدين صار ضابط وصار ضدهم وحقق انتصارات بس كال
علي : وهاي كل القصه ماريد احد يدري بالشي الي كلته انتم اهلي وناسي وعائلتي ماريد اضم اي شي عليكم وبخصوص صراع هوه خلي يحجي لان هذا اتفاق بيني وبينه ماردته يتاذه لو يصير بي شي هوه اخوي وسندي وصاحبي عائلتي جان وايدي اليمنه
صراع : تتذكرون من اجه وكلكم صراع مات بوقتها مجنت مصاب اصلا جنت لابس درع واقعي وكل هذا ع مود حب حياتي احجي واباوع عليها وهيه زعلانه مني قبل المواجهه بيوم كعدني علي وكلشي كلي عن حياته صحيح نصدمت من عرفت بيه ضابط وهوه المجهول الي ابو الهاشم يدور عليه بالبدايه ندهشت وعصبت لان ضمً عليه بس بعدين حيل خفت عليه اذا يعرفوه لو يشمون خبر يمكن يكتلونه وما يسمون عليه وبعدها استوقفني كلامه من كلي وانت راح تموت راح تلبس ستره واقيه وراح يضربوك وانه راح اكول صراع مات انت راح تموت بعين العصابه راح تموت تفتهم ماريد تتاذه منك شعره راح ترجع صاحبي سعد ماريد شعرايه تتاذه خصوصا وراك بنيه منطيها وعد وبهاليوم علي كبر بعيني ومستعد انطي روحي وما استرخصها بيه فكر بيه وبحبي وسويت الخطه وفعلا صار الي صار وانه وراها فتحت عيني ماشفت احد وطلعت كبل لاربيل وصارلي هاي 15 يوم هنا وهذاك اليوم اجيت والباقي تعرفونه وهسه اريد اكول كبالكم وكبال تقى انه طالب ايدها ع سنه الله ورسوله واريدها باجر وي جيهان
علي : باوعت التقى حسيتها فرحت كتله وانه نطيتك وانشالله باجر تصير مرتك
صراع : كمت بسته وكتله ومن اليوم انه اسمي سعد مو صراع صراع مات قبل شهر انه اسمي سعد وكعدت احجيلهم عن قصتي وشلون التقيت بابو الهاشم هواي مريت بمواقف كفيله انو تخليني مابيع علي لو ع روحي تقى رحت وكفت كبالها كتلها موافقه بيه اصير زوجج
تقى : باوعت عليه وانه الفرحه بعيوني وكتله اكيد مًوافقه ماريد ابتعد عنك ثانيه بعد
روح : يمعودين بجيتوني وانه حالتي النفسيه تعبانه كلها ضحكت وبوقتها فعلا بجيت لان احب الخير للناس وعصبت من علي لان ماكلي ع قصته وخلص اليوم ونمت كعدت بالليل عطشانه والبنات نايمات ضطريت اكوم واللزم بالحايط طلعت وجان اشوف علي بوجهي انه ضايجه منه بسبب الشي الي ضامه كلي شجاي تسوين كتله معليك بيه ودرت وجهي اجاني سحبني من ايدي
علي : كعدت اريد اروح للحمام وشفت روح كتلها شبيج كالت معليك جريتها من ايدها كتلها شبيج مواحاجيج
روح : معليك بيه انت جذبت عليه وضميت عليه سرك موتكلي حبيبيتك
علي: هسه انتي ع هاي ضايجه عمي اسف بس وين شايفه واحد ستوه عرف وحده ويامنها ع هيج سر يعني سر بيه موتي سر جنت انه شايله سنين وحدي لحد ماردت انفجر
روح : اي خوش ردت امشي وجرني ع الحايط وتقرب عليه كلش حسيت كلبي راح يطلع من مكانه احبه واحب قربه ماريد يبتعد عني اريده يكون الي وبس احبه كلش تقرب عليه خله خشمه ع خدي وشماه حيل احس روحي معت ههههه حجي بينه بس سويت روحي قويه وكتله علي وخر شجاي تسوي عوفني
علي : تقربت عليها رجفتها ورجفه شفايفها تخبلني قربت خشمي ع خدها ومشيته حيل دفعتني وكال علي شجاي سوي وخر عني رجعت عليها وبستها من خدها حيل وكتلها روحي منا روح لا ابتلي بيج
روح : رحت حتى نسيت اشرب ماي تلوهني بس ابتسامتي ترست وجهي ترس نمت وثاني يوم كعدت شوي احسن اكدر امشي كعدت تاج وتقى راحن للصالون ثنينهن خطوبتهن اليوم وانه وحدي بس خاله عزمت خوات علي وهاي اول مرا اشوفهن جايات من اجيت لليوم احسهن نسرات وكفت يم الباب واسمع حجيي خالتي تكلهن
ميساء : وهسه جايات تحاسبني مو تخافن ع خوجن وين جنتن الايام الفاتت كلها من مات ابوجن اليوم محد دك لباب عليه انه سويت باصلي وديت عليجن ولا جيهان مامحتاجن كلجن انه موجوده واخوجن علي موجود
كريمه : اذا هيج ليش وديتي علينه يمه
ميساء : وصمه هذا اخوجن وشوفن البنيه بلا تحكمن
مريم : اوي يمه مادري منين جايبتها وتردينها تصير مرت اخوي
سهيله : حرام عليجن لاتضلمن بختجن يجوز خوش بنيه
روح : حسيت هاي الوحيده خوش بنيه طلعت صبحت عليهم
ميساء : هلا بنيتي صباح الخير
سهيله : صباح النور يمه شهالجمال باعي كريمه بحل بنتج ريم
كريمه : هاي العايزه بس تشبيهنها بنتي
روح : نقهرت ومارديت عليها تعده اليوم وهنه شتغلن وكلساع تجي سهيله تكول شهالجمال كون اخذج لحماي يريد وحده هيج حلوه ابتسم لكلامها واكول والله لويسمعج علي يفلش راسي
علي : صباح الخير
سهيله : حضنته حيل وكتله اخوي صباح لنور حبيبي
علي : صباح النور مشتاقلج خويه وانتي كريمه مريم ليش ماتسلمن ردن عليه رد قاسي انته مواخونه اخونه مات كتلهن يجي يوم وتندمن ع كلامجن بس ماراح اسامحجن وقتها
سهيله: عوفهن خويه هذن مسودنات شخبارك يابعد بيتي شهالجمال البيه شصاير
علي : حبيبتي عيونج الحلوه انتم هم متغيرين اولادجن وين كالت يم ابوهم ضلو حتى اولاد كريمه ومريم بس اني جبت بس ابني بعده عمره ست شهور عمره اسمه علي وهسه نايم خل يكعد واجيبه الك سميته ع اسمك لان حيل جنت مشتاقه الك كتلها دومج طيبه وحبابه من جنتي صغيره وهسه كليلي حماج شبيه
سهيله : يا شفت هاي الحلوه وكلت اخطبها اله حيل يحب الحلوات
علي : صدك بس روح محجوزه واباوع عليها ماكالت الج
سهيله : لاًوالله خويه تستحي كاضيتها تبتسم
علي : اي هيه فاهيه عوفيها هسه
كريمه : بدال متسولفين تعاي شتغلي راح يصير العصر وبعده الغده
علي : حركت راسي بضوجه وكتلها روحي خويه بعدين نحجي ورحت كعدت يم سعد  وجيهان وثنينهم واحد يرفع واحد يكبس شوي ويصيرون من الروس كتلهم شبيكم يول شبيكم تتعاركون
جيهان : صاحبك هذا ينصب عليه يكلي ردتها حجه
علي : وفعلا احس بيك ترا من اجيت هذاك اليوم
جيهان : اهو هم انت عليه
علي : تتحمل وخلصوها شقه وضحك وخلصنه غده وكامو بدلو ورحت جبت العروسات من الصالون صاير سايق الخلفهم ورجعت وماشالله ثنينهن طالعات يخبلن كعدن جوه واجه الشيخ وعقد الهن وخلصنه من هالسالفه صارت كل وحده بذمه واحد خلصت حتى من مسؤليتهم بقت بس بلوه كلبي ماشفتها وين خاتله راح لشيخ ودخلت جوه ويايرت مادخلت صرت نار من العصبيه
روح : اجن وطالعات يخبلن من الجمال وحتى خوات علي نبهرن بس ما بينن رده فعل بس سهيله تصلي ع محمد وحيل احسها فرحانه لابسه الملابس الي جابتهن الي تاج وحمرا خفيفه خليت ورديه شو دخل علي وياهم طبعا كلنه مامحجبات احنه صح نصلي بس مالبسنه وحتى من نطلع لبسنه محتشم المهم دخل وعيونه صارت براسه اجه سحبني من ايدي قوي حسيتها رادت تنشلع ودخلني غرفه  خاله وكال بعصبيه
علي : شهاللبس روح. تردين تموتيني لانوب طالعه كبال سعد وجيهان تسودنتي
روح : اهو وانت شكو ها. شكو انت بكلشي تتدخل معليك بيه فهمت
علي : اللحضه حسيت روحي فقدت ضربتها راشدي وكتلها اذا ماتغيرت الملابس اشكها عليج باوعت عليها دمعت عيونها وحلكها صار كله دم وكتلها هذا اخير انذار لزمي لسانج
روح : ماكعدت وسكتت لمن ضربني وكتله واذا مالزمته شسوي انت شنو شتريتني معليك بيه معليك علي معليك جرني من شعري وكلي عليه ونص انتي مالتي مالت علي ومحد يكدر يكول غير هالكلام حيل جرحني واذاني خله وطلع كمت نزعت وغسلت وجهي ونمت مادري بالدنيا بعد من البجي البجيته
علي : عصبتني وضربتها وحيل تندمت وراها ياناس اغار عليه احبها اول ماطلعت صار جيهان بوجهي كلي شبيك وحجيتله كتله يا جيهان احبها اغار عليه ماتحس ماتفتهم
جيهان : بس هيه مو محجبه
علي : واذا موانت وسعد موجود شوفو نسوانكم شلون لابسات الا هيه مصلخه
جيهان : يمعود اصلا مامنتبهين عليها بعدين لا تكبرها ترا هيه مثل اختنه
علي : حسيت بتانيب الضمير اكثر وكتله يصير خير شنو شخبار مرتك
جيهان : كالبه خلقتها عليه مادري ليش ههههه تولي فوك ما احميها
علي : اذا صار اله شي
جيهان : لاتكمل تدري شكد احبها بس هيه مخبله مرا ردت اضوجها كتلها اختي وهيه قفلت
علي : لاتنسه مابقى شي وخطتنه هيه هيه
جيهان : لاتخاف اخوي كلشي محضر اله ومنتضرين بفارغ الصبر ولازم كل شخص ياخذ جزاته
علي : عاشت ايدك
سعد : كانو راح يصير شي من وراي ومحد كلي
علي : انت معليك بالموضوع تبقى هنا يحتاجوك اكثر
سعد : صار
علي : عاشت ايدك حبيبي وانت يمته تصعد
جيهان : باجر او عكبه مو اكثر
علي : لا اتزوج يلا تروح مانريد شي ناقص حتى تصير بالمحكمه وبالشرع مرتك خاف يسال القاضي وراح اخلي القاضي يزوجكم بتاريخ قديم قبل لايجون اهل تاج مثل ماخليت السيد هيج يسوي
جيهان : والامر
علي: معليك بيه يمي الامر
جيهان : اوكي
سعد : وانه ماتحنون عليه
علي : انت موهسه ههههه من نخلص المهمه اريد اسويلك عرس ماصاير
جيهان : اي بس انه
علي : اصلا انت ويا بيوم واحد بس مانريد هسه حتى لا يجيبون ويخلون اخوانها اوكي
سعد وجيهان : اوكي
تاج : رحنه للصالون وتمنيت اهلي وياي امي وابوي وتقى نفس الشي طبعا تقى جبتلها فستان من دون ماكلها لان صراع قبل لا اطلع كلي السالفه وكال اريد تفاجئينها جبتلها فستان رصاصي سلفر يعني خيل حلو وشغله كرستال خلصتنه ام الصالون وشافته حضنتني وكالت الله عوضني بحب حياتي عن ابوي وامي الي ماتت وعن كلشي كتلها الله يسعدج حبيبتي المهم رجعنه وخوات جيهان وعلي وجهن مكلوب كلاب بس عنده وحده اعتقد اسمها سهيله خوش بنيه عقدنه وخلصنه واجو علينه وياهم مصطفى هم دخل احنه مامحجبات بس الولد مايباوع صارت عيني ع علي شفت بعينه الغضب الي ممكن يمحي مصطفى بلحضه وخفت ع روح من سحبها كملنه وخلصنه  وهذا بس يباوع عليه عبالك ماشايف بس حجي بينه طالع يخبل خلصنه ودخلت يم روح وجان ادنه احاجيها وووووو ........يتبع

......................................//////////

الى هنا انتهى البارت اتمنى ينال اعجابكم