سراديب

البارت الخامس والعشرون

البارت الخامس والعشرون

ليش تغيرت مو ذاك ملگاك ..
ويا وسفه اعله تعبي الضاع وياك !

********************************

روح: سمعت خاله صرخت اريد اكوم من مكاني ماكدر مادري شلون اجتني القوه وكمت اركض طلعت وجان اشوفها تبجي بحركه وتصيح الحمدالله ربي ماضيعت دموعي بلاش ولا دعائي الحمدالله ياربي بوقتها اجتاحني شعور السعاده موطبيعي حيل فرحت لدرجه ماتتصورونها هسه احس روحي رجعتلي وكدرت اتنفس تعدت الايام واليوم يجي علي واشوفه اكحل عيني بشوفته بس مادري بجيته راح كلشي ينكلب ع راسي كلاب واطيح بمشاكل مالها اول من تالي حضرنه كلشي وانه احضر بفرح وصوله بالنسبه الي رجوع عافيتي تعده الوقت وخلصنه تحضيرات وصلو فتحنه الباب الهم ونزل جيهان حيل ضعفان ومتغير كبران خمس سنين عبالك شويه ونزل علي بس حيل نصدمت من شكله موعلي الاعرفه الحلو ابو طول الحلو لا متغير وجهه كله اثار ضرب ايده مكسوره ورجله هم كلت بداخلي بيه ولا بيك يابعد روحي احسه يباوع عليه يريد يشوفني يريد يضمني بداخله احس بشوقه الي وانه هم مشتاقتله كلش دخلو جوه واصدقاءه واقرباءه كلهم اجو يتحمدوله السلامه حتى نورهان وامها حيل ضجت بجيتهم بس شسوي لليل يلا راحو الناس حتى ماشفته عدل الكل صعد ينام وجيهان شمر روحه من التعب وعلي اصر ينام وحده كلهم مابيه شي لاتعبوني بس شنو عمتي جيب وتوكل بيه طول اليوم هههه ضل وحده وطفو الكلوبات خليت الكل ينام ورحت يمه دخلت فتحت الباب لكيته كاعد جان يكلي فوتي دخلت جوه وبس ضوه جاي من الشباك عاكس عليه كفيل انو يبين ملامحه التعبانه جاي احجي وجان يكول
علي : بعد صراع طويل وي الالم احس بيه وغم فاقد الوعي فتحت عيني وجان اكو غواش اول ماكعدت الدكتور كال احسنت يا بطل ماشفت شخص بقوتك وتحملك الله ينطيك العافيه والصحه يارب هزيت راسي وكلت ماي اريد ماي كال طبعا تحتاج ماي وسوائل هواي صاير بيك جفاف المهم حمدالله على السلامه يارب اجر وعافيه شويه واخذوني لغرفه وحدي اجه جيهان ضل يبجي ويكول سلامتك خويه لو صاير بيك شي اموت النذل ابو الهاشم وابو جحيم السبب بهذا البي انت كوم بالسلامه وكلشي سهل اندمهم والله بقيت كم يوم ع هلحاله وجيهان ماضل شي ما يوكله الي بس بالكوه لان مابيه حيل ومالي خلك كلش بالي بس امي وروح الي كلبي احسه راح يطك عليها وعلى شوفتها رغم بنص الموت بس ماغابت عني دقيقه كتله ربي رجعني للحياه بس حتى اصير سند لهاي اليتيمه وحلفت بس ارجع اسولفلها كلشي عن ابوها النذل الي الغيره شتغلت عنده فجئه ويريد يشوفها يصير خير دواكم عندي مارتاح اذا ماتنعدمون ثنينكم اكلك جيهان
جيهان : كمزتني شبيك
علي : يمته ينفذون حكم اعدام هذول الزوج
جيهان : الاسبوع الجاي
علي : خوش كلام يلا سويلي خروج اريد اطلع صرت  زين اريد اشوف امي ارجع لبيتنه كالي اوكي سوه خروج رغم الدكتور كال بعدك بس كتحاليل كلش زينه طلعنه طول الطريق يمشي بطيء لمن عطت بيه وصلنه ونزله وعيني دور عليها شفتها من بعيد حسيت رجعت روحي هسه بشوفتها وشفتها شلون تعبانه وعيونها حمر ادري بيها تحبني بكد حبي الها ويمكن اكثر روح فتحت عينها عليه انه ماشافت غيري اكيد تحبني هواي فوك حبي الها دخلت جوه وانه بالي مويمهم بالي يم روح ويم هند الي مصيبه احس نزلت ع راسي صحيح جنت صاحب علاقات قويه بس ما غلطت هيج غلطه مافد يوم تجت وحده وكالت انه حامل منك اخ بس من ردت اتوب واستقر وبالحلال طلعتلي هاي المصيبه صار الليل وامي كلساع توكلني شي راحو الناس وانه حلفتهم محد ينام يمي ابد لان اريد ارتاح وادري بيها راح تجي نامو الكل وطفو الاضويه ودخلت عليه كتلها فوتي كعدت وهيه صافنه عليه جان الضوه شوي لايحها مطلع بس عيونها قبل لاتحجي كتلها مشتاقلج روح
روح : انه هم كلش هواي علي انه اسفه وعد مازعلك بعد مني بعدك عني علمني ماكدر اعيش من دونك بعد ثانيه. اموت اذا تبعد
علي : يابعد عافيتي وروحيتي لخاطرج رجعت من الموت بعد فضل رب العالمين عليه اجت يمي فتحت ايدي الها حضنتها حيل احس هسه ردت روحي خليت خشمي بركبتها وشميتها حيل كتله روح تتزوجيني
روح : حضني والكاله الي طيرني من السعاده كتله اي اقبل اي اريدك اريدك احبك رجعت حضنته
علي : باجر الصبح اكول الامي حضري روحج ويلا روحي نايمي لا تكعد امي تسويلنه سالفه هههه خلت وراحت وخليت راسي ع المخده ونمت كعدت ثاني يوم اول ماكعدت كتلها يمه اريد اتزوج بس هالمرا البنيه موجوده كالت منو كتلها روح كالت يازين ماختاريت ماكو اشرف ولا احلا منها كلامها اسعدني وكالت بس اسالها يجوز ماتريدك وعينها بغيرك المهم نزلت روح وجان تسالها امي وكالت الها اي خاله موافقه مالكه احسن من علي الي بعد كل الي سواه الي ما اامن بس بيه كلامها فرحني اكثر واكثر وامي كالت صير زين وكوم ع حيلك لاسويلك احلا حفله خطوبه بالدنيا كتلها اوكيً بس موطولين مرت الايام وانه جاي اتحسن ويوميه تجي روح يمي بالليل نكعد ونسولف وتنام ع ايدي واكعدها قبل الصلا تروح لمكانها احلا خبر سمعته ورا جيتي حمل تاج وانو جيهان صار اب تعدت وصل يوم تنفيذ حكم الاعدام وصحت لروح قبل ساعه من الحكم هنا بالبصره حيعدمونهم كعدت وكتلها
روح : صعدت ونمت وثاني يوم خالتي سالتني وكتلها موافقه مالكه احسن من علي الي وتعدت الايام ويوميه اروح يمه بالليل مارجع للفجر بحكم خطيبي فهالشي عادي عندي المهم ورا اسبوع بالضبط صاحلي علي وكلي
علي : عندي موضوع وياج بس اتمنى تستوعبين الي راح اكوله الجً
روح : كتله احجي خوفتني ابتسمت
علي : روح انتي ابوج عايش ماميت
روح : وكفت ع حيلي كتله شلون يعني عايش منو هوه وديني اله اريد اشوفه اريد اكله ليش عفتني هاي السنين
علي: اهدئي روح هنا المشكله ابوج هوه ابو الهاشم واليوم تنفيذ حكم الاعدام بيه طلب مني قبل لا انخطف انو يشوفج ف انتي هسه شنو رايج شنو تكولين اباوع عليها صافنه بس عيونها تدمع ماوكفت احس بيها نصدمت خلت وكامت بدون ماترد عليه بس عرفت جوابها خابرت وكتلهم اعدموهم ورا ساعه خابروا كالو تم التنفيذ ضلت روح بغرفته ماطلعت والغريب تاج تكول بس صافنه ما سوت اي رده فعل هدوئها الصراحه حيل وترني احس ورا كارثه صار الليل وهيه ماكو كاعدين نسولف بسالفتها وجيهان يمي وامي انه صرت زين احس روحي تمام بس ايدي ورجلي اذني يمته افتحهم جيهان كال بعد خويه ثلاث اسابيع جاي يحجي وسمعت صوت صرخه وشي نكسر رحت اركض عليه وشفتها كاسره الجامه وكاضه بيدها قطعه تريد تكص اوردتها وهيه بدون شعور تتحرك ركضت عليها اخذت منها الكزازه وصرخت بحضني ضلت تبجي تبجي تبجي كالت
روح : سولفلي ودخلت بحاله دهشه يعني ابوي نفسه.راد يبيعني ابوي نفسه الي راد يعتدي عليه ابوي نفسه الي نضراته مقرفه الي ردت اكله علي شنو جاي تحجي جاي تضحك عليه صح بس لساني نربط احس بس عيوني تصب دخلت للغرفه وضليت صافنه بالفراغ الي كبالي بدون شعور مادري شكد مر وانه كاعده مادري كل الافكار الي بالدنيا لتمت بيومها براسي وخلي يعدمونه يستاهل الله اخذ حوبه شكو شخص اذاه ومضلوم يس وصلت بيه الحاله كمت اخذت شيشه عطر وكسرت الجامه وهنا اجاني شعور انو افضل شي بالدنيا الموت حتى واحد يرتاح من شكو شي بالدنيا ماذيه كافي الاذيه الي شفتها كضيت قطعه  كزاز وردت اكص ايدي بس اجه علي اخذها من ايدي وحضني حيل ضليت ابجي واصرخ واكله ليش انه ليش انه من دون الناس والبنات هيج تعذبت ليش ليش ابوي ابوي راد يبيعني وفوك هذا كله عينه مني راد يعتدي عليه ليش علي شنو سويت شنو ذنبي وينج يمه وينج تعاي شوفي حال بنتج يمه ولج يمه  ضليت اضرب ع وجهي وابجي الكل ضل يبجي عليه وعلي كال روحو انه يمها ضليت ع هالحاله الى ان نمت بحضنه مادري بروحي كعدت ثاني يوم عيوني ماشوف بيهن احس كلشي اضلم احس غواش ع عيوني غمضت وفتحت غمضت وفتحت نفس الشي حجيت علي علي
علي : ضلت تحجي وحيل قهرتني الى ان نامت وماحست بشي غير ثاني يوم اشوف شي يتحرك جواي وشويه كالت علي علي كتلها عيونه كالت وخر عني ختنكت
روح : صدك وخر عني رجع النضر لعيوني كتله شبيك ياعلي بعدين ماتشوف يمك بشر
علي : اسفين حضره الانسه ماجنت ادري بيج حساسه هيج
روح : بعدين مورجلك وايدك مكسوره ليش تتحرك هوي وشلون اجيت لبارحه
علي : لو مو مكسر الوقت الي تحتاجيني بيه اجيج ركض بس بحاله وحده ماكدر اجي
روح : شنو
علي : وانه جوه الكاع ساعتها تعذريني كامت خلت ايدها ع حلكي وكالت اسم الله عمري ع عمرك انت سندي وروحي انت ابوي الي دافعلي وحافظ عليه كامت وباستني بخدي رجعت حضنتها وكتلها الله يخليج الي حبيبتي يلا كومي غسلي كامت كتلها روح ترا مات
روح : يستاهل خليت ورحت للحمام غسلت وجهي وانه اشوف عيوني عباره عن قطعه حمره طلعت برا وشفت تاج وخاله بوستهم واعتذرت ع الصار مني كالنً عادي لو بمكانج نسوي الاكثر طلعت تاج مسولفه كلشي لخاله عبرت الايام والايام صارت اسابيع والاسابيع صارت ثلاث شهور علي فتح رجله وايده وصحته صارت تمام رجع احلا من قبل بهواي بس دوم احس اكو شي شاغل باله ودوم تلفونه بيده مايطيحه ثانيه وصلنه شهر 4 سنه 2012 رجع الدوامه وبده يشتغل وماتاب رجع يدور ع العصابه وفعلا ورا شهر لزمهم كلهم واخذوا جزائهم بس وراها بقت تصوله رسايل تهديد هواي وخاف علينه ودخلنه انذار كلنه ههه لان حسب ماسعت يحجي وي جيهان يكله طالعه جهه جديده وبتكريت بس بعدهم مجموعه صغيره والله يستر اذا توسعت المهم بطلو تهديدات وتاج وصلت بشهر السادس وبيها ولد كلنه فرحنه واولنه جيهان بس هالايام مصطفى يجي هواي لبيت خاله وعينه من عندي واكثر من مرا يسمعني حجي شهالجمال وين مضمومه عني اخ لو الزمج ما هتميت وماجبت سيره العلي اصلا مابقى شي ع خطوبتي انه ويا السبب الرئيسي خفت اكول العلي ومايصدكني وهذا يدورها عليه طنشت الى ان وصلت بيه مرحله من يعبر يطخ بيه او يلزم ايدي من ياخذ مني شي حيل ضوجني لدرجه لاتطاق وماكدر احجي وعلي احسه مشغول مو يمي اصلا صارله فترا حتى مايسال عليه مثل قبل مادري شبي الى ان بالليل بيوم رحت عليه وكتله اذا ماتريدني ياعلي عوفني ليش تتهرب مني بهذا الشكل
علي: بعد ماكعدت وراحت حسيت بيها ارتاحت شويه تعدت الايام والاشهر وصرت زين ورجعت لشغلي وبالي يم هند كلساع تودي رساله تهدد راح اجي لبيتكم اذا ماجيت لبغداد افضحك بين اهلك وصلت مرحله ماعوف الجهاز وحتى روح هاملها كلش رجعت ادور ع العصابه وفعلا كدرت الزمهم واخذو عاقبهم بس بدت توصل رسايل تهديد الي  دخلتهم حاله انذار وشاكين بوجود قوه جديده جاي تتشكل بس هالمرا اكبر واقوى وحجيت وي جيهان وطلع عنده عرف بالموضوع تاج طلع بيها ولد وجيهان حيل فرح وكال اسميه ع اسم ابوي جهاد كتله يازين ما ختاريت بديت اباوع لمصطفى يوميه جاي يوميه بس مالي خلك اساله او اسوي مشكله بحجه ابو ميت رغم مايستاهل اصلا ماكتلهم نفذو الحكم بش روح تدري وماحجت شكلها كارهه الموضوع الى ان بيوم اجت روح بالليل وحجت الحجي كتلها انتي مسودنه شلون ماريدج بس عندي مشاكل بالشغل ويجي يوم اكلج بيها كمت بستها من راسها وحضنتها يلا سكتت وسدت حلكها فدوه العمرها شكد احبها كلما يمر يوم احس حبها يزيد بداخلي اكثر واكثر .......

صوت بجي مستمر صوت مزعج صاحت عليه وكالت  اخذ ابنك دوخني مايخليني انام شنو هاي بتليت بيه وديه الامه رحت عليها جريتها من شعرها وكتلها انتي امه فتهمتي وحجي ثاني ماريد وكومي يلا كومي حركي روحج وسكتيه لا اشمرج من السطح كلش ضايج منج وحاقد عليج كومي بسببج حياتي خربت منين طلعتيلي انتي وحده ساقطه وماتستحين الله ياخذج ويفكني منج كولي امين لج خسرتها بسببج حتى ابنها ماتريده من وراج ماصدكت طلعين من حياتي رجعتي وكعدتي ع عمري لج راسي راح ينفجر اريد الكاها جاي ادور عليها بكل مكان ماكو مالها اثر وين راحت وين كعدت صافن وجكاريتي بيدي وهيه تسكت بابني الي امه ماشافته عمره ثانيه ومالكيتها بغرفتها وين راحت وين وين اطيح بيج يا روحي وين اخ راسي يوجعني ورجعت ليوره افكر وصلت للماضي الي بسببه خسرتها مرتين صارلها شهرين مختفيه وين ممكن تروح وين ممكن الاكيها وين اخ ياعنادج ابقي وصيحي وكسري وكلشي سوي بس لا تسوين هالسوالف والحركات هايه رجعت بالضبط لقبل يوم خطوبتنه والمشكله الي صارت ماانساها طول عمري .....

علي : تعدت الايام وتفقنه خطوبتنه بعد كم يوم وكلش فرحانين وهيه حيل مخبوصه خبص بالتحضيرات صدك بوقتها حسيت بيها تحبني صدك وتتمنى تبقى وياي طول العمر ضلينه نكمل تحضيرات وحتى مشاكلي نسيتهن ع فرحتها وفرحتي الي مابقى شي وتنكتب باسمي وتصير الي وحلالي وكبال الناس كلها
روح : حددو خطوبتنه بعد كم يوم وانه حيل فرحانه طايره من الفرح الاحسه ماانطي الاحد ولا اشارك بيه احد والمصيبه هذا الاسمه مصطفى كلما جاي يتجرئ وانه اخاف احجي واوصلها العلي اخاف تصير مشكله ويطيحني ويا مايكول خطيبه عمي خلي احترم نفسي ابد كلما يتقرب موعد الخطوبه يصير جريئ اكثر بحيث احس يريد بس شخص يشوفنه حتى تخرب الخطوبه مادري شنو باله ضليت اجنبه ومااحتك بيه من يكولون مصطفى هنا انه ماطلع من غرفتي طلعنه للسوك وشتريت بدله بسيطه واجرنه صالون باجر خطوبتي وانه كلش فرحانه لدرجه ماتتوقع رجعت من السوك انه وتاج كلش تعبتها وياي حبيبتي عليها سابع هسه رجعنه ودخلت اشيائي وسبحت وصليت وطلعت برا جاي اسوي عشه وجان يندك الباب رادت تطلع تاج كتلها لا انه افتحه طلعت وانه اشمي اكول بس لا هذا الابسز مصطفى وصلت للباب ومادري وي فتحته الباب راح تختفي سعادتي كلها كمت  وفتحته وجان اشوف ........

__________________

الى هنا انتهى البارت اتمنى ينال اعجابكم