البارت الرابع
خرز هباب طبعك
عن طمع شالوك.
نيته وياك سوده الرايد يماشيك..🖤
********************************
صراع : جاي اسلم البنات وجان اسمع صوت اطلاق نار كلش قوي شويه واجو يركضون جماعتنه يكولون الشرطه الشرطه انه بوقتها حتاريت شسوي حسيت نفسي خلاص وصل يومي والشرطه راح تلقي القبض عليه حتاريت شسوي من الخبصه اتصلت ع ابو غضب مايرد دكيت دكيت مايرد اخير شي كالو اكو باب خلفي بالمخزن خلينه نطلع وفعلا طلعنه منه وانه عفت كلشي وراي وشردت ضليت اركض الى ان وصلت للطريق بس ما اوصف شعوري وانه احس نهايتي قربت دكيت ع ابو الهاشم
ابو الهاشم : هلا والله صراع بشر
صراع : شبشر باشا الشرطه قتحمت المكان وهسه يمكن الكل القو القبض عليه
ابو الهاشم : لاتكولها صراع الوضع زاد عن حده ولازم اعرف منو الخاين ابو غضب وين يمك
صراع : ها ماتدري بابو غضب مسافر
ابو الهاشم : شنو فلمه هذا كل مرا تسليم بنات يسافر والله عجيب امره
صراع : باشا تدري بيه يضوج من هاي السالفه بس كسلاح ومخدرات لا يسلمهن وبموعدهن
ابو الهاشم : وشنو الفايده ورا كل تسليم يلقون القبض ع المجموعه التم تسليمها المخدرات والسلاح اخ بس اخ يا صراع المهم مابيك شي انته
صراع : الحمدالله مابيه شي
ابو الهاشم : فدوه الك كلشي يلا ارجع يم البنات قبل شوي رجعت منهن وبحدهن جانن
صراع: تامر امر باشا هسه راجع وفعلا سديته ورجعت طياره وانه اكول لو كاضيني الشرطه جان هسه في خبر كان والبنات مسؤليتي اخ ياعلي وينك وصلت للبيت اضلم وهدوء جاي ادخل وجان اسمع صوت بجي خفيف كلش تقربت من المصدر شعلت الضوه وجان اشوفها كاعده وحيدها كتلها ها تقى
تقى : بعد ماراح ابو الهاشم وروح نامت تسحبت جوه كعدت وحدي وتذكرت كلشي يخصني ويخص اهلي وشلون طلعت وشلون اجيت هنا ضليت ابجي حيل بكل قوتي وانه اتذكر ابوي شلون جان يعذبني اقسى انواع العذاب وانه بعدني طفله بعمر 10 سنين وماشافت اي شي من حنان اهلها بعز بجيتي ودخل عليه صراع فتح الاضويه وتقرب يمي وكال
صراع : خيرج تقى شبيج كاعده وحيدج وليش تبجين
تقى : مابيه شي عمو
صراع : ضحكت كل صوتي والله باوعت عليه صافنه عليه
تقى : ليش تضحك عمو
صراع : لج ستوني راجع من شغلي وتكولين عمو والله ضحكتيني شفتيني شيباتي تارسات شعري
تقى : لا اسفه ومقصدي اكول هيج بس احتراما
صراع : تقربت عليه كلش وكتلها كولي صراع صراع وبس يمن يروحلج صراع فدوه
تقى : تقرب عليه توترت وحسيت كلبي حيطلع من مكانه بسبب دكاته القويه جان يكلي يمن يروحلج صراع فدوه جاي ارد ونزلت روح
روح : تقى وينج تقى
تقى : هياتني هنا شبيج حبيبتي
روح : مساء الخير صراع شبيك شو كلك تراب
صراع : والله ياروح جنت بشغله وعطلت السياره ونزلت اصلحها وتربت
روح : ها الله يساعدك وانتي وين جنتي وعيونج ليش حمر طبعا ادري بيها باجيه لان كلش يبين عليه عيونها من جوه تصير حمر وخشمها هم
تقى : مابيه شي نزلت اشتم هوه ومادري احس حساسيه ضربتني شوي الجو بارد بره
روح : ها خوش ردت اصعد وتذكرته كلت اسال عليه التفتت وكتله صراع
صراع : نعم
روح : ااا اريد اسالك سوال ومتردده
صراع: كولي
روح : ابو غضب اقصد علي وين صارله من امس بالي يمه اقصد موهنا
صراع: ابتسمت وكتلها مسافر
روح : يرجع بالسلامه صعدت وانه افكر بكل شي صار وياي وشلون شفته وشلون غلطت عليهم شكد عيب منه وهوه ساعدني ضليت افكر بيه كلت شلون صارت ايده هسه يلا انشالله زين الحمدالله خليت ونمت وتعدت الايام وصار ع غياب ابو غضب اربع ايام وهوه مامبين بالي صراحه ضل عليه كلت وين اختفه وابو الهاشم يوميه جاي وصراحه لعبت. روحي منه شلون يباوع عليه انه بالذات بس انه خايفه ع تقى منه والله اكتله واشرب من دمه والله المهم هناك كاعدين ويانه ابو الهاشم ماشوف الا ابو غضب دخل علينه حيل فرحت بشوفته وجان يكول ..
في مكان اخر
النقيب : سيدي خلصت المهمه محتاج مني شي اريد انزل
القائد : تسلم حضره النقيب جهودك هاي ماننساها بفضلك وفضل ذكائك كدرنه نطيح بهواي ناس طبعا تخطيطاتك الها فايده جبيره واكيد اذا وصلنه للراس الجبيره راح يتم ترقيتك
النقيب : سيدي هذا واجبي تجاه وطني وانه همي الوحيد بس اريد اثبت العداله وبس اريد احمي بلدي من الفاسدين هذا كل همي وانشالله انطيح بالراس الجبيره
القائد : حضره النقيب اهم شي السريه التامه
النقيب : حاضر سيدي احترامي سيدي مع السلامه
النقيب : الله وياك ابني محروس .....
أنت تقرأ
سراديب
ChickLitعلي : فتحت الباب ودخلت اباوع بيناتهن وجان اشوف موبنيه ملاك كاعد بيناتهن جميله الى ابد حد وصلت يمها وجان تطفر عليه تريد تضربني كضاها صراع كتله لج احترمي نفسج شنو وين كاعده روح : من انتم تحترمون جبتوني غصب وخطف من الشارع وتريدني اسكت الله لايوفقكم ال...
