سراديب

البارت السادس والعشرون

البارت السادس والعشرون

توجعني الـ شلونك وانا اردها بخير🔥
‏كسروا خاطري كسرة جناح الطير
‏ويا طير اليعيش بكسرة جناحه ؟ 💔

*******************************

روح : فتحت الباب وجان اشوف بنيه بس هالبنيه مادري وين شايفته مجاي اتذكر كتلها تفضلي كالت موهذا بيت ابو الغضب رئسا نعصر كلبي كتلها برجفه اي تفضلي كالت انه هند بلكي تصيحي الي اريده بسالفه اباوع عليها مبين عليها حامل جانت الدنيا ضلمه ماشفت باقي ملامحها عدل دخلت جوه كتله علي اكو بنيه تريدك برا اسمها هند اباوع عليه وجهه نكلب صار مايتفسر كلي وشنو كالت الج كتله مكالت شي غير اريد ابو غضب عندي سالفه ويا حسيت الدم رجع بوجهه كال دخلي ولاطلعين بعد ومرا ثانيه تصيحيلي انه هنا رجال البيت لوموبعينج عيديها بعد وشوفي اذا ماكسر راسج ضليت صافنه كلت شبيه ختلف اسلوبه وياي خله وطلع مستعجل صار عندي فضول اطلع اسمع شنو تكله طلعت ع كيف الضلام بهذاك اليوم حيل فادني حسيت وراها جان مستغفلني حيل طلعت وكفت ورا الشجره وسمعت الحجته حسيت طابوكه وطاحت ع راسي ماتحملت حجيها خليت وطلعت وكفت كبالهم هوه ندهش من تصرفي بعصبيه وحركه كلب ودموع طيح كتله
علي : فرحتي ماتنوصف مابقه غير اليوم وباجر تصير الي وماطول العرس بسرعه اتزوجها بس ماجنت ادري هاي مجرد احلام وراح طير بساعه اجتني هيه بنفسها وكالت علي اكو بنيه بالباب تريدك ارتبكت وفعلا حسيت لوني نخطف كتلها مكالت شي ثاني كال لا اريد بس ابو غضب حسيت الدم رجع بوجهي وتنفست عدل كتلها مرا ثانيه اكسر راسج اذا طلعتي شنو مو انه رجال هنا موجود خليت وطلعت مادري يمكن اريد اهرب منها وصلت لعندها وجانت بطنها جبيره كتله نعم تفضلي كالت
هند : علي حرام عليك يعني صارلي خمس شهور ماتدري عني وانه دخلت بشهري الثامن لااجيت لا كلت ابني بطنها خل اشوفه شلونه
علي : الضاهر صدكتي هذا ابني لاعيني اصحي انه ماعندي اولاد
هند : حرام عليك علي والله العضيم ابنك وداعته هوه وبطني وبعده ملاك صغير ابنك محد لامسني غيرك ليش متحس بيه علي ترا تعبت من بيت البيت حتى اشتغل واصرف ع نفسي خاف عليه يا. اخي اذا عليه يجوز اطلع بلا رحمه واشمره بدار الايتام علي هذا ابنك وكتلك محد لامسني غيرك ولا راح يلمسني بعدك شخص
علي : انه اكول منين مااجيتي روحي وعود من جيبين اسوي التحليل واذا ابني اخذه لاتخافين مايضل عندج دقيقه ماخلي عند وحده امها استغفر الله ربي فاكيد ما امن بيج جاي احجي وماشوف الا روح وكفت كبالي بقهر وحزن مالي عيونها ملي وكالت
روح : جذبت عليه عيشتني بوهم انو بس انه بحياتك علي تاليها تجيني بنيه ومنو بنت ام هند الي باعتني الي كسرتني راد يحجي ماخليته كتله اسكت ولا كلمه انت واحد غشاش انت اخر انسان ممكن اصدك انو يكسرني بس للاسف ماجنت ادري انو تجيني هالكسره ومنك انت المسميتك سند وابنك اعترف بيه خطيه ولهنا وكلشي انتهى بينه وعتبر الخطوبه الغت خليت وركضت جوه دخلت للغرفه وسديت الباب ضليت الوب بالغرفه مثل الشي المكسور المجروح وماعنده دوه يخفف المه غير البجي ضليت اتحرك منا ومنا وهوه فلش الباب كتله باعلا صوت روح منا ماريدك بعد لوتبقى اخر انسان بالدنيا
علي : حجت الحجي الي كالته ومن وصلت لكلمه كلشي انتهى بينه واعتبر الخطوبه انتهت حسيت الهوى نكطع عني ردت احجي رئسا دخلت تركض وسدت الباب وقفلته ضليت ادك بيه وكلها التمت عليه وحتى هاي الادبسز هم دخلت واكفه بعيد ومبتسمه ودي اروح اكسر راسها والله لحد مااجاني صوتها لوتبقى اخر انسان ماريدك ع هاي كلماها صحيح انه غلطان بس مانطتني فرصه اشرح الها الوضع رئسا حكمت عليه من يمها كلت خليها براحتها رحت وعفتها وكلبي مثل النار عليها كعدتهم وكتلهم كلشي الوحيده الي فرحت يمكن امي كمت ع حيلي وكتلها سمعي لج تبقين هنا بدون اي مشاكل وبس جيبين الطفل اسويله تحليل خوش واذا طلع ابني تخلينه وتولين مكان ماجيتي فتهمتي ابتسمت وكالت تمام مادري بيها هيه حيه راح تلعبها صح طول الليل بالي يم روح والخطوبه انلغت هيه هيج هيج جانت بس بينه كوه نمت وفزيت ساعه عشره الصبح اليوم ماخذ اجازه ع اساس خطوبتي بس فرحتي ماكتملت مابقى غير شهر واحد بس واخلص من هند كعدت الصبح رحت للمطبخ كاعدين كلهم ماعدا روح وكلها تسولف وي هند جانت سهيله جايه اجت سلمت عليه وباستني وشاورتها كتلها تصعد تشوف روح كالت خويه قبل شويه صعدت من كعدت هند وكالت. لحد يصيحني ع الاكل ماشتهي كنالها خوش فهمني ياخويه شصاير كتلها بعدين تعدن يومين وانه ماشايف طولها ولا حتى لمحتها ويوميه مصطفى اشوفه بيتنه خليت بالي ويا هالمرا اريد اشوف وين يوصل بسوالفه جنت قبل ملتهي بسالفهزالغضب هند هسه اجت وكعدت كبال وجهي تعدت الايام وماشفت روح ابد شتاقيت الها كلش هواي لدرجه جبيره ماجنت متوقع هيج عنيده من اكون موجود ماتطلع من اطلع تنزل وهاي هند دخلت بشهرها واخيرا راح اخلص منها الى ان بيوم اجيت للبيت الدنيا ليل وجان اشوف .....
روح : بعد المشكله الي صارت حلفت ماخلي يشوف طولي ولا يسمع صوتي وفعلا من هوه ماموجود انزل. من هوه موجود اصعد فوك ومانزل لمن يطلع جنت دايما اتصرف بحسن نيه وخليت هند صديقه ومقهوره عليها تكول شلون من ياخذ ابني ويطردني صراحه اجه بالي اعوف البيت او اتزوج شخص ثاني حتى ياخذها علي ومايخلي الطفل يتيم خطيه تقربت الي لدرجه جبيره وضلت يوميه تحجيلي عن مصطفى وشلون يحبني صراحه تفاجئت من كلامها بعدها مصار الها شهر وهيج تعمقت بحياتنه ومصطفى يكعد يشكيلها انو انه مامطيته وجه وهوه متاذي ويريد يخطبني لدرجه صدكت هوه فعلا يحبني وكلت اذا تقدملي اقبل كافي كاعده بيت الناس عاله عليهم علي وماراح اتزوجه لويموت انتهه بالنسبه الي علي غشني وضحك عليه لومصارحني يمكن اسامحه مابقى شي وادخل بال 16 سنه هواي شفت بعمري وبعد ششوف تعدت الايام ومضايقات مصطفى مستمره كلت وصلت حدها لازم اكول ع الاقل التاج ماريد تجيني مصيبه هند دخلت بشهرها وبجيها مستمر مجنت ادري هاي دموع تماسيح ممكن تحركني بيوم من الايام وبيوم الدنيا ليل جاي ابدل وماشوف الا الباب نفتح عليه باوعت لكيته مصطفى كتله انت شسوي هنا اطلع برا
مصطفى : بس خليني افهمج خليني احجي وياج انه احبج
روح : اطلع برا مصطفى لاتخليني اصرخ والم عليك البيت
مصطفى : تقربت عليها وردت ابوسها بالقوه قاومتني خليت ودرت وجهي كتلها يجي يوم وغصبا عليج تصيرين الي
روح : مادري شنو صار وشلون دخل ضليت صافنه كلت الباب مسدود شفتحه بعزه صفنتي ودخل عليه عليه بدون تفاهم ضربني ع وجهي طحت بالكاع وانه مصدومه مادري شنو الفلم وجان يكول
علي : شفت مصطفى طالع من الغرفه كتله شسوي هنا ادبسز كال ها عمي روح ودت عليه وجيت خله وطلع يركض مادري شنو اتصرف بوقتها اروح ورا اشرب من دمه لو هاي الي مخليها بيتي عبالي شريفه طلعت ساقطه وحيوانه دفرت الباب كبل بدون نقاش ضربته وكتلها انتي وحده ساقطه وماتستحين وصلفه ورجعت ضربتها مرا ثانيه حسيت.روحا راح تطلع اجه جيهان وتاج وامي وهند كلهم واكفين جيهان يريد يفكها مني ماكو كتله هاي الكلبه مدخله مصطفى للبيت مسويه. روحه شريفه عليه ورفضتني الضاهر جانت حجه حتى تختلي بحبيت الكلب كال شدتخربط علي البنيه صارلها ها تقريبا تسع شهور ماشفنه منها شي غير كل خير
روح : اباوع مصدومه اباوع ابتسامه مرسومه ع وجه هند كوه كاتمتها هنا طخت عندي بس حلفت ماحجي ولا ابرر الله كفيل انو ياخذ حوبتي من شكو شخص اذاني صرخت وكتله شتريد هسه اطلع برا وماريد اشوف وجهك انت مو ولي امري افتهمت وشتريد تسوي سوي برا اطلع اجه عليه وجيهان كضه
علي : قسم بالله اذا كلتي مالك علاقه بيه ادفنج بمكانج ومحد يسال عليج بعد صلفه ساقطه يصير خير باجر اجيب السيد واريدج تكولين لا والله ادفنج تف عليج خليت وطلعت وانه فاير ولاول مرا اشوف نفسي قاسي لدرجه مامتوقعها وحتى مادافعت عن نفسها وهذا القهرني سكوتها يدمرنني اجاني جيهان
جيهان : شبيك يا خويه كلشي ينحل بالتفاهم
علي : لك ماشفته شلون طلع من غرفته قميصه مخربط وشكله مقرف وانه رفضتني والله ع علاقه قديمه ومالي شغله بيها وحتى مااجت ستفسرت مني او خلتني ابرر الها كتلك جيهان باجر اجيب الشيخ وغصبا ع راسها توافق والله اذبحها
جيهان : الله كريم خويه
علي : كمت ركضت لبيت عابد دكيت الباب طلع مصطفى ومبتسم وانه النار شابه بكلبي وصل يمي كبل ضربته بوكسي وضليت اضرب بيه وهوه يضحك مثل المخبل وكتله بيتنه يتعذرك اذا شفتك بيه ادفنك بالحديقه ساقط خليت ورحت وانه انهت من العصبيه والجهد الي سويته جاي امشي وصاح صدكني ياعمي اخذها لو بعد ميت عام وضحك هههههه ردت ارجعله بس ستعوذت الشيطان ورحت للبيت كعدت بالحديقه ع الحشيش وجكاره ورا جكاره مرات النسوان طيح حظ الزلم تكسر ضهور اخ ياوجع كلبي ماجاي يهدا ضليت كاعد لوجه الفجر برا واخير شي حسيت راسي راح ينفجر كمت ودخلت جوه صارت بوجهي وجهه مورم وكتلها بسيطه انه اعلمج ماردت عليه خلت ودخلت لغرفته للعصر جبت الشيخ وبده يعقد وجان يجيبوها وردد الشيخ هل تقبلين الزواج ضلت ساكته عاد مرا ثانيه ردت وجان تكول
روح : بعد ضربه الي واتهامه فضلت السكوت ع الكلام وكلت ميخالف الله موجود طلعو وبقت هند تقربت يمي وجان تكلي شي صدمني كالت بعدج مشايفه شي والله الا اخليه يشيلج من ياختج ويطردج برا وبعد ماشوف وجهج ابد كتلها انتي وحده كلبه ومسمومه انه صوجي امنت بيج بس ثقي الله موجود وراح ياخذ حقي منج طلعي برا يلا برا طلعت وانه ضليت ابجي بحركه ضليت كاعده للصبح صار الفجر وانه اكول لو يموت ما اخذه ما اتزوجه انتحر ومااخذه ضليت اللوب طلعت اتوضى برجعتي من الحمام صار بوجهي ماباوعت بوجهه خليت ودخلت للغرفه صليت وامتددت مااكلت ولاشربت حتى تاج عجزت مني سولفتلها الصار وكال
تاج : اني كتلج من البدايه هاي حيه مامرتاحه الها عوفيها تولي انتي كلتي لا خطيه يتيمه مثلي ماصدكني وفلم مصطفى اكص ايدي اذا هيه مامخططه ويا بس مجنت متوقعته هيج ساقط
روح : الله موجود
تاج : شراح سوين ترا راح يجيب الشيخ بعد شوي
روح : مااقبل لو مويدفني يتهمني ويريد يتزوجني وغصب صحيح ماعندي اهل بس مومعناها يشتريني ضليت ابجي بحضنها وهيه تهدي بيه تاج عباره عن كتله من الحنان الي يطيب اي جرح ممكن يصيبك راحت والعصر دخل عليه كالت
هند : سمعي لج راح جاب الشيخ اذا كلتي موافقه صدكيني اندمج واطردج من البيت والله صارلي شهر لطيفه وياج خليني النهايه لطيفه ولاتحاولين تتحديني بنت ساميه انه
روح : طلعي برا خلت وراحت وهيه تتوعد كلت بسيطه ياهند انه علمج عامل بالمثل حتى الله كال وعامل بالمثل يصير خير اجه الشيخ واجت خالتي اول مرا رفضت بس كالت الخاطري لا تسوين مشاكل طلعت كعدت ورا الباب وردد ثلاث مرات وانه اباوع الهند وعيني بعينها الى ان كلت نعم وانت وكيلي اباوع عليها صارت زركه من الحقد ابتسمت وانه اخذ اول انتصار الي كمل الشيخ وخالتي هلهلت كلت بكلبي ياهلاهل هاي الي صار كله غصب ولا يتوقع اقبل بيه بيوم المهم تعده اليوم ونه نايمه اجاني حلم حيل مرعب وغريب مثل احلامي القديمه انو انه بيت وهالبيت نفسه الي نحبست بيه بس هالمرا انه السجان اسمع صوت بس مرعب طلعيني روح انه مشتاقلج طلعيني حبسني الشيخ الي رحتيله طلعيني الصوت يجي من غرفه هالغرفه كله نار تخوف والصوت يخوف بعد اكثر ضليت اقرا ايات وي كل ايه تزيد النار والصوت يعله بالصراخ كعدت اصرخ وجان يفتح الباب علي ويكلي
علي: بعد ماانطت موافقتها رتاحيت كلت يعني اكو امل ولو بعد الامل نعدم عندي هيه وحده ادبسز وصلفه بس يارب انه احبها ماكدر ماكدر احس دمي فار من شفت هالموقف رغم من دخلت جانت وكفتها عاديه ولبسها هم وانه رئسا دخلت هواي شكوك اجت بالي خلص اليوم وبالليل طلعت اريد اشرب ماي وجان اسمع صوت ونين جاي من غرفته اشوف ضوه خافت ونين اخير شي صرخت انه كبل فتحت الباب ودخلت كتلها خومابيج شي شبيج ردت عليه
روح : اطلع برا ولاتدخل غرفتي اطلع برا علي ماريد اشوفك اطلع
علي : عصبتني حيل تقربت يمها شفت ع ايدها اثار زركه ماسئلتها شنو بس تخبلت من شفتها كمت وضربته كتله ادبسز وهم الج عين تحجين دباعي الاديج وانتي عباره عن قرف صايره ردت اطلع صاحت عليه
روح : راح يجي يوم وتندم ع كل كلمه كلتها الي صدكني وانه واثقه من عداله رب العالمين بس ساعاتها ماراح اسامحك ع كلشي سمعته الي او سويته الي طلع وضليت بحيرتي باوعت ع ايدي وانه كلبي ياذيني ماريد ارجع الايام قبل ماريد ارجع للاحلام المخيفه ماريد اصير عباره عن جسد بلا روح ضليت ابجي وادعي ربي كمت توضيت وكعدت اقرا سوره البقره انه رغم عايفه المدرسه بس كلش قويه بالقراءه ماعفتها ابد يوم عن يوم احس جسمي يضعف واكره الاكل وما اواطنه وبيوم كاعدين نتريك وجان تكلب معدتي مادري من شنو كبل رحت للحمام وكلها ضلت صافنه رجعت كتلهم يمكن ماخذه هوه حجت هند بضحكه
هند : هههه خاف حامل
علي : اكلي خرا هند ادبسز شنو حامل امشي ولي منا
روح : خلت وكامت فضليت صافنه عليها شحجت وخاله هم ساكته وتاج بدلها تموتها باوعت ع علي يباوع بغضب وكلي حضري روحج نروح للدكتور خاف بيج شي مارديت عليه بس اروح بكل مرا وكل تصرف يطيح من عيني اكثر انه موصغيره انه افتهم وللعلم بوقتها جانت عليه الشهريه بس كلت خلي براحته شيسوي حل يسوي الي رب كريم هوه كفيل بكلشي دخلت لغرفتي طبعا هند تنام يم خالتي وعلي بغرفه جيهان القديمه فوك تقى نكطعت اخبارها بس امس سمعت علي يحجي لجيهان ويكله حامل وسعد طاير بيها لومامرض امه الي اجا صراحه حيل فرحت الها تقى بنيه كلش حبابه وتستاهل كل خير وتاج هم الا انه المشاكل وراي وراي مالها حل وماتنحل صار العصر ورحت للدكتور ودخلت طلب تحاليل وطلعن وكاله ليش هيج بابا. وين جنت عنها نسبه دمها حيل نازله لازم تخليلها دم اضافه الى نقص فيتامنيات كلاله ع القيء ولعبه النفس كال الدكتور اي ابني طبيعي البنيه عدها نقص حديد وكثير من الفيتامينات اهم شي الراحه والحاله النفسيه طلعت وشترى الدوه وخلصنه رجعنه للبيت ومن وصلنه كتله بكل خطوه تخطيها جاي اطيح من عيني اكثر خليت ونزلت وهوه صار نار دخلت للبيت لغرفتي تمددت بملابسي ماحسيت ع روحي نمت ...

تعدت الايام وماجاي اطيح بيها وين راحت معقوله سافرت لغير محافضه معقوله سافرت لغير دوله بوقتها جان هواي اكو تهجير بس كلت لا ماسويها احس صارت عندي عله بفراكها وحيل تاذيت وابنها هم جاي يكبر وهيه ماكو سبع شهور مفقوده وين تروح معقوله حتى عد خالتها رحت اي انه السبب بكلشي انه السبب بالليل صار كله مني وينج يا روح وين رحتي وابنج المن عفتيه هيج كلبج ينطيج موجنتي تكولين يمته اشوفه كلشي خرب بسبب هاي الساقطه الي هجمت حياتنه وين الكاج روح وين ممكن ترحين وين ممكن ادور عليج وصلت بيه مرحله خليت اسمها وصورتها بكل السيطرات الي ع المحافضات ورقمي وياهم وجيهان طبعا ساعدني بهالشي سبع شهور ماضكت طعم النوم احجي دايما وي روحي والجكاير مامفاركني كافي رجعي ادبتيني ونطيتيني درس رجعي روح كافي عاد وصلت بيه مرحله احجي وي روحي وابني كاسر ضهري مخليه عند وحده قذره وصخه بس من لا جاره وبيوم طالع ادور عليها كالعاده حتى شغلي وعفته مارجعت لليل اول مادخلت وجان اشوف .....

عليج : طلعت من يمها وانه معصب وحجيها عصبني اكثر فوك. شينها كوات عينها خليت وصعدت مرت الايام وانه اشوفها تذبل كبالي ماعندي حجي وياها وهاي هند يوميه تكول عندي ولاده وماكو شي بس خابصتنه عالفاضي بيوم كاعدين نتريك وروح ويانه بس ابد متباوع عليه هند لاطشه بيه حيل ضجت منها صراحه لعبت روحها وصار الي صار فوك كلت خليني اخذها للدكتور صراحه دخل الشك كلبي بعد ماكو فايده اخذتها وطلع عدها مقص بالدم وفيتامينات وكالي تجي بفلان يوم تخليلها دم بس هيه كالت ماريد اكل اكل واصير زينه انطاها علاج بديل عن تحويل الدم وصلنه للبيت وكالت كل حركه تسويها يوم عن يوم طيح من عيني اكثر خلت ونزلت صراحه انه زودتها وياها كلش يعني هالمرا صدك غلطان احنه وصلنه بحبنه تعرفني من عيوني بشنو افكر والضاهر كشفتني بس هالمرا غير احس نقاط جاي تزيد عليه يوم عن يوم ومادري ليش سكوتها ياذيني اكثر مر اليوم عادي صعدت لغرفتي بالليل وجان ينفتح الباب واشوف هند داخله عليه كتلها شسوين هنا كالت مشتاقتلك حبيبي ابنك مشتاقلك كتلها شلج بهالكلاوات يلا لج انزلي جوه قبل لا افلش راسج ولي ادبسز خلت وطلعت ثواني من طلعتها وجان اسمع ......يتبع

برايكم شاف علي بهذاك اليوم اخلي التعليقات الكم
تحياتي

..............................//////////
الى هنا انتهى البارت اتمنى ينال اعجابكم