سراديب

البارت التاسع عشر

البارت التاسع عشر

بالعافيه من ابعدت يمخيب اضنوني
وضعك حلو ومستقر!
ناسيني حد الوجع جا هيج كالو ولك!
من نفترك اختل بسد دمعتي
وما تسال شلوني؟!
********************************

روح:  شفت الدكتور طلع وجان يكول الحمدالله ع سلامته كعد من الغيبوبه بس شوي تعبان ويرادله راحه احس الروح رجعتلي بكلمته وخالتي ضلت تهلهل بس منع احد يزوره ياربي الحمدالله والشكر يا رب الحمدالله رجعت النه سالم ربي لا يحرمني منك ابد وراها بساعتين اجت خالتي وكالت هسه تجين وياي ماخلتني حتى اشوف علي خليت ورجعت وياها وانه احس روحي فرفحت لان ماشفته ماكتله علي مشتاقتلك شوفته صارت بالنسبه الي حلم وبس اخ ياعلي خليت ورجعت للبصرة بعد ست ساعات وصلت لفيت راسي ونمت حتى ماسئلت ليش رجعتيني وليش اجيتي وشصاير ..
علي : فتحت عيني ع الم قوي بصدري احس الهوه خانكني خنك الدكتور فوك راسي اسمعه يكلي الحمدالله ع السلامه بطل طلعت من الموت غمضت وبداخلي اكول كل مرا متعود ع الرصاص بس هالمرا حسيته القاضيه بس الله دفع عني المهم وراها بساعات طلعوني غرفه وحدي واجت امي وجيهان وتاج وسعد هم وتقى كلهم يتحمدولي السلامه وبالي ضلت روح دورت عليها بعيوني مالكيتها كلت معقوله مااجت تشوفني معقوله هنت عليها ليش هذا حبي كله ما اجه بعينها وزعلت ع مود شي تافه ولان اغار عليها بسيطه يا روح يصير خير ونوب حجيت و كتلهم انه وين
جيهان : حسيت بضربته نكسر ضهري ايام واحنه ننتضره نكعد واشوف روح تذبل يوم عن يوم وماتحركت بس عجيب ليش اجت اخذتها خالتها ماخليت بالي كعدت وفرحتنه ماننطيها الاحد وامي هم سجدت شكر دخلنه يمه وهوه كوه يحجي واحس بيه يدورها بعيونه بس محجيت ماردت احرجه كلت بعدين اكله المهم سال انه وين كتله بمستشفى بغداد انشالله كم يوم وناخذك للبصرة
علي : جيهان بكحه وصوت مبحوح شخبار الساقطين هذول
جيهان : عوفهم هسه مو وكتهم
علي : جاوبني جيهان لاتعبني
جيهان : بالحجز وياهم هم العصابه الثانيه كلهم كضيناهم انت بس كوم بالسلامه والباقي سهل
سعد : خويه والله فطرت كلبنه تفطر ليش هيج دومك متعب نفسك
علي : خلص عذابي خلص 11 سنه مرت وانه بالقهر و الظلام  كافي بعد ماكدر اصبر اكثر راح تحاسبون كلهم ومحد راح نستثنيه
ميساء : يمه عوف الشغل ماصدكت تطلع بالسلامه يا يمه
علي : انشالله يالغاليه ماريد ابقى بالمستشفى تدري بيه اكرها جيهان
جيهان : ع مود صحتك اباقلك كم يوم
علي : اريد اطلع جيهان ونرجع للبصره تمام وجهزو لعرسكم انت وسعد
سعد : صير زين خويه
علي : منا لمن تجهزون روحكم وانت هم نجهز نفسك صاير زين
سعد : مو انه ماريد اعيش هنا اخذ تقى واروح. اسكن اربيل
علي :  الي تشوفه بس عرسكم لازم يصير كلش جبير وانتي يمه اريدج بموضوع من نطلع من المستشفى ونرجع لبيتنه جيهان المجرمين نقلوهم سجن البصرة لان قررت انتقل هنا شغلي وكلشي
جيهان : زين سويت بس هسه اسكت بدون حجي
علي : غصبا عليه خلوني بالمستشفى وبقيت يومين وطلعت كبل كتلهم نروح للبصرة وحجوا عليه ماقتنعت خلينه ورجعنه واستاذ جيهان يسوق ع كيفك ب10 ساعات وصلنه  نزلت وتمنيت اشوفها رغم حزني وخيبه املي تمنيت اشوفها بالبيت اشوفها مهتمه طول هالفترا لا سالت عليه ولا شفتها ليش شنو السبب بقيت صافن ع الباب كلت هسه تطلع اجت امي كال يلا يمه فوت شمنتضر ايست ودخلت للبيت تمددت ع القنفه ونمت
تاج : بعد ماكعد علي روح كلساع تتصل وتكول مادري منولاعب براس عمتي ماذيتني كلش ورجعت مثل قبل وياي راح اهج منها والله وانه بقيت اصبر عليها ورجعنه وبدينه نحضر للعرس طبعا احس جيهان مغصوب عليه وكلت اريد احاجي قبل لا نحضر كلشي حتى ما نتفشل وي الناس بالنسبه السعد سافر لاربيل يجهز بيته ويكمله يلا يرجع وهاي تقى باقيه مصفصفه مايقبل يشتريلها تلفون يكول موهسه من تصيرين ع ذمتي المهم ماريد بيوم ينجبر عليه عندي بيت وفلوس وافتح صيدليه لازم احاجي تعده اليوم وصارت الدنيا ليل طلعت كالعاده اشتم هوه بره شويه واجه كعد يمي كتله جيهان كلي عيونه كولي كتله عندي وياك موضوع ياريت تفهمني
جيهان : خوفتيني احجي
تاج : ماريد اتزوجك
جيهان : شنو بصدمه
تاج : اسمعني اول ماريد اتزوجك وانه احس بيك مجبور عليه حتى تحميني القاضي وحكم لصالحي
واخواني وماراح يتعرضولي بعد من هسه ماريد بعدين تصير مشاكل والاتفاق اتفاق بينه
جيهان : رفعت حاجبي وكتلها تاج انه احبج
تاج : كلمته صدمتني شنو يعني تحبني
جيهان : اي احبج من اول ما شفتج  ومشكله خوانج سهلت عليه كلش الامر وصرتي اقرب الي بس بسبب الشغل والضروف المرينه بينه ماكدرت اتقربلج واخليج تحبيني يجوز انتي الماتحبيني وانه اسف ماخليتج تحبيني هاي الفترا كلها تاج انتي احلا شي صار بحياتي
تاج : عيني دمعت وكتله موكتلي اختيً
جيهان : انتي ثوله جنت اشاقه وياج يعني اكو واحد يكول لوحده اختي وهوه من يباوعلها ينسه الدنيا كلها
تاج : استحيت من كلامه وكتله لعد خليني اسولفلك الي بداخلي
جيهان : سولفي
تاج ؛ بديت اسولف اله وشلون من شفته اول مرا ومداهرنه وكتله وصفت اله حبي بس مرات يزعجني بس هسه احس روحي اسعد انسانه يمكن الله عوضني مرات رب العالمين يعوضنه عن هواي اشياء مثلا يرزقك بانسان يكون ع شكل حياه تباوع عليه تحس الدنيا كلها جمعت يمه حيل تحبه وتحترمه وتريده بكل عيوبه انه هيج جنت اشوفه جنت اشوفه الحياه بالنسبه الي. والله يقدرني واسعده بهذا اليوم صرت اسعد انسانه ماجنت ادري بعدين شراح يصير وياي كمنه نمنه من بعد سوالف 4ساعات نمنه ساعه 4 الصبح وثاني يوم كوه كعدت ع صوت خبصه وصياح كلش قوي رحت اشوف منو الاجه وطلعت وجان اشوف وداد خاله روح تصيح
وداد : كلولي وين بنتي وين وديتوها
علي : يا بنيه شبيج محد اجه
وداد : ماعدها احد غيركم هسه طلعونها من جوه الكاع  لا والله اشتكي عليكم
علي : بديت افقد اعصابي وكتلها شسويتي للبنيه انتي الوين وديتيها فكري تشتكين بس وشوفي شراح اسوي بيج والله اكلبها عليج لاتلعبين ويانه احنه الدوله ويلا من غير مطرود طلعي برا خلت وراحت وهيه دردم ع روح وتدعي عليها ردت اروح اكتلها بالبرجلي بس كلت مرا جبيرهً
ميساء : شبيك يمه شبيها خالتها
علي: من اليوم الشفتها بيه وانه مامرتاح الها وحده حيه من تحت تبن احسها تكرصً وضم راسها
تاج : يعني روح وين شبيها
علي : مادري تاج مادري ماشوفيني يمج. خابريلي جيهان خل يجي
تاج : صار رحت خابرت عليه وجان يرد عليه كلي انه براس الشارع وصلت فتحيلي الباب طلعت برا وفتحت الباب وجان اشوف روح ويا بالسياره صحت علي علي هاي روح وي جيهان اجه علي يركض الها ومبين اللهفه بروحه رغم جرجهه بس كانت رده فعله  قويه
روح : بعد مارجعت للبيت ورا فترا بدت تتغير معاملتها وياي ورجعت مثل قبل واسوء ذبت عليه الشغل كله وتتامر عليه مادري منو يلعب براسها بوقتها خابرت ع تاج وهيه ضلت تصبر عليه شعوري بوقتها قاتل عفت حبيبي والناس المرتاحه وياهم واجيت لهاي نسيت هيه حيه كلساع تبدل جلد ضليت ع هالحاله كم يوم وتعدت الايام ومعاملتها يووم اسوء من القبله وبيوم راحت للسوك العصر وبقيت بس انه بالبيت قبل لا انهزم بساعات لان بنيه طفله عمرها ستوه 15 وشافت اشكال والوان من التعذيب والقهر والفراك بكل انواعه جربته انه غبيه بقيت بالبيت وحدي شويه واشوف احمد دخل للبيت وهوه موبوعيه شافني وتقرب يمي
احمد : هلا بالكمر نورتي البيت امي وين
روح : خفت منه كلش كتله ها طالعه هسه تجي عند الجيران
احمد : حلو خوش طلعه بوقتها تعاي اكلج شغله
روح: شتريد عوفني
احمد : تعاي لج
روح : جرني كل قوته من ايدي وانه ادفع بيه ومادري شنو منتضرني ضل يضرب بيه وضربني ع وجهي حسيت شي حار نزل من حلكي وبقه يضرب بيه ويكول كلبه ساقطه ترفضيني الله يعلم بيا حضن نايمه وبيا مكان والله يعلم استاذ علي شمسويلج حتى هيج تتعلقين بيه خاف مطيته نفسج صرخت حرام عليك حرام عليك مامسويه شي عوفني بده يضرب بيه بطني برجله تاذيت حيل وحده من ضرباته اجت بوجهي وخشمي ضل يصب دم بوقتها تمنيت النفس يوكف واخلص من القهر الي انه بيه دنك عليه جراني من شعري وداني للصاله وشك قميصي وكلي اليوم انتي حصتي عوفج من علي مايستاهل زباله عافج وشمرج عدنه احنه نعيش سوه انه وياج ونرتاح احسن من الغريب كمت ادفع بيه اريد بس اخلص وانه اردد يارب يارب ساعدني يارب صرخت عليييييييييييي ماشوف الا محمد اجه ضربه بوكس وانه من حلاوه روحي شردت من البيت ضليت اركض اركض اركض بيت خالتي هم مكان مهجور موهالكد ناس طلعت للطريق وتوجهت للشارع الي يوديني لمنطقه بيت علي ضليت امشي وامسح دموعي هذا الحجي ساعه 11 بالليل وصلت لمكان مثل الدكان مفتوح دخلت وكعدت بيه خليت راسي بين رجليه وانه مادري وين رايحه كلً الي اعرفه اندل بيتهم حافضه الطريق بعقلي انه شاطره بس خالتي بطلتني من المدرسه تذكرت الضلم والقهر والصار وياي قبل شوي مادري شيوديني لبيت علي منقذي واسري اخ يا علي لوباقيه اسيره عندك ولا ماره بهيج موقف غمضت عيني وهيه ممليه دموع وصلت المرحله افكر انتحر واخلص طلع الصبح وسمعت صوت سيارات وكمت وكفت باوعت جانت اكو شيله لفيت بيها روحي وطلعت كملت مشي مشي الى ان وصلت لمنطقه بيها محل دخلت كتله الله يخليك عطشانه شاف حالتي وجهي ازرك نطاني ماي وكتله وصلني لهاي تلمنطقه حتى لو ع الشارع تنزلني كلي اي قريبه منا عشر دقايق صاح لواحد وصلني نزلت وتشكرت منه وانه جاي اشمي شفت جيهان وصرخت عليه جيهان اجاني وميت علامه استفهام براسه صعدت بالسياره وجابلي ماي وصلت للبيت شفت تاج نزلت حضنتها وطلع علي شفته واخيرا شفته اخ ياعلي ليش هيج صار بينه تدري بيه شكد احبك تدري مستعده انطي روحي اذا تطلبها باوع عليها واحس هواي اسئله براسه وكوه كاض نفسه واعصابه  دخلت جوه وانه ابجي وخالتي كعدتني يمها وكالت يمه شبيج شصاير وياج ليش هيج شكلج بديت اسولفلهم الصار من يوم الرجعت لحد ما شفت جيهان رئسا علي كام وكفت وكال
علي : جنت نايم الصبح وكعدت ع صوت دكه باب قويه فتحته شفتها وداد كتلها خير محتاجه شي شوًهاي بدت تسب وتصيح وبنت اختي وين كتلها منو كالت روح صراحه صدمتني وحيل خوفتني عليها بس مابينت احس نار شبت بكلبي صح ماوكفت ويايً ولا اجت شافتني وكبرياءه وعناده اقوه من حبنه لبعض بس مع ذلك ماريد اذيتها اموت اذا صار بيها شي وهواي حسابات منتضرها حتى اصفيها بس خلي اصير زين روح هيه روحي الجانت ضايعه ولكيتها بعيونها ضليت اكل بروحي وتاج تحجي كتلها مادري تاج مادري وراها اجه جيهان وطلعت تاج تفتح لباب اجت تركض علي روح روح طلعت وياريت ماطلعت شمسوين بيها شصاير بيها وجهه كله دم يابس واثار ضرب قويه مبينه متعنفه ضليت افور بس مابينت بداخلي دخلت جوه وهيه تبجي وحجت والحجته وكف عيوني ع الاخر صرت عصبي وكفت وكتلها ماعاش الي يمد ايده عليج وانه موجود وهذا ابن خالتج انه اعرف شلون اتصرف ويا تاج اخذيها دخليها جوه وعقمي حروحها وخلي تنام وانت جيهان تعال وياي صعدت بالسياره وكتله يتوجه لبيت خالتها ورغم كلامه وكلي يولي معلينه هسه يكولون شعليهم همه رديت عليه وكتله مدرايده ع خطيبتي ضل صافن بوجهي هالكلمه احسها صدمته وصلنه للبيت ودكيت الباب وفتحته خالتها المشؤمه دخلت وخليت رجل ع رجل وكتلها صيحي ابنج احمد
وداد : ماموجود طالع
علي : ام محمد صيحي ابنج احمد لوخفتي هسه من عرفنه الحقيقه وشلون ماذيها صيحيله
وداد : وانت باي حق جاي تحاسبنه روح بنت اختي وبكيفي الاريده اسويه
علي : هالمرا نسيت شي اسمه عيب كمت وكفت كضيتها من حجابه وجريت شعرها حيل كتلها انتي طلعتيني عن طوري وخليتيني اتصرف بوحشيه وقله ادب بس تستاهلين تدرين ليش لان انتي وحده ادبسز وماتخافين الله ولج هاي يتيمه تعرفين شنو يتيمه يعني حرام عليج الي سوينه بيها روحي صيحي ابنج لا ادفنج هنا لوبيه خير اصلا مايلبد لو بس كادر ع النسوان دفعته حيل طاحت بالكاع وراحت مثل الورده صاحتلهً اجه وشفته وكتله انت الي مسوي روحك رجال ها انت لوغيرك جرحي بعده ماطايب اصلا كمت وضربته بوكس ع وجهه وبديت اضرب اضرب كل ما اذكر دمعتها ازيد بالضرب حسيت شي حار نزل ع جسمي باوعت لكيت دم بس ماوكفت بقيت اضرب اضرب بيه لك ساقط حيوان ادبسز سافل سرسري ابن حرام لك هاي عرضك تتهمها بعرضها خايس اجه اخو وحاولو يفكوني عنه وخرت واخو كلي زين تسوي بيه باوع الامه هذا دلالج الزايد لدرجه تماده وكتلهم اعتبرو روح ماتت وانه المسول عنها هسه فهموتو لولا
ودادً: انت هي باي حق تحجي هالحجي
علي : روح من هاللحضه خطيبتي وكلمه زايده ماريد اسمع يلا جيهان
جيهان : اباوع عليه خفت عليه وجهه صار احمر فد مره وجرحه ضل ينزف كتله للمستشفى وفعلا غصبا عليه اخذته رغم هوه عند وفعلا طلع جرحه مفتوح ورجعو خيطوه وكالت الدكتوره ماريد اي حركه ولا اي شي تمام الراحه التامه خلينه وطلعنه كتله سمعت الراحه يا ابن امي شبيك هيج عصبي
علي : لك ماشفتها تقبلها ع وحده من بنات كريمه
جيهان : طبعا لا واكسر ضهر الي. يسوي هيج صحيح هيه منضرها يكسر الكلب بس موهيج يعني يا اخي احس حتى ملامحها مختلفه ولا عبالك روح الجميله
علي : شلون تريدني ارجع اكمل عليه وبعدين كاعد تتغزل بيها كبالي مو امشي لا اشمرك من الشباك ضل يضحك ومشيت وانه هم ابتسمت وصلنه للبيت وامي شافت القميص وكلعاده سوت دراما جديده  وضلت تبجي وتكول يمه خو مابيك شي حلفتلها مليون مرا يلا سكتت عني رحت بدلت ملابسي ومسحت الدم لان كالت المي ممنوع ياربي شلون ابقى هيج وصخ طبعا مو وصخ بس انه احس روحي هيج خليت وتمددت ع جربايه جيهان وهمه بعدهم جاي يحضرون للعرس وسعد صارله سبوع من سافر وماعنه الي خبر كلت خليه جاي يجهز يمكن شوي ودك
سعد : هلو باش
علي : الطيب عند ذكره هسه ع بالي
سعد : تسلم حبيبي انشالله بالليل اول كملت الشقه شتريتها بالمنطقه * وصغيره ع كدنه بس اطلالتها تخبل
علي : الله يسعدك حبيبي
سعد : والله فضلك ما انساه طول عمري انت السبب بحياتي الجديده الي راح تنبني بس اريد منك طلب
علي : تامر
سعد : اريد اروح المنطقتي القديمه اريد اشوف امي
علي: اي تعال وتدلل
سعد : بعد هالسنين شممكن يصير
علي : تريد اروح انه
سعد : لا علي انه جاي بس لاتكول الاحد اريد اسويها مفاجئه لتقى وبالمناسبه شتريت الها بدله عرس منا حيل حبيتها
علي : الله يسعدك حبيبي
سعد : يلا مع السلامه
علي : الله وياك خليت ونمت وراها كعدت ونزلت جوه وجان تصير بوجهي روح بعدني مقهور منها واي كلمه محجيت خليت ودرت وجهي ودخلت للاستقبال ساعه جانت 9 بالليل صاير هواي انام يجوز لان تعبت
روح : نمت وماحسيت بشي غير لمن كعدت ساعه 9 الا ربع طلعت امشي ع كيف احس جسمي كله مكسر باوعت بالمرايه حيل ستخطيت نفسي وضليت ابجي ع روحي كلت بعد شراح تشوفين من حياتج يا روح بعدج 15 سنه وهيج بعدين الجو بارد حيل بشهر الواحد 2012 حتى السنه ماحسيت بيها يمته اجت ويمته حتفلو الناس مادري طلعت للمطبخ كعدت ع الميز خليت الجاي ع النار ردت اشرب حليب جان ينزل علي بنزلته احس كلبي نخطف مادري ليش احسه الامان الي مطيعته ابدي اروح ادخل بصدره حيل كل قوتي واكله انت الانسان المستحيل افكر اعوفه بحياتي خلاني وراح عبر تعجبت ع تصرفه هذا علي الي يستغل كل فرصه حتى يبقى يمي هيج يسوي هيج يحكرني رحت ورا ودخلت وسديت الباب كتله علي شبيك
علي دخلت عليه احس كلبي نخطف مني والنفس صار قليل بس حاولت اكون طبيعي سكتت مارديت
روح : مارد عليه مواحاجيك ماتحجي
علي : طلعي برا روح ماريد اشوف وجهج
روح : باوعت عليه كتله شبيك علي ليش هيج تحاجيني تقرب عليه وجان ........

........................./////////////
الى هنا انتهى البارت اتمنى ينال اعجابكم