سراديب

البارت الثامن

البارت الثامن

الموت من تشرب اصابيعك  الوينك
الچفن مرجوحة جماجم نزلت بأول دمع يكبر  بعينك
وليلي منجل والاحلام اليانعة تركص حصاد
وانه كواك واعيش
شوايه الله اعله الرماد
شح ضمير الوادم وطشيت لوني
وعاد يشمرني أعلة عاد
ملوحتي وجهي وسماري
اتقاسمن كل الفصول
وصيفك الجاي يتوچة
أعله الشمس شوه اعذاري
والخريف المات بالحيطان صورة
مكسرة صلّآ بسماري
والشتا اليرجف بروحي
غنا واستاحش خضاري
والربيع الشابك هدومك
اخذني لديرة من أرسوم وجهك
باس ناري
الشاعر علي الركابي

**********+++++*************

روح : صعدت طفت الكهرباء وبدت ترعد برا وانه مستمره اشتم بيه وجان  انجر حيل من ايدي لدرجه حسيت ايدي نخلعت والله دخلت للغرفه باوعت بيها شمعه مشتعله شفته علي وعصبي حيل كتله شبيك جريتني حيل اذيتني ترا ايدي اذتني تجمعت الدموع بعيني
علي : صعدت وانه معصب منه لا واسمعها تشتمني جريتها من ايدها وفوتتها للغرفه باوعت علي وحجت كتلها مرا ثانيه مارحمج اذا طولتني لسانج عليه فتهمتي ادبسز والله اكسر راسج الج ماهتميت الها ولا لدموعها صحت فهمتي لو اعيد رووووووح هيه جفلت مني لطشت بالحايط دنيت عليها صرت قريب منها حيل باوعت عليه ترجف وهيه تباوع بعيوني كتلها فهمتي لواعيد
روح : من بين رجفتها كالت ا اااي اي فهمت وخر عني خليني اطلع وخر علي
علي : وانه قريب منها احس فقدت الاحساس بالحولي حسيت احساسي صار بس بيها حتى حجيها مافهمت شنو كالت مركز ع شفايفها وبس تقربت منها حيل لدرجه خشمي نضرب بخشمها وانه نفسي كلش مامتضم شوي واجت الكهرباء رجعت لطبيعتي وكتله طلعي برا روح بصوت عالي خلت وطلعت سمعتها بجت وي طلعتها مدتت ع الجربايه وحيل ضجت ع نفسي اخ شعور متضارب بيه مادري شسوي وين اروح النفسي ماجاي اعترف احبه وانه ادري غركان بيها لحد كطع النفس مو نوب اكله شويه واجان اتصال 📞 رديت الو
مجهول : ابو غضب حي الله
علي : يا اهلا ويهلا حي الله باش
مجهول : حي الله اصلك شخبارك شنو صار ع موضوعنه
علي : لاتخلي بالك باشا انشالله منتهي وانه يومين وامر الكم بحيل الله واعتبر كلشي مكضي
مجهول : كفوك منك ابو غضب ننتضرك ع جمر
علي : انشالله باشا
مجهول : بلا باشا ابو غضب ماتفيد ترا
علي : ضحكت والله باش ماكدر اكلك غير هالكلمه تليق بيك كلش
مجهول : هههههههههه ابتسامه رجوليه طاغيه كلش تسلم ابو غضب يلا استودعك الله
علي : الله وياك باشا وتدوم هالضحكه سديت التلفون ورجعت صفنت بالسكف وانه بالي يمها اخ ياروح اخذتي روحي بشهرين بس بس خل اوديهم اامن الهم هناك يم امي ومحد يندل مكانهم اصلا واهم شي ابو الهاشم مايوصل الهن هيج راح ارتاح صار الفجر وكعدت صليت اي صليت شبيكم ماشايفين واحد يصلي لوحرام صحيح انه عندي سوالف مكسره بس عمري ماسويت شي يغضب الله طول عمري ماشي صح خصوصا اخير سنين من عمري المهم نزلت ولكيتهم كلهم متحضرين حتى صراع كتله ها صراع وين
صراع : كعدنه لصبح وانه ميت فرح لان حبيبتي هم تحبني علي كلي ها صراع وين كتله وياكم باس ماعوفكم اروح وارجع
علي : لا صراع ابقى هنا ماريد ابو الهاشم يحس بشي واذا سال عني كله سافر لاربيل عنده شغل والبنات كله نايمات اوكي اذا اجه يعني هوه حاليا بالبصره هناك
صراع : ضجت صح بس كلت ميخالف خليني هنا اهم سلامتهن ماشي باش تامر امر باوعت لحبيبتي ضاجت بس قبل لاتطلع كتلها كله ع مود سلامتكم اقتنعت حضنتها وراحت وروحي راحت وياها يارب ساعدني اخلص من هالهم
علي : طلعنه وتاج كعدت يمي كدام والبنات ورا وروح ابد ماباوعت لوجهي وهالشي حيل عصبني بس كلت خليها احسن حتى تتادب طول الطريق هدوء وكلساع استرق النضر تقريبا سبع ساعات يلا وصلنه دخلت للبصره ساعه 12 الضهر وصلت لمنطقه ع اتصال وي امي دليني وصلنه ونزلنه ورحت ع البيت  دكيت الباب وفتحته امي اخ يايمه لوتدرين شكد مشتاقلج حضنتها حيل وبست راسها وايدها ونزلت ع رجلها ابوسه وهيه تبجي وانه كذلك واباوع عليهن هنه هم يبجن اخ يايمه لوتدرين شكد مشتاقتلج يابعد عافيتي طولت الغيبه عليج بس شسوي مشاغل يا العافيه ضليت حاضنها وبعدين عرفتها ع البنات وكالعاده حبت روح كلش وضلت بس سولف وياها احسها عرفتها من عيونها هيه الي ومكتوبه باسمي حيل رحبت بالبنات وكالت
ميساء : صلاوات يمه منين هالحسن هذا كله بعيوني اخليهن يمه علي اهم شي انت تجيني وتمرني هذا كل الي اريده يايمه واصلا ونس الي ع مايجي اخوك من شغله
علي : كتلها اخوي منو منهم
ميساء : جيهان يمه بالشغل من ينزل يلا يتغير البيت بس هسه عندي ثلاث وردات هنا اخليهن بعيوني وهم يردن الصوت عليه
علي : انشالله يمه ينزل بالسلامه انه هم ابقى يومين هنا وانشالله ارجع وكل ماصير فرصه اجي
ميساء : انشالله يمه
روح : بعد ما طلعني من غرفته حيل تاذيت وكلبي اذاني ليش يعاملني هيج شنو مسويه اله انه ماماذيته بشي ليش يتقصد ياذيني كعدت ثاني يوم الفجر وماباوعت عليه اصلا رحت الحمام اغسل ومن طلعت لكيت صراع حاضن تقى بتسمت شكلهم حيل حلو صح صراع شكله رجل عصابات بس لايكين البعض وحيل يحبها اصلا احسه بده يفتح صدره ويخليها بيه ويرجع يقفله صراحه تمنيت علي نفسه هيج يخاف عليه ويحبني يحسسني سلعه يريد بس يخليها بمكان امن بدون اي مشاعر ولا احساس انه بنفسي تهت مادري شيريد احسه  ساعه احسه يحبني وعشره لا المهم صعدنه وتاج كعدت كدام هالشي نرفزني بس خيولي شعليه بيه صحيح شعليه عليه بالف عافيه طول الطريق ساكتين واحس بيه يباوعلي من المرايه بس كأني ماشوف وبقيت ساكته والبنات هم تقى نامت بحضني كلت بس ارجع احصرها سولفلي كلشي انه الها وصلنه للبيت وجان البيت حيل حلو ومختلف الزرع الخضار اخ يالبصره طلعت منج مهزومه وهسه رجعتلج برجلي لان اخاف ع حياتي وع مستقبلي ماكو مثل هوه البصره بكل الدنيا اخ يابصرتي الحبيبه دخلنه للبيت ولقائه جان بامه حيل مؤثر لدرجه كلنه بجينه بعدين رحبت بينه المرا تخبل خوش مرا وايضا جميله بشكل وتاج صافنه ع البيت كلنه مالابسين حجاب طبعا وشعر تاج حيل حلو صحيح شعري معايز بس كصير مرا كصيته من عصبت من خالتي وضل هيج ماطايل المهم دنيت عليها شبيج صافنه تاج
تاج : ماكوشي بس الطريق جان حلو والمكان هذا حيل حبيته ورتاحيت بيه احس حيصير الي شي حلو هنا وصحيح المكان جان حيل حلو ومريح وحسيت. راح يصيرلي شي كل حلو
روح : خاله كلش حبابه وحبيتها ونقبض كلبي من كال يومين واروح حسيت روحي رادت تطلع بس مادري ليش احسه حبتني انه اكثر شي حتى تباوع عليه المهم تعده اليوم عادي وصار الليل واحنه سوينه اكل ندك الباب رحت انه كلت منو
مصطفى : انه بيبي فتحي الباب بعدين شنو صوتج صاير يخبل صدك جذب فتحي الباب
روح : ضحكت عليه يكلها صوتج صاير حلو رديت عليه من يومي صوتي حلو ولك
مصطفى : اروح فدوه بيبي افتحي الباب مومتت برد ابوي وداني
روح : فتحت الباب شو هذا صل صافن بوجهي شويه وكال انتي منو كتله انه ضيفه هنا جايه
مصطفى : فتحت الباب بنيه ايه من الجمال ضليت صافن عليه من كالت ضيفه كتلها بعيوني اخليج ضيفه مو بيت بيبي
روح : ضحكت ع كلامه وجان يجي صوت من ورا عالي
علي : رحت مالكيتها خفت عليه سالت البنات كالن الباب ندك وراحت تفتحه كلت هسه من اكسر راسها شنو ماكو زلم بالبيت رحت واشوف واحد واكف ويتغزل بيها وهيه تبتسم شطت وفرت بدمي صحت عليه روح ويامن واكفه
مصطفى : السلام عليكم يابه شنو هاي ولا اعرف واحد انه مصطفى وجاي لبيبي ميساء ابن عابد انه
علي : باوعت بطرف عيني وكتله تفضل بويه
مصطفى : فتت وسلمت ع بيبي وانه مستمر اباوع ع هاي البنيه الحلوه اخير شي بيبي عرفتني عليهن وجان اسمه روح وهيه فعلا روح احسها بالجنه ونازله اخ ياربي جاذبيتها تموت تموت وعرفت هذا عمي علي صراحه حيل جنت اتمنى اشوفه ببيبي بس تحجي بيه 24ساعه وشفته كمت حصنته وكلته حالي هسه نورت المكان كعدت اسولفله عنه وعن البيت وعن ابوي وعصبيته وشلون طلع متزوج ع امي وعنده بنات ثنين ومرض امي الي صار بسبب ابوي
علي : كعد يسولف الي وانه انصت اله صحيح ماعرفه بس حيل حبيته بس ضجت منه كاعد وعينه ع روح اكلها اكل بعيونه وصافن بيها كتله اي عمي سولفلي عنك شنو ماشنو
مصطفى : والله ياعمي انه مصطفى دريت الابن الاكبر لابوي عابد مرحله اخيره هندسه ميكانيك عمري 21 سنه طبعا حيل احب بيبي لدرجه ماتتوقعها ويوميه ابات يمها بس هيه بيبي ماتحب ولاتريد غير اخوي طه تموت عليه هذا الصغير مال بيتنه بس شنو الله ميحمله بالسانه لو تشوفه راح تحبه والله عندي مشروع صغير هم صيانه اجهزه ذكيه كلشي اصلح تدري بعد ميكانيك حتى سيارات اصلح واريد اتخرج حتى اشوف بنت الحلال وشكلي شفتها باوعت ع روح ودنكت
علي : كال شكلي شفتها باوع ع روح ورجع دنك حسيت دمي شاط يعني شنو خله عينه ع روح يلا خل يخليها انت شعليك علي كتله عفيه عليك ابني السبع اي وانشالله بس قرر زواجك عليه بس شوف لاتكول الاحد انت شفتني تمام
مصطفى : تعجبت ماكتله ليش بس كتله تمام تعشينه وجانو مسوين اكل حيل حلو طبعا هاي الاسمها تاج هيه الي مسويه الاكل سولفنه انه وياها هواي بس عيني مطاحت من روح حيل دخلت كلبي اف خوش بنيه تاج حيل وحتى تقى حسيتهن خواتي ماعده روح طبعا
علي : حيل ضوجني بنضراته الروح بس بداخلي اكول معليك معليك معليك بيهم الله يصبرني هاليومين يمكن راح اشيب من ورا هالروح اف خلصنه اكل وضل يسولف وي البنات وكلهن انشالله خواتي انتن ماعدا روح وضحك وهيه هم الفطيره ضحكت خرا بيج يا روح بسيطه خلي يروح الا اكسر راسج المهم خلص اليوم وراح مصطفى وضليت كاعد يم امي كتلها عندي حجي هواي وياج محد غيرج عندي اسره هالسر احس عمري راح يكضي يمه
ميساء: اسم الله عليك يمه عمري ع عمرك يبعد عافيتي حبيبي
علي : خليت راسي بحضنها وكتلها انتي اماني وبيت اسراري يمه اهم شي لسريه التامه يمه
ميساء : اي  مو تدلل اكلك علي
علي : كولي يبعد طوايف علي
ميساء : شفت مصطفى شلون يباوع لروح
علي : نفخت كتلها اي شفته
ميساء : وشبيك عصبي يا ابن بطني
علي : مابيه شي يمه البنات امانه يمي ماريد احد يوصل يمهن ايا كان هذا الاحد
ميساء : تمشيها عليه شفتك شلون وجهك صار احمر من الغضب تضحك ع ميمتك يمه
علي : ماكو شي يمه لاتخلين بالج شغلي وانه مامسموح النه نحب اي شخص
ميساء : لعد يمه اشوفهم لايكين البعض كون الله ويصير قسمه ومصيطف حيل احبنه انه ويستاهل كل خير وروح هم حيل حبيتها اسم ع مسمى مثل النسمه البارده
علي : شنو لايكين ع بعض يمه جاي احميهن لو ازوجهن انه
ميساء : شكو بيها يمه الحمايه من ضمنها زواج وبالعكس حيل راح ترتاح من همها خصوصا هيه يتيمه حسب ماسمعت
علي : يمه سدي السالفه رحمه لربج الي يصير خيصير روح ماتتزوج اي شخص هيه من تريد تختار
ميساء : ههههههههههه
علي : شبيج ضحكين يمه
ميساء: ماكو شي يبن بطني ماكو شي يلا لاتتعصب اخليك تنام اصعد نام بغرفه اخوك جيهان بيها ثنين جوربايات (سرير)
علي : لا يمه خليني هنا احسن
ميساء : تمام حبيبي يلا تصبح ع خير يمه
علي : وانتي بخير راحت امي وكعدت اللوب اروح منا واجي منا شنو يعني يتزوجها شنو يحبها اكسر راسها وعلي اخ شبيك علي ليش هيج متعصب ها بدت الغيره تستاهل اي والله هسه حسيت بيها من جنت ادنه لتاج الثوله عبالها احبها الغبيه وهيه مثل اختي ماتدري محد سكن هالروح بس هيه نوب رجعت حجيت ها علي واخيرا اعترفت بروحك تحبها اي احبها وموبس احبها انجن بيها اخ ياروح شسويتي بيه طلعت برا اتنفس وجان اشوفها كاعده ع الكرسي بالحديقه طبعا حديقتنه جبيره عباره عن كاع بس هيه كاعده بالحديقه لقريبه ع البيت تقربت يمها وانه شعله من النار صحت بيها شمطلعج برا
روح : طبعا هذا مصطفى يخبل شقا وضحكه حيل حلو وشكله هم لا بئس بس مونفس البلوه مالتي الخايس يو روح لسانج الا ينكص يلا ترتاحين المهم عينه مني وانه اتقصد اضحك ويا وانه اشوف علي صاير نار مادري ليش اجاني وكلي شعندج كاعده وحدج هنا ردت اكوم مارد عليه جراني كل قوتي كتله اوي شبيك علي كاعده اشم هوه ممنوع لوحرام
علي :  رادت تعوفني وتروح جريتها حيل واصلا انه متحمل عليها كالت اوي شلعت كلبي شلع كالت اشتم هوه شنو ممنوع لو حرام كتلها اي تشمين هوه لوتفكرين بحبيب الكلب
روح : افكر بمنو ياحبيب الكلب هذا شبيك علي سلامات
علي : ضربتها ع راسها كتلها وجع شنو سلامات مخبل انه ادري بيج شلون تباوعين المصطفى وشلون تحاجينه وهوه شلون صافن عليج احترمي نفسج جايبج احميج مو تحبين وتنحبين مادري شلون طلعت مني هاي ردت عليه
روح : احترم نفسك علي شنو احب شنو انحب الولد خوش ولد ومودب بعدين اذا انت شفته يباوع عليه ف انه ماشفت هالشي خوش بعدين وان حبيت انت شكو شعليك بيه حياتي هاي ترا وانه حره بيه فتهمت الزم حدودك وكف عني
علي : ضربتها راشدي من كال انت شعليك كتلها انه عليه انتي بحمايتي اي شي يصير الج انه اتحمل مسوليه واذا رديتي عليه هيج رد بعد راسج اكسره مادري شلون تجرئت وضربتها بس شفت خدها جانت اصابيعي طابعه ع وجهه خلت وراحت بدون اي كلام ولا ردت عليه اصلا تندمت بس كلت خلي تولي  تستاهل حتى تلزم حدودها شنو معليه شنو هالخريط الا اطيح حضها وضليت فاير طول الليل ساعه اكول خطيه وساعه اكول تولي المهم رحت انام ومانمت ضليت كاعد للصبح امي كعدت تصلي انه هم صليت وياها وكعدت اسولف وياها كتلها يمه سمعيني وخلي بالج يمي تمام
ميساء: تمام يمه وياك
علي : سولفت الامي كلشي من اول يوم رحت من يمهم لحد هاي اللحضه وكلشي يخصني حجيته الها كتلها يمه بعد ماتحمل اي شي خلص طفح الكيل احس جاي اتحمل فوك طاقتي الله يخليج يمه ادعيلي اخلص العالم البيه انه حيل يخوف واضوج منه اريد بس افتك حتى او ع موتي هم اريد اخلص تعبت يمه بست ايدها ونمت بحضنها الحضن الي بيه كل الامان والاستقرار والدفو الي احتاجه طول هالسنين 11سنه وانه مادري راسي من رجليه وين اليوم لكيت اماني يمها باوعت عليه تبجي ليش تبجين يالعافيه لاتنزلين دموعج الغاليه حبيبتي يمه
ميساء : هذا كله شايله بكلبك يمه وتريدني ماابجي شامر روحك بالضيم والخطر وتريدني اسكت لوماحاجيلي احسن هسه راح اضل متلوعه ع شوفتك يبعد بيتي حبيبي الله يحفضك يمه وسرك بير دير بالك ع نفسك
علي : دنكت ع ايدها وبستها وكتلها انشالله ب 12 بالليل اروح انه تمام حبيبتي ماصارت فرصه اشوف اخوي جيهان شلونه هوه نفسه لومتغير بقت تسولفلي عليه وع حنيته وذكائه احسها تحجي عني لان نفس التفكير كتلها يمه لحد هسه مادري شنو شغله كالت ضابط يمه ونقلو لبغداد صارله شهرين وحيل خايفه عليه صراحه انه هم خفت عليه واريد يوصل خبر لابو الهاشم عنه ماريد ياذيه لان ساعتها راح ااذيه كالت ها وين صفنت كتلها ولا شي يمه الله يحميه انشالله واذا نزلت بغداد راح اسئل عليه واشوفه كالت تمام شوي وسمعنه صوت حركه كالت يمكن البنات. كعدن راحت للمطبخ رحت وراها وفعلا لكيت روح وتاج وتقى واكفه تغسل وجهه عجوزيه هالبنيه كوه تكعد صح من وكت يكعدن بس تقى محبه للنوم صبحت عليهم الوحيده ماردت روح سون ريوك وروح مااكلت حيل حسيته مهضومه
تاج :  روح وينج تعاي اكلي وشبيه شعرج منزلته ع وجهج اول تالي شبيج بعدين ليش متتريكين ردت عليه بخنكه مابيه شي ماشتهي معدتي تاذيني تاج خلت وراحت للمطبخ كتلهم شبيها اكلج تقى شبيها روح كالت مابيها شي كتله تمام كملنه اكل
روح : بعد مادخلت شبعت بجي لحد مانمت كعدت الصبح ايده مبينه ع وجهي نزلت شعري عفته مرفوع نزلت سوينه ريوك شفته نسدت نفسي صاحو عليه ماردت اكل كتلهم ماشتهي كعدت بالمطبخ وانه صافنه ندك الباب رحت اشوف منو فتحته شفت مصطفى كل عاده صفن بيه نوب سلم عليه وفات فتت ورا ضليت بالمطبخ سمعت علي يكله هلا عمي منو فتحلك  الباب كلاله روح ماهتميت اله شوي واجن البنات وهمه ضلو كاعدين بالصاله يسولفون نضفنه وسويت اكل تعلمت من جنت ين خالتي باجر عيد ميلادي 15 وياريت ماجاي شفت منه غير الهم سوينه الغده وصبينه وهم ماردت اكل بس تقى جرتني كالت الخاطري كعدت يمهم ومصطفى مابطل شقى ويحاول بس يحاجيني كلي شبيج يول ليش ضايجه خومابيج شي كتله لا مصطفى مابيه اباوع ع علي صاير اعصاب كلت بكلبي وجع عليمن معصب شعليك انته خليت وكمت بدون مااكل شي بعدني مهضومه ع حجايته كلت للبنات يرتاحن انه اغسل مواعين بديت اعزل بالمطبخ حسيت بدوخه رغم هذا كملت الشغل البارحه هم موهالكدً اكلت لان جنت تعبانه اجاني علي
علي : حيل ضوجني اسلوبها وعدم اكلها هم وليش تفتحله الباب انه اعلمها والله اكسرها تكسر اخ ياروح اكول اضربج وماينطيني كلبي اسوي عالشي اخ بس رحت يمها جاي تعزل تقريبا مخلصه الغسل مصطفى يم امي كاعد تقربت عليه جريته ما ابدت ردت فعل كتلها ماتفتهمين الحجي المن موجود انه تعاي وكولي حتى لو الامي ماتحجين وياي كلي الامي خاله الباب تندك ليش تخليني اقسي عليج ماحجت بس وجهه حيل اصفر جان كتلها روح شبيج بدون انذار وكعت بين ايدي هيه وكعت لو انه تخبلت عليها ضليت اكعد بيها صحت مصطفى اجه شافها هم ارتبك جاب كلاص ماي غسلت وجهه وامي تصلي ع محمد البنات لتمن عليه فتحت عينها كتلها شبيج ردت كالت مابيه شي عوفني علي رادت تكوم هم رجعت داخت تاج كالت ولج موكتلج اكلي ليش متاكلين ماتخافين ع روحج سبق وكتلج بيج نقص فيتامينات كتلها شلون عرفتي
تاج : نسيت انه صيدلانيه يعني شبه دكتوره عرفتها من وجهه واديها وشفايفها حيل باهتات كتلها اكلي حاولت وياها ماقبل قبل شوي واصرت هيه تشتغل
علي : ضليت اصيح عليه لج انت ماتفتهمين تريدن يصير بيج شي تردين تموتين باعي راح اطلع اجيب اكل واجي وحق السماء والي خلقها اذا ما اكلتي اكسر راسج تكسر حيوانه انتي
ميساء: ولك يمه ع كيفك وي البنيه ليش تصيح جابيدها يجوز ضايجه من شي
مصطفى : كلش ضجت من اسلوب عمي كتله عمي انه اروح اجيب الها اكل نطيني المفتاح اخذته ورحت جبت اكل ورجعت كعدت كبالها
علي : لا اكلي اكلي بسرعه والله كاعد يمج اذا ماخلصتي الاكل هذا كله اكسر راسج
روح : بعد واصحيت مالي خلك اجادله وضل يرزل بيه حيل نهضمت لومن جاب الاكل مصطفى اخير شي نفجرت كتله انت شعليك انت شكو تدخل بيه انت معليك اكل مااكل مايخصك فتهمت عسه مااموت وماراح اكل حرف واحد من هالكل فتهمت وشتريد سوي ماحس غير بحراره ع خدي عادها وضربني اباوع لوجهه احمر من العصبيه صحيح خفت عليه لان المرا الفاتت راد يموت علينه دفعته ورحت للغرفه ابجي
علي : ضلت تصيح ماحسيت ع روحي غير ضربتها حيل ع وجهه وعدت الكره مرا ثانيه ضجت عليها حسيت اهنتها كبال الموجودين امي هم ضلت تصيح عليه البنات محجن لان تقى تدري بيه من اعصب كالت عمو لا تعصب فدوه اكعد ارتاح ماريد ضغطك يرتفع مصطفى شفته ضاج بس ماحجه باعي يمه هسه راح اطلع لبغداد كمت بدلت وخلصت وطلعت بكامل عصبيتي حيل مقهور اخ ياروح شسويتي بيه وشسويت بيج ماريد اقهرج اكثر خليت ورحت وانه سارح بيها الى ان وصلت .
روح : بعد ما رحت للغرفه اجن البنات وكالن انتي الغلطانه لسانج طويل يعني يمته تبطلين
تقى : حاجيها تاج صارلي شكد احاجيها لسانج لسانج بس ماترد خطيه خليته يروح وهوه معصب يعني فوك مايردها تاكل لان تمرضت وطاحت
تاج : صحيح نقهرت عليه بس حيل لسانها طويل واصلا اعتبرتهم خواتي من بعد ماجيت مهزومه من خواني محد خاف عليه بكدهم حتى خواني نسيتهم ضليت انصح بيها وكتلها انه اكبر منج وانه اريد مصلحتج حبيبتي مايصير هيج ضلت تبجي عفناها وخلص اليوم وتعشينه وهم مااكلت
ميساء : يمه ليش ماتاكل
تاج : مادري يمه شبيها خليها من جوع تاكل
ميساء : موخابرني علي وكال خلي تاكل
تاج : انشالله يمه اخليها تاكل شلت الماعين وغسلتهم وحيل مرتاحه اخذت اكل وحلفتها تاكل يلا اكلت شوي وشربت عصيرها هم ونامت طفيت الاضويه ونمت كعدت بالليل ساعه 2 الفجر اشرب ماي وجان .......

........................////////////

لهنا انتهى البارت اتمنى ينال اعجابكم