خُذْلَان

3تأنيب ضمير

3

"لا تغضب من تجاوزات الحياة"

- فضول..

ــــــــــــــــــــــــــــ

ياسر..

7:10 صباحاً..

قمت من نومي على صوت المنبه لاني لو ماحطيته محد بيصحيني وبتمي لليوم الثاني وانا نايم وماحد داري عني..
تجهزت ولبس ثياب المدرسه وخرجت من غرفتي..
البيت هادىء كالعاده..لو دخل سارق بيسرق على راحته ولحد بيدري عنه لولا الكميرات الي مركبها ابوي..
ابوي..؟!

ايه احس بالغرابه لما انطق ذه الكلمه..اصلا انا معي اب؟!
ضحكت على نفسي بسخريه ومشيت للدرج لكن وقفت وانا اشوف باب الغرفة الماقبل غرفتي ينفتح..

نظرت لي وابتسمت وهي تقول

"صباح الخير يسوري"

نظرت لها بانزعاج من الاسم

"صباح النور.."
"غريب للحين مارحتي ثانويتك عادتا تسنترين من الساعه ست ونص يالطالبه المجده"

نظرت لي بنص عين وقالت
"ها ها ها يقالك دحين قلت نكته..ياشيخ رح ماني فاضيتلك اليوم علي اختبار"

نطقت بهمس

" اصلا كل يوم محد فاضيلي "

قربت لي وهي تضرب يداتها ببعض ببتسامه

"وش رايك توصلني انت اليوم؟"
"تدري ابوي مايخلين اروح مع السواق لحالي ولازم اخذ معي الخدامه ياخي مشوار لين تلبس عبايتها وانا مستعجله علي اختبار مثل ماقلتلك ف وصلني بليز..ياخي العزيز"

نظرت لها بطرف عيني
ياكثر قرقرتها..ونطقت بكلمه وحده وانا اعطيها ظهري
" ثرثاره "
طلعت عيونها وهي تقول بعصبيه

"اشقلت"

ابتسمت باتساع وانا التفت لها براسي

"قلت تعالي"

رفعت جاحب وقالت

"كاني سمعت شي ثاني"

رديت عليها

"لالا تتوهمين"

مشت وسبقتني نازله الدرج

"على كل حال ماني فاضيتلك والا كان وريتك شغلك"

دورت عيوني في الهواء بملل ونزلت بهدوء..

هاذي اختي الغالية اصغر مني بسنه عمرها 17سنه مدري فوش امي كانت تفكر لما جابتها بعدي بسنه على طول كيف قدرت تتحمل..ضحكت بسخريه شكلها كانت بغت بتفتك عشان تنتبه لشغلها
البزنس ومن..
ايه امي معها شركتها الخاصه مثلما لابوي شركته الخاصه بس شركة ابوي كبيره اما امي متوسطه ورثتها من ابوها..يعني جدي الله يرحمه وهي تخرجت ادارة اعمال عشانها..
اما ابوي ورث شركت ابوه وطورها وخلاها تشتهر بعدما كانت صغيره..المهم ان الفلوس تجينا من كل مكان انا واختي ومافي شي ناقص علينا الحمد لله حتى بيتنا ماهو بيت... فله مشالله..بس كل ذه ماملا عيني..لاني مقدر اشوفهم الا مره فالاسبوع واحيانا في الشهر ودايما مشغولين..واذا احتجت شي رموا علي الفلوس..ياخي انا مابغيت فلوس..انا بغيت شي ثاني انحرمت منه..