خُذْلَان

5ثقة بالله

5
" اعطِ فرصه للآخرين كي يقتربوا منك "

ـ اقوى مني..

ـــــــــــــــــــــــــــــــــــــ

زياد..

الجمعة..
4:30 العصر..
.
.
جالس كعادتي قدام باب بيتي وذي المره عيني على جوالي مهو على الرايح والجاي..
المهم مر اليوم عادي بنسبه لي صليت الجمعه ورجعت سويت الغذاء ونمت حتى اذان العصر قمت صليت وجلست هنا وانا كاره كل شي حولي ..ياخي بدات احس ان حياتي روتينيه وكلها ملل في ملل..

حلوه ذي اتذمر مهو هذا الي كنت ابغيه من البدايه..حياة خاليه من المشاكل طبيعي تكون روتينيه..ياشيخ احسن خل اتنعم بالهدوء ذا مدري وش ينتظرني في المستقبل..

رفعت عيني عن جوالي وانا انظر لمجموعة من عيال الحاره يلعبون كره قدم  ضيقت عيوني..شفت بينهم نديم..
ابتسمت تلقائيا ياخي ذه الولد قمه في الذوق والاخلاق تقريبا هو الوحيد الصاحي في ذه الحاره..
هو يتيم الاب والام ويعيش مع عمه صاحب الخمس بنات..الله يعينه اكيد ماهو مرتاح في عيشته اصلا كيف ماخذ راحته وهو عايش مع بنات..تنهدت الله يعينه..

بس صراحه كل مره انظر لوجه احسه هادىء ومسالم..وهو كذا اصلا طيب قلب مثلي احممحم..

دايما ماكان يساعدني اذا احتجت انقل امي للمستشفى هو الوحيد الي اثق فيه بس يعني ماني محتك كثير فيه ولا نقدر نقول انه صديقي..ليش؟ لانه يعرف اني مالي نيه اصادق حد فما تعب نفسه انه يتقرب مني..بس فيه بيننا احترام متبادل..

ومدري ليش كل ماشفت وجهه احس ان احد معي وماني لحالي في ذه الحاره الي كل اهلها يكرهوني مدري ايش سويت لهم..

ابتسمت لما انتبه لي وهو ردلي الابتسامه..شوي اشر على اصحابه انه معاد بيلعب وجاء صوبي..

وانا مانعت ياخي ملل خله يجي يونسني شوي..

وقف قدامي وهو لازال راسم ابتسامته الجميله..
ياولد شكله لطيف وايه صح هو اصغر مني بسنه عمره ١٦..

تقدم لي وهو يتنفس من الركض

"السلام عليكم"

رديت السلام ببتسامه وفسحت له وانا ااشر انه يجلس جنبي..

رفع حواجبه بدهشه وجاء يجلس..وقال

" ها كيف حالك وكيف خالتي "
قصده امي يقولها خالتي من كثر ما ساعدني على تمشيت امورها..

رديت له الابتسامه

"بخير تسلم عليك"

هز راسه وقال

"وصل سلامها..ها قلي وش اخبارك انت للان وانت اسير الاحزان"
قالها وانا نظرت له بطرف عيني وهو ضحك بورطه وقال

" اسحب كلامي..اسف "
وقعد يضحك..مازلت انظر له ببرود ونطقت

"ليش تضحك؟!"