خُذْلَان

13شِواء

"لا ضير من وجود بعض الاصدقاء من حولك"

ـ البحر..

ــــــــــــــــــــــــــــــــ

زياد..

خرجنا من المطعم وركبنا السياره..وقلت لياسر يرجعني البيت بسرعه..عشان اعطي امي غداها اكيد جوعانه..
نظرت للكيس الي في يدي..اصر ياسر الا اخذ لامي غذا معي..
وقف السياره قدام بيتنا وانا خرجت وودعته ودخلت بيتي..
وكانت الساعه 1:00
توجهت لغرفة امي وحصلتها جالسه على سريرها تنتظرني كعادتها.. ومن شافتني تنهدت براحه..
اسف امي اكيد كنتي شايله همي لاني تاخرت..

توجهت لها وبست راسها وجلست على طرف السرير وانا افتح الكيس..
وقلت وانا راسم ابتسامه دافيه

" يالله يما كلي "

ابتسمت لي بعطف ثم بدت تاكل بهدوء شوي وقالت

" زياد ايش صار على ياسر "

عقدت حواجبي باستغراب ومافهمت قصدها 

كملت وهي تقول بعد ماشافت اني مافهمت..

" قصدي ايش صار معك..بتخليه صديقك او لا "

رفعت حواجبي لما فهمت قصدها ثم تنهدت و قلت

" انتي ايش بغيتي "

" ني مومهم اهم شي انت بغيت ذا الشي اولا لانه بيكون صديقك انت  .. وانت الي بتتعامل معه..اما ني عن نفسي بغيتك تصير صديقه..ياسر مناسب انه يكون صديق.. شخص مثله يمتلك قلب طيب تقدر تثق فيه."

تنهدت بهدوء ثم ابتسمت وهزيت راسي بشوي..

وبعدما مرت ساعه لي عند امي..قمت تاركها ترتاح وطلعت لغرفتي..

رميت نفسي على السرير بعدما بدلت ثيابي واخذت شور خفيف..

خلعت نظاراتي ورفعتها على مرمى نظري وظليت فتره اتاملها..النظاره الي اشتراها لي ياسر..من اشتراها وانا البسها ومعاد لبست القديمه..

فزيت..على طاري القديمه وينها..!؟ قمت عن السرير وانا ادور النظاره القديمه وفي يدي الجديده..

شفتها مرميه في المكان الي رميتها فيه..اخذتها ومسكت النظارتين جنب بعض وظليت اتاملها..

ابتسمت ثم رجعت لسريري وفتحت الدرج جنبي ووضعت فيه القديمه..

اما الجديده  وضعتها في علبتها فوق الدرج لاني قررت البسها كل يوم.. ظليت اتأملها ببتسامه ثم رجعت انسدحت ووضعت يداتي خلف راسي وظليت افكر واتامل السقف حتى خذتني عيني ونمت...

...

ومنها مرت اسبوع وخلال االاسبوع.. ياسر يمشي معي واكثر وقتي معه لاانكر اني في البدايه ماكنت مرتاح لوجود شخص مرافقني كذا بعدما تعودت على الوحده لفتره طويله..لكني في النهايه تاقلمت معه..واكتشفت فيه صفات جميله..وحركات عفويه يسويها حتى انه احيانا يتعمد يسويها عشان يضحكني لو شافني حزين..وهذا الشي اثار فضولي ليش اشوفه مهتم لامري كثير وهذا الاهتمام بدا يخوفني مدري ليه..ربما بسبب نظرات الطلاب لي..وحتى اني بديت اتعرض للمضايقات اذا ياسر مو معي..يطالبون مني ابتعد عنه..مدري وش الي حارق رزهم..ياخوان خلوني بحالي..