بالغرفة المغلقة [يحدث بعد منتصف الليل]

الفصل الثالث (عائشة)

فسأله" ياسين" بخوف،

شبح ..... !!

فرد "أحمد"بضيق أيوة شكلك بيقول إنك شوفت شبح جوه مش أوضه فاضيه مش فيها غير سرير وشويه كتب وكراكيب !

فتحدث "ياسين" بفكر شارد، معقول تكون شبح ،!طب إزاي بتكلمني وبترد عليا !!

فسأله "أحمد" بضجر ،هو إنت بتكلم نفسك شكلك اتجننت من القعدة لوحدك أنا هقوم امشي أحسن تجنني معاك وأنا مش ناقص جنان أصلا

يلا سلام وتركه "أحمد" وذهب .

وظل "ياسين" يفكر وهو ينظر في اتجأه الغرفه  وبدأت علامات الاستفهام الكثيره تختفي من رأسه فهي بالفعل شبح،
وإلا كيف تستطيع فتاة أن تحبس في غرفة كل هذه الفترة ولا تأكل ولا تشرب وتتحدث في وقت معين فقط وباقي اليوم ليست هنا .

وبرغم خوفه الشديد، لكن أصبح فضوله أكبر لمعرفه ما هي حكاية هذه الفتاة الشبح .!!!

وظل جلساً حتي يأتي منتصف الليل.

وبالفعل جاء صوتها وهي تقرأ آيات القرآن والغريب أنها كانت من سوره "يس" لم يستوعب ذلك من قبل ،وبعدها جاء دعائها ورجائها وهي تبكي.

وبدأ ينادي عليها من خلف الباب فلم ترد !

وتحدث مرة أخري قائلا لها،

متخفيش أنا "ياسين" ردي عليا !!

وبعد لحظات من الإنتظار جاء ردها بسؤاله بخوف "ياسين" مين .!!

فتعجب من سؤالها وبرغم ذلك أجابها ،

أنا"ياسين" إللي ساكن هنا إللي كلمتك إمبارح مش فاكرني !!

فردت عليه لا مش فاكرك وإزاي ساكن في شقتي وفين ماما وأخواتي!!

فتأكد "ياسين" أنها معلقه بزمن معين ولا تتذكر اي شي حدث بعدها .!

فسألها بقلق ؛ آنتي مين واسمك ايه!؟

فأجابته بارتباك، أسمي "عائشة"
وأنا عايشه هنا مع ماما وأخواتي هما فين وليه ماحدش بيرد عليا.!!

فسألها بفضول هو انتي مش فاكرة حصل إيه معاكي !؟

فأجابته بخوف لا مش فكرة ،كل إللي فاكرة إني صليت وقرأت قرآن ودعيت ل ماما ونمت صحيت لقيت نفسي محبوسة في الأوضه وبنادي علي ماما واخواتي وماحدش بيرد عليا هو فيه حاجه حصلتهم أرجوك طمني.

فأجابها بحزن قائلا لها ،مامتك ماتت وأخواتك حد من قريبك جيه خدهم يعيشوا معاه .