بالغرفة المغلقة [يحدث بعد منتصف الليل]

الفصل السادس(سر قديم )

جلس "أحمد وأنس" في أحد الكافيهات القريبه من البيت منتظرين قدوم الفتاة إليهم.

وبعد مرور بعض الوقت جاءت من ينتظرون

وشعر "أحمد" بالصدمة عند رؤيتها وسأل "أنس" مستنكرا بسخريه ، هي دي إللي هتساعدنا!!

فهز "أنس" رأسه للتأكيد له قائلا له آه هي .

تحدث "أحمد" بتعجب ،دي بنت صغيرة وأنا إللي كنت فاكرها ست عجوزه شعرها أبيض ومرعبه.!

فنكزه "أنس" ليصمت ،وقال بقلق طيب ممكن تسكت دلوقتي عشان دي زعلها وحش .

وجلست "روح" وهي تنظر "لأحمد" بضيق بسبب نظراته لها ولكنها تجاهلته،

وسألت "أنس" باهتمام ،فاهمني وقولي إيه إللي حصل !

فطلب "أنس" من "أحمد" إن يحكي لها بالتفصيل عما حدث لصديقه .

وقص "أحمد" لها عن كل شي.

وتحولت نظراتها للغضب الشديد ،وهي تفكر كيف حدث ذلك .!

وقامت من جلستها يلا نروح البيت عشان محتاجه أتأكد من حاجة بنفسي .

وبعدم فهم قام الإثنين وذهبوا خلفها.

ووصلوا إلي المنزل وصعدت "روح" قبلهم .

وهمس "أحمد" إلي "أنس" يسأله بسخريه ،إنت متأكد أنها مش نصابه وبتشتغلنا !!

فأجابه "أنس"بجديه، أصبر وشوف بس هي هتعمل إيه وانت هتتأكد بنفسك ووقتها أنت اللي هتخاف منها .

واقتربت "روح" من باب شقه الخاصه بالحج "فتحي" ووضعت كف يدها الشمال وتمتمت بكلام غير مفهوم أو مسموع بوضوح لهم، وبعد لحظات فتح باب الشقه دون أن تطرق عليه .!!

ولكن من خرج لهم، كانت زوجه "فتحي" ومن الواضح على ملامح وجهها الشاحب ،كأنها لا تنام ابدا وكان جسدها هزيل جدا .

فسألتها "روح" بغضب وعيون تتوعد لها بالشر، آنتي عملتي أيه تأني واكملت بغضب اكبر قائله ،ومش قولتلك الشقه دي تفضل فاضية!؟

فأجابتها السيدة بخوف وارتباك شديد، انا معملتش حآجه والشقه "فتحي" هو إللي صمم ياجارها مش أنا. !

فأبتسمت "روح" لها بسخرية ، وقالت لها على أساس إن الحج "فتحي" جوزك بيمشي بدماغه مش سحرلها وإنتي إللي بتمشيه.!

وكانت ستتكلم وتجيبها "زوجه فتحي "ولكن قامت بااسكتها" روح" وهي تشير لها بيدها إن تصمت ونظرت خلفها وسألت من يقف ورآها عرفني إنت هي عملت إيه في غيابي!!؟