بالغرفة المغلقة [يحدث بعد منتصف الليل]

الفصل الثالث عشر (اكتمال القمر )

ووقفت "روح" وسط الشقة أمام باب الغرفة

ووقف الثلاث شباب أمامها منتظرين ما ستقوله لهم وما تفكر فيه وما ستفعله الليلة .

وقد قامت برسم دائرة كبيرة الحجم واحطاتها بطبقه من الملح الخشن من كل اتجأه وطبقه أخري من مجموعه من مسحوق أعشاب مختلطين باأشياء أخري لا يعرفها إلا هي واحاطت هذه الدائره بعدد كبير من الشموع .!!

وهي عبارة عن مجموعه أشياء توضع للحماية والعزل والتأمين من تأثير الجن ولن يستطيعوا الدخول لأي شخص يوجد بداخلها .

وقد قامت باستدعاءِهم لتقول لهم عن ما سيحدث عند منتصف الليل وما عليهم فعله جميعًا لمرور هذه والكل يخرج منها وهو بخير .

وتنفست "روح" بعمق ، وتحدثت قائله ، أولا" ياسين" هيدخل وسط الدايره دي عشان نعمل فك طلسم الربط بالدم بينه وبين "عائش " ..

وبعدها أنا هدخل الأوضه لوحدي عشان الطقوس تتم للاخر زي ما إحنا عاوزين .

فقاطعها "أحمد" يسألها بقلق إزاي هتدخلي لوحدك عندها أكيد هيكون فيه خطر عليكي ...

فردت عليه مش تقلق أنا تقريبا بقيت شخص مهم جدا عندهم ، وهي مش هتقدر تئذيني .

المهم ركزوا وإسمعوا كل حاجه للاخر ...

عشان في اللحظة إللي هدخل فيها للغرفة أنتم التلاته هتكونوا جوا الدايره دي ومهما حصل أو سمعتَم إياكم حد فيكم يفكر يخرج منها لأي سبب لحد ما كل حاجه تنتهي للاخر ....

ولو لقدر الله حصلي حاجه هاتفضلوا فيها لحد أذان الفجر وبعدها تقدروا تهربوا من الشقة وماحدش يفكر يرجع ليها تآني مهما حصل .

وبعدما عرف كل منهم ما سيتم ذهبوا لتجهيز ..

وسألها "ياسين" بقلق ، هو الطقوس فيها خطر علينا كبير قوي كده !؟

فأجابته "روح" بهدوء ، وهي تحاول أزاله شعور الخوف بداخله ،

مش هكذب عليك وأقولك كله تمام ومش تخاف ومفيش خطر على حد فيكم ،

لكن إللي أقدر أوعدك بيه أنه مهما حصل أنا لايمكن هسيب حاجه تئذيكم وهحميكم بروحي ،عشان أنتم زي اخواتي وبقيتوا عيلتي إللي اتحرمت منها ،
وأنا مكنتش هعمل الفك النهارده لو كان فيه شك أو هيكون فيه خطر كبير عليكم ،

وأبتسمت له ، وطلبت منه قائله ، أنا كل اللى عاوزه منك أنك تحاول تكون هادي على قد ماتقدر
وتتطمن أن كل حاجه هتعدي على خير بإذن الله مش تقلق إنت بس ...