Last Devoted ( Mafia // Mizo )

Last devoted - 2

                      CHAPTER - 2

BY - GRAPESY

( MAFIA|| ROMANCE )

" Abigail harh teh! "

Amelia chuan min sâwi nawk nawk a,
meng mang hleilo hian " umm... " ka ti a, ka in khuh ťha mawlh mawlh bawk " tho lawk teh, amber saw " Amelia chuan a ti a, min sâwi nawk nawk bawk. Ka ťhu chhuak nghal zat a thawhphan pawh a sawi theihloh re re, chawp leh chilh in ka thinphu a rang nghal a, ka hlau thawng chhia va ni.

" Engtin nge awm a? " thinphu dep dep chuan ka zawt a " A luak char char a, achau lutuk " a tih rual chuan bothroom ah ka tlan lut nghal a. Amelia pawn min rawn zui lut nghal zat bawk, ka nau bang ngheng a lo ťhu ka hmuh chuan ka pan nghal vat a, a awm dan aťang chuan a chau tih a hriat ngawih ngawih bawk.

" Amber I ťha em? " ka tih rual chuan min rawn en a, a muttui chu alo tling pam mai " Ka nu kan ko a nge aw " ti a kalsawn nghal mai ka tum chu " Aih,  ka duhlo Abigail ko suh! " Amber in a tih chuan mak ti tak chuan ka en reng a.

" Abigail !  " a in sut deuh faih a, ka tih ngaihna hrelo chuan ka va kuah ta ngawt a, rei vaklo hnu ah chuan min nam sawn in toilet ah chuan a uak nghal tuar tuar a, ka nau chal ah chuan ka dawm a ahnung zang ah ka chul pah hauh hauh bawk.

Ka thiam ang tawk tawk chuan ka buaipui a, mahse ka zeilo em em thung " Abigail " Amber chuan thawk lak halh pah hian a rawn ti a " umm. " ka tih chuan in, min en kiau a a muttui chu ala tling pam tho.

" Lo tho rawh le, ka lo ti fai ang che " tiin Amber chu ka kai tho a, tap ah chuan tui ka herh haw a, Amber chu ka thiam ang tawk tawk in ka buaipui ve bawk.

" Abigail " Amber chuan a rawn ti leh a " Um " ka chhan dan tur hrelo lutuk chuan kan ti leh ngawt a " Chiara apartment ah let leh I ťum em? " arawn tih chuan chhan dan tur mai ka hrelo, ka rilru chanve chuan let leh a duh a, a chanve in let loh a duh thung " Ih, ka hrelo le " ka chhanna vang chuan, a thaw hak a ka nau mize danglam ta lutuk hi mak ka ti, a hma zawng a ka-nu chauh duh ťhin khan ka nu koh rem a ti tlatlo hi mai hi mak ka ti a ni.

" Amber, engtia rei nge tiang hian i awm tawh? " ka zawhna chu a chhang mailo, Amelia chu ka en leh a " Ni 5 vel a ni tawh ang, a thil ei apiang a luak chhuak zel sia enkawl dan pawh ka hre tawhlo " Amelia in a tih chuan ka thinur khawp mai

" Eng vang in nge damdawi inah in hruai mai loh a? " vin tak chuan ka ti leh a, Amelia chu rum theih tawp in ka melh bawk " Abigail, In I chhuahsan vang a thil thleng hi I hre thiam ve miahlo em ni? " zamna nei map lo chuan Amelia chuan a rawn ti a

" Kei a chhuah leh chhuah loh in, a damdawi in kal theih na a dallo e " ka tih tak ah chuan Amelia chu a rawn thinur chawp chilh nghal a " Abigail, I riah chhuah vang a chhuah khap ka nih hi I hrelo em ni? " a âw ri chu ring ťha tak a ni, Amber chuan chau zet in min rawn ngheng a.

Kei a riah chhuah vang a ka pa in ka naute thleng tlenng ahrem chu mak ka ti a, ka in thiamlo hle bawk " Ka nu tal pawh engmah I hrilhlo mi? " ka ti leh a, ka nu ah chauh chuan a ni beiseina tlem kala neih hi.

" Ka nu thu ka pa in a pawm leh a zawm I hre tawh ngai em ni? " ká zawhna chhanna atan zawhna bawk a ni, mahse a zawhna min pek chuan thil chu ati chiang khawp mai, ka nu lak a ka lo beisei ve chu engmah lo mai a nih zia a rawn sawifiah ni mai hian ka hria.

" Abigail ka mu duh " Amber chuan a rawn ti a, pawm kang in ka nau chu khum ah chuan ka mut a, ka phone kan en chuan zing dar-2 alo ri der tawh, Chiara message pawh a awm ťeuh a zing a chhan ah ka khek ta thung.

" Abigail " Amber chuan arawn ti a
" Na I nei em ni Amber? " ka tih rual chuan lu alo thing nar nar a, ka nau chu hrilhhai deuh tak chuan ka en reng a " Abigail, thi ta ila I ťap a ngem? " A sawi zawh rual chuan.          " Amber! " ka ti ťhat a, min en kal chung chuan.