Last Devoted ( Mafia // Mizo )

Last Devoted - 10

                  CHAPTER - 10

BY - GRAPESY

( MAFIA|| ROMANCE )

Hun in na te a liam pui a, reilo te emaw ka tih chhung khan thil tam tak ka tawng a, ka hma hun leh zel atan pawh a pawimawh tur tam tak ka zir chhuak a, ka tan a ťha tur leh ťhalo tur te thleng in a danglamna ka hre hrang tawh a, hun a liam chak ang hu in lunglenna leh khawhar na erawh a a liam ve hlei theilo thung.

Washington ngaihna a reh hmak theilo a, chhungte ngaihtuah an na hle bawk. An dam a ngem? Tih lah ka hrelo a, engkim mai chuan an mahni min ngaih tir nimai hian ka hria.

Ka pian cham chu ho te tak tak in ka hmang liam a, italy a ka awm tirh ata ka chhungte leh ka ťhiante aťang in message emaw call pawh vawikhat mah ka dawnglo a, dem thei ka nilo tih in hre mah ila ka rilru na erawh a reh thei chuanglo.

Ka pian cham a thleng tawh miau vang chuan in neih ni pawh a hnai zel a, Raphael erawh hriatthiam har zet in a khawsa leh ťhin, hna ah a buai chang lah a tam a, karkhat chuang rawn haw loh chang te pawh a nei hial ťhin. A thla a thla te a reh bo vang vang a, a rawn haw chhun lah in kan in hmu mang ngailo a, ka pian cham tak ngial pawh a hrelo ni awm tak a ni.

Kum khat chhung dawhthei tak in min nghak a, duh ngat sela chuan kum tlinglo chung pawh khan min nei thei ngei mai, mahse a zah ngaihna ka ti dawn nge min neih chak vakloh vang hrim hrim in kum khat chhung min nghak a, chu erawh chu a lawm awm viau thung.

Ka tan chuan he mansion hi ka khawvel ang a ni a, ka khawvel ah chuan keimah chuah ka cheng a, Raphael a rawn haw chang chuan in member pahnih kan awm thung.

Tlan chhuah kan tum tuk aťang khan hmun tir reng ah camera dah thar a ni a, a hma zawng aiin duty an tam belh bawk, hungna pawn lam chhuah rem tih ka nilo a, mansion kawt leh ka room chhung chu ka tal tamna ber a ni.

Sicilian leh Ndrangheta in thawm an nei leh huk ťhin a, chu pawh news aťang a ka hriat a ni, vantlang leh khawvel hma ah chuan sumdawng in el tak ang an ni a, mahse an nihna dik tak erawh chu tualthahna te, khak nate leh thisen a tuihalna te in an khat ve ve thung.

Gate in hawng thawm ka hriat avang chuan rang tak in ka room tukverh aťang chuan ka dak chhuak nghal a, Raphael car erawh a ni hauhlo, car hi a ngah viau na chung in hriat loh a lawi ka neilo a tih theih ang, ka thlir reng lai chuan ka beisei loh deuh ka hmu deuh hlawl a. Salvatore teh daih chu ka lo ti rilru nauh nauh bawk.

Raphael a nih loh vang chuan ka hnual deuh a, a chhan pawh Salvatore chu a ťawngthei in a chimawm em vang a ni.

Rang tak in ka room chu ka chhuahsan ta tho a, ka khawhar lai tak a arawn kal chu ka lawm viau tho, kailawn ah chuan ka pen thla nghal hlawk hlawk a. Salvatore rawn lut chiah nen chuan kan in hmu nghal chat a, khaw lum runluih ni awm hrim in coat nen a rawn in thuam leh ťup tawh bawk.

A ban dinglamah chuan paper bag, te fel at mai chu a khai a, chu chuan ka mit a la em em bawk. Beisei nei zet a Salvatore kan melh chhoh chuan alo ner nung thung " Thil thar i hmu ngailo a mi a? " tih leh in her a rual a, Salvatore harh vang bik lutuk hi chu mak tak a ni.

" Hmu ngai teh nang mawle? Mansion ah min khung tluk tluk a, nisa in min chhun ringawt pawhin ka pilh thei tawh. " ka ti bawrh bawrh a, tun a tan hi chuan mi biak tur neih tluk a hlu a awm kherlo ang.

" I chhuak theilo a mi? " hriatloh hmel tak chuan a rawn ti a, a hrelo der nge a hrelo tak tak tih pawh ka hrelo " Enge i rawn ken kha? " kei lah chuan ka lo ti sek sek a, Salvatore lah chu hun lo deuh ah chuan a in duh leh ťut a, mi mak sak tak zawng a ni. Min melh run run hnu ah " Dim hle ang che, i pian cham te a ni sia " a rawn tih chuan rang deuh chuan ka la nghal a.