Last Devoted ( Mafia // Mizo )

Last devoted - 7

                       Chapter - 7

BY - GRAPESY

( MAFIA|| ROMANCE )

Ka thawmhnaw, ka pheikhawk te leh ka thil mamawh bik ho chu alo awm hnur mai a, nikhat lek Italy a va bazar tur mai mai in heng tiang han ken chu ka ti deuh. Chawp leh chilh in ka-pa in insiam tur a min tih kha ka hre chhuak leh a.

Sawi buailo chuan khum ah chuan ka mu leh a, ka phone a rawn rik vang chuan ka ban nghal zat bawk ' Chiara ' hming ka hmuh rual chuan nui vur vur in ka la a " Abigail, nizan ah Salvatore ka apartment ah a rawn kal a, pawisa min rawn pe ťeuh mawle!! " phur hmel tak chuan a rawn ti lang lang a, a âw aťang ringawt pawh chuan a hlim viau a ni tih a hriat theih.

" A va fel ve a, I apartment luah man pawh I pek theih nghal dawn chu! " kei pawh chuan ka ti ve a, ka thaw pawh veng ve hawk in ka hria
" Ka pe nghal alawm, Salvotore hi chuan min ngaihtuah ve ngawt mai " a ti vang vang a, ka rin ang ngei a ni Salvotore chu.

" A awm rei em? " ka tih chuan, a reh vung vung a, a rawn ri leh sut sut ťhin
" Chiar eng I tih a? " mangang tak chuan ka ti leh chul a " Chiara!! " ka tih leh chuan a reh leh vung vung mai, chu tah ka rin loh deuh in a rawn hah-chhiau deuh thut a, kei pawh chu ka nui ta ringawt " Min ti hlau alawm " ka tih chuan " Min ngaihtuah nih kha " uang zet hian a rawn ti ve leh a " ngaihtuah e le.. " kei pawh chuan kan ti leh a, kan nui dun leh hak hak tawh, a kiang ah hi chuan rilru hah leh nat tak tak hi a awm theilo a nih hi.

" Raphael chu I duh zawng a ni em? " a rawn ti teh tawl mai, ka rin loh lutuk thil min zawh vang chuan ka ham haih deuh a, chhan mai nachang ka hrelo, zeploh chuan Raphael hi ka mipa duhzawng tak a ni ngei mai, mahse hmangaihna a awm miauloh vang hian ka ngaihtauh thui duh hranlo, kan tawp dan tur ka hriat miahloh vang a ni.

" I duh chiang mai, in in upat hleih mai sia maw... " a ti a, amah chuan a nui kar kar mai " Nang hi ka pasal neih tur hi I va hlim ve? " ka tih chuan " Ka unaupa te a nia, ka hlim ve alawm midang phei chu nei dawnla chuan ka tlanbo pui hrim hrim ang che, ka hre chiang a, a ti na ngailo ang che " a tih chuan keipawh chu min thlamuan hle mai, tlem in ka lo huphurh rukna te pawh a reh ni mai hian ka hria.

" Raphael phei chuan a duat ngawt ang che, mahse a thikthu a chhe teh mai a nia aw " a tih chuan kei pawh chu ka lo lai ve ringawt mai " Salvotore chuan I u min duh pui em? " ka laih em vang chuan kan ti thla rawk a, ka zak leh hnu hnawh " Ka tih awmzia chu..naa ka sawilo mai ang " ka ti ta ngawt a, ala rawn nui huk zui ka laih em vang chuan ka che buai deuh nuai mai.

" A tawi reuh sia, a nuih zawng in a biangzum alang kulh zel sia, motor ke a ang a ti che " a rawn tih chuan ka nui tawp chiang khawp mai " Ngawi mai teh nang pawh enge I nih bik? Putar pakhat in Lady Gaga ang a tih ve tho che kha " ka tih chuan " Mahni duhnu an te chu a zia alawm, motor ke ang ai thlawt chuan " a rawn ti a, chhandan tur mai ka hre tawhlo. Han sawi chhiat ve dawn lah hian a haw miahlo leh nghal a, tih ngaihna pawh ka hre tawhlo.

" Vawiin chu rawn chhuak ru la min bazar pui rawh, I nula rei tawh dawnlo a nia aw " a rawn ti a, ka thaw deuh hak a, nun zalen tak neih ka chak ngei mai " Nulat hma hma in anih hi pasal kan neih dawn " ka tih chuan " Tlanbo ang " a ti teh tawl mai
" Chiara, mawl viau zel suh " ka ti a, tih tak êm ah chuan tlanbo te chu ka duh reng, mahse Amber nunna ka kut ah a in nghat a ni tih ka hriatna hian ka tum min tih puitlin tirlo leh ťhin.

" Anih vawiin chu " a rawn ti leh hram a, ka thaw hawk tawh " Chiara, Italy ah mokawr en tur a kal ka ngai alawm " ka tih chuan a vin ťha leh tawh khawp mai " Ti nge min hrilh vatloh? " a rawn ti tuar a, a em em zel hian ah..

" I kum tlin hun tal nghak tur che an ni mawle, dawt in bul inťan tawh a an man chhuak cheu a nih chuan, I pa pawh hian a tuar phah thei a nia " a ti a, a thu min hrilh chu in warning na ang a ni " Ka hria, duhthlan tur dang a awm chuanglo " ka ti leh a, ka hnual nghal ruih bawk, ka fimkhur hle a ngai dawn a, min man chhauh theihlohna turin ka ťawngkam ka uluk hle a ngai bawk.